MANEUTNYI 2:11 - TÖHET LĪPÖRE (Re-edited) Bible (BSI)

¹¹ Ngaich ngö inlahen hē nuk sakāmö anū-ö, hē Môsös nö ngaich nö pōyö, ngaich chuh i yip holre angā-aṅ, ngaich meuk nuk lumngan cha: ngaich angā-aṅ nö meuk ök aṅ Aikup, nö chökhutī tök Hīprū, ök aṅ i yik hol ò.

MANEUTNYI 2:11 Referans Kwoze

MANEUTNYI 1:11

Lökten cha nö asöklö yöngṙen töla-evṙen nö in cha, nö hakihten nö hol tī tönup lumngan cha; ngaich chā-a nö mānlö chūök chehen Fërō tö elpanam, Pitōm, Rāmsēs inrē.

T. LŪKÖS 4:18

Aṅhaṅv-in Chin tö ngam Töhet Fanöinylö ngam Mā Tēv; pò Ò nö vīten Chu Öich mumkahten vē yāich, tö ngih tölöök inhānga; tīnngen Chu An, Öich ve-eny ṙinānyö vē tökē-ĕ, ane inrē yip tötmeuk nö hēk nö meuk; ṙamānyö yip töhanyahka;

T. MËTIV 11:28

Ta-ih, yihtöre yin in Chu, yī-ö taṙòkhöre töchei, yī-ö inrē tölangan tö kumre; töich kētö haneuheu yīö.

Isayā 58:6

Röh öng ngih inhīkö atöllö chu? Linuhnyö inlök öt lanöökö, linuhnyö nup uk nyanëk tö ngam kaneun, ṙināḵlö ngam töhakihtuṙen, linkölngö ngam kaneun inrē?

MANEUTNYI 3:7

Ngaich ngöṙô ngam Mā Tēv, Meuk kanihngen yip tarik re Chin, yip i Aikup, ngaich Chin hang ṙô cha nö peuiny tökūö tī yip yöngṙen cha nö la-evṙen; akahalōn Chin tö miṙivlōn cha.

MANEUTNYI 5:14

Ngaich yik mā yik kūön Israĕl, yik töhamālöngö nö ikui cha, tö yik yōm la-en Fërō, nö fōho, ngaich ngö intönö, Kūöyòh öi öt hateung la-enre öi vī īt vahë, töngamuh inrē sā ṙôkhölre i töha-eh?

MANEUTNYI 5:9

Hökeunlö yip tarik tö nup tö hönlöre lumngan la-en, hòṅ cha nö la-evṙen nö in u; un hāngö nup minyôinyaṅ cha.

MANEUTNYI 5:4

Ngaich ngöṙô ök rācha aṅ Aikup tö cha, Kūöyòh an nā-aṅ Môsös Āròn inrē, an asānngö vē tarik nö i në la-en cha? Kētöre yin in minë la-enre.

MANEUTNYI 5:5

Ngaich ngöṙô Fërō, Yĕh meuk, maṙôngö yin vē tarik aṅ ngih panam, ngaich nā-aṅ vīten cha nö heūheure nö i minë la-enre.

MANEUTNYI 6:6

Lökten nö ngöṙô tö yip kūön Israĕl, Chū-ö Chin Yāvē, kēnyen yīö chin min ṙā-ang i nup lumngan tī yip aṅ Aikup, kēnyen yīö chin ṙā-ang el inkövö tī cha, aṅtī tö töteuthak kël min Chū-ö ṙānyen yīö, aṅtī tö öp yöng inkaha fālen inrē;

MANEUTNYI 6:7

Kē-ĕ yīö Chin min öi tarik Chu, ngaich Chū-ö min öich Tēv yīö: ngaich akahakūö min yī-ö tö Chu Öich Yāvē, Öich Tēv yīö kamënyen yīö ṙā-ang elkatòh lumngan tī yip aṅ Aikup.