MANEUTNYI 2:10 - TÖHET LĪPÖRE (Re-edited) Bible (BSI)

¹⁰ Pōyö ngaich ngam nyīö, ngaich angā-aṅ nö kēten ò, nö ik kikānö kūön Fërō, ngaich angā-aṅ nö kūön ò nö kikōnyö. Ngaich kaheuk minë-eny ò angā-aṅ nö Môsös, ngaich ngöṙô Pò chu tūöklen ò nö ṙā-ang el mak.

MANEUTNYI 2:10 Referans Kwoze

HEPRĀI 11:24

Lökten i ṙinātö ellōn ang Môsös, hē ò ngaich nö pōyö, nö sōḵ nö havëka nö kūön ök kūön Fërō kikānö;

1 SAMUĔL 1:20

Ngaich hē ngam hē nö teungtökūö, pirūkö nyīö ngaich Hëna, ngaich kayônyö nyīö kikōnyö; ngaich kaheuk minë-eny ò anga-aṅ nö Samu-ĕl, nö ngö ṙô, Pò chu havëken ò im Mā Tēv.

Ranehlö 16:11

Ngaich ngöṙô ök ma-ahānga ngam Mā Tēv tö ò, Yĕh meuk, īnu man tö nyīö; ngaich kayônyö kikōnyö më-eṅ min; kaheuk minë-eny ò min më-eṅ nö Ismael, pò ngam Mā Tēv nö hang kanihngen meh.

1 YÔHAN 3:1

Yĕh meuk ṙôkö hanāngenlōn ngam Yöng tö hī i invëkö hī öi kūön ngam Tēv; ngaich kô ayī-ö. Angū-ö an lökngen ngih panam nö öt akahakūö tö hī; pò e nö öt akahakūö tö Ò.

KALATĪ 4:5

Pòn hōtu Anga-aṅ nö havaha cha yip më-elkatòh ngam chöngö; pò hī hōtu teūngen lālö öi kūön.

T. MËTIV 1:21

Kikōnyö ap min fahötnyö ò; Yēsū invëka Ap min Minënyö Ò, tö meh; pò Ò min Anga-aṅ nö hayööken vē tarikre, nö i nup tökööl cha.

Ranehlö 48:5

Ngaich nap töngamuh kūön meh kikōnyö nö chū-ö, nap tökayôḵnyu in meh ing panam Aikup urēhĕkūö yanīhih chu in meh i Aikup; Ifrēm, Manasē inrē, sā Rūpen, simōn inrē nö chū-ö chu min.

Ranehlö 4:25

Akahakūö hēk Ātöm tök pīhöre; ngaich kayôknyö kikōnyö angā-aṅ nyīö, ngaich kaheuk minënyö ò nö Set: ngö ṙô anga-aṅ, Pò ngam Tēv nö kēḵtö kūön chu tö tahëng, ṙënngen Āpēl; pò Kēn nö fëlngen ò.

MANEUTNYI 2:9

Ngaich ngöṙô ök kūön Fërō kikānö tö ò, Kēngö ngam nyīö man, harūkan nö kūön chu, kētö raneushö meh chin min. Ngaich ngam kikānö nö kē ngam nyīö, ngaich harūkan.

2 SAMUĔL 22:17

Tīnhöti anga-aṅ nö ṙā-ang lā- tulöng, kē-ĕ chu anga-aṅ; tūöklen chu inrē anga-aṅ ṙā- ang el nup tökiröng mak;