MANEUTNYI 2:15 - TÖHET LĪPÖRE (Re-edited) Bible (BSI)

¹⁵ Hē Fërō nö hāngö e, ngaich lukkenre angā-aṅ nö hòṅ fëlngen Môsös, falngöre pöri Môsös nö ṙā-ang i kūö Fërō, ngaich iyöng i panam aṅ Mītia: ngaich ūichngöre angā-aṅ nö ikui ök tö ūlö mak.

MANEUTNYI 2:15 Referans Kwoze

HEPRĀI 11:27

Lökten i ṙinātö ellōn anga-aṅ nö ṙā-ang Aikup, öt pa-ekūö tö tanāinyö ök rācha: pòn haköpöre anga-aṅ, nö sā mameuk ngam töt maneūken.

INLAHEN 7:29

Ngaich i yöng panam yip aṅ Mītīa. In e anga-aṅ nö nët maneuk kūön.

Ranehlö 24:11

Ngaich angā-aṅ nö asulngö nuk ūṅt nö la elkahôyö ök elpanam, ranghö ök tö-ūlö mak, i ṙētak harap, ngam ṙētak yik kikānö nö kunyī-inyre nö fòk mak.

Ranehlö 29:2

Ngëcha ngaich angā-aṅ, ngaich meuk ök tö-ūlö mak nö el kahôyö, ngaich, yĕh meuk, lūöi kiteūm nuk sīṅp hulalhaka nö ranghö e; pò cha nö ha-òk nuk sīṅp tö aṅ ök tö-ūlö mak: kiröng ök ihong ikūö ök mak.

T. YÔHAN 4:6

Umuh ök mak Yāköp. Uichngöre Yēsū ngaich, nö i kui ök mak, nöng ngatī; pòn chei töm kinröönngöre.

T. MËTIV 10:23

Yē cha pöri nö öthakôlò yīö nö i ngih panam, afalngöre yi-ö im tahëng. Tökô-ò ṙô Chin tö yīö, öl yin min keuheūt i panam Israel, hanöng saha yanihih ngòh Kūön Tarik.

INCHŌḴ-OṘÔ 22:3

Meuk kanihngen ngòh tö akaha tarik ngaich hayunngöre; iṙūöhöröön pöri töt akaha, ngaich kihten tökūö e.

MANEUTNYI 4:19

Ngaich ngöṙô ngam Mā Tēv tö Môsös nö i ṙô aṅ Mītiā, Kuṙòh, havantöre man i Aikup: tön ṙòkngöre vah yik nö kapah yik chamöh ngam nômö meh.

Ranehlö 25:4

Vē kikōnyö kūön Mitī-an inrē; Efah, Efer, Hanòk, Apitā, Elta-a inrē. Ṙòkhöre yin vē nö kūön Ketura.

Ranehlö 25:2

Ngaich kayôḵnyen Simran angā-aṅ nö kūön ò, Yòksan, Metan, Mitī-an, Ispak, Su-ah inrē.

MANEUTNYI 18:4

Ēlīsör minënyi ök tahëng; pòn ngö ṙô angā-aṅ, Holṙen chu an ngam Tēv ök yöng chu, ṙānyen chu inrē ṙā-ang i kūö sanët Fërō:

1 RĀCHA 11:18

Chōholre cha-a ngaich nö ṙāngö Mitīa, ngaich yih nö i Paran: kē tarik cha-a ngaich i Paran nö hol cha, yih cha-a ngaich nö i Aikup, in Fërō ök rācha aṅ Aikup; ök töhĕnghata nö kētö patī ò, ngaich halēnngen ò tö nya-aṅkūö, kētö taṙeū ò inrē.

HAPAKŪK 3:7

Kihten nup inrūkui Kūsan nö meūkö tö chu; kichëyöre nup ranangkūö panam aṅ Mītiā.