MANEUTNYI 19:9 - TÖHET LĪPÖRE (Re-edited) Bible (BSI)

⁹ Ngaich ngö ṙô ngam Mā Tēv tö Môsös, Yĕh meuk, yih Chin in meh el ap tökufëi taṙul, hòṅ më tarik nö hang ṙô Chu vë-ekūö meh, hòṅ cha inrē nö örheūheu nö ṙātö ellōnre nö in meh. Ngaich Môsös nö vë-eny nuk ṙô yik tarik nö i ngam Mā Tēv.

MANEUTNYI 19:9 Referans Kwoze

I. CHÖNGÖ 4:36

Löktö el halīöngö anga-aṅ nö vīten meh hang ṙô ò, pò ò nö hòṅ haköpten meh: ngaich i kui ngih panam anga-aṅ nö vīten meh meuk ök tökiröng tameūyö ò; ngaich hang nuk ṙô ò löknyö ellōn ök tameūyö.

MANEUTNYI 19:16

Ngaich ngö inlahen im linūöyö sakāmö, hē e nö ngaich nö peuheū, ngaich kunṙôkö angū-ö hanyālö inrē, kufëyö aṅ kui inrē ngam rôngö tö taṙul, pōitô inrē ök römpet; ngaich ṙòkhöre yik tarik nö kichëyöre yik më-el ök elyöngö.

T. MËTIV 17:5

Ṙònghöichṙô Anga-aṅ, ngaich kahultukui cha-a tök töyang taṙul; ngaich ngö ök ṙô, lamöktö el ök taṙul, Hanāngenlōn Chu Ön ngòh; nö Kūön Chu; in Ò Chin ṙāmölōn takô. Hang ṙô Ò yin.

Salmai 97:2

Havīlen Ò nup taṙul, sinngūlö inrē: lanöökö, inkaha fālen inrē, chūök ngam kantēra Ò.

MANEUTNYI 20:21

Ngaich yik tarik nö marôvat nö sökhaka, ngaich ṙūötöre Môsös nö i chūök ngam Tēv ik tökufëi singūlö. Chöngö I Alaha Minë Tahāklö

MANEUTNYI 14:31

Ngaich yik aṅ Israĕl nö meuk ṙôkö ngam Mā Tēv i tī Ò tö yik aṅ Aikup: pa-ekūö ngaich yik tarik tö ngam Mā Tēv, ngaich chā-a nö ṙātö ellōnre nö i ngam Mā Tēv im tarik ò inrē Môsös.

INMEUKHÖMAT 1:7

Yĕh meuk holtö taṙul an nö yih; ṙòkhöre mat inrē min nö meūkan, tö cha inrē yip samapngen Ò; ṙòkhöre inrē min yip miyöngö ing panam nö haṙivhen Ò. Ngatī an yēḵ. Āmen.

T. LŪKÖS 10:16

Ngòh hamang ṙô yīö, ngaich hang ṙô Chu. Ngòh samôḵen yīö, ngaich samôḵen Chu. Ngòh samôḵen Chu, ngaich samôḵòṅ ngam tamīnngen Chu.

T. MĀKÖS 9:7

Ngaich teungtöre ök taṙul nö hanyattökui cha; ngaich hĕng ök ṙô lamöktö el ök taṙul, tö ngö, Hanāngen Chu Ön ngòh nö Kūön Chu; hang ṙô Ò yin.

Isayā 19:1

Ngam ṙô ngam Tēv nö in Aikup. Yĕh meuk ngam Mā Tēv nö i kui töyit taṙūl, yih inrē nö i Aikup; ngaich nup insātēv Aikup min nö kē-ĕngre nö i kūö ò ayëṙi min inrē öp ellōn Aikup nö el ṙôngö e.

Isayā 7:9

Samariā inrē kui Ifrēm öp kikōnyö inrē kūön Ramalaya kui Samariā. Yē yīö öt ṙatö ellōn re, öthō yin min köp.

2 KINṘÖTNGÖ 20:20

Choholre cha-a ngaich nö ka-euilö kūö tö peuheū ngaich kunyī-inyre nö chuh ik tönyalnyi i Tēkōā; ngaich hē cha nö kiröönngöre, söklöre ngaich Yēhōsafāt nö ngö ṙô, Hang ṙô chu, Yūtā aṅ Yērusalem inrē! Ṙātö ellōnre yin im Mā Tēv ngam Tēv yīö, ngaich yī-ö min öt hanlöinyken; ṙātö ellōnre in yip pròfĕt ò, ngaich teunglen min yī-ö.

2 KINṘÖTNGÖ 6:1

Ngaich ngö ṙô Sòlòmön, Ngö ṙô An ngam Mā Tēv tö ò nö hòṅ iyöng el sinngūlö tö kufëi, ūichhak inrē el kantēra Israĕl,

1 RĀCHA 8:12

Ṙô-òv ngaich Sòlòmön, Vīlö ngam tavūöi An ngam Mā Tēv nö el minë halīöngö; ngö ṙô pöri tö ò min nö iyöng ël tökufëi sinngūlö.

MANEUTNYI 4:5

Hòṅ cha nö ṙātö ellōnre tö ngam Mā Tēv, ngam Tēv yik yöng cha, Tēv Aprahām, Tēv Isāk, Tēv Yāköp inrē, nö meūkö tö meh.

MANEUTNYI 4:31

Ṙātö ellōnre ngaich yik tarik: ngaich hē cha nö hang ngam Mā Tēv, tö Ò inrē nö meuk kanihngen cha, ngaich sōntö kuire chā-a nö Salām.

MANEUTNYI 34:5

Ngaich el taṙul ngam Mā Tēv nö yônti, ngaich sökhak nö in ò nö umuh, ngaich havëkö minë-eny ngam Mā Tēv anga-aṅ.

KINṘEŪKÖ 12:5

Ngaich yônti ngam Mā Tēv nö el taṙul, sökhaka ngaich nö ik inkūp ök rūkui, ngaich havëten Āròn, Miriöm inrē: nëtre taka cha-a ngaich nö yihtöre.

Salmai 99:7

Vë-ekūö cha Anga-aṅ nö el taṙul: haköp nup chöngö Ò cha-a, ap inchöngten inrē kahëtö Ò nö in cha.

I. CHÖNGÖ 4:10

Ik sakāmö hē yīö sökhaka i Hōrep i kūö ngam Mā Tēv ngam Tēv yīö, hē ngam Mā Tēv nö ngö ṙô tö chu, Hamūltö yip tarik in chu, hòṅ chu vīten cha nö hang në ṙô chu, hòṅ cha nö haköptöre nö pa-ekūö tö chu i rô-òtö në sakāmö cha nö iyöng kūö ngam panam, hòṅ cha inrē nö haköptö yip kūönre.