MANEUTNYI 19:8 - TÖHET LĪPÖRE (Re-edited) Bible (BSI)

⁸ Ngaich ṙòkhöre ṙô yik tarik nö sap ṙô ò, nö ngö ṙô, La-evṙen in min tö minë ṙô ngam Mā Tēv nö ṙòkhöre. Ngaich Môsös nö vënyö nuk ṙô ngam Mā Tēv nö i yik tarik.

MANEUTNYI 19:8 Referans Kwoze

MANEUTNYI 24:7

Ngaich kēḵ ngam līpöre kinlēḵngô anga-aṅ, ngaich vë-ekūö e nö el ṙôngö yik tarik; ngaich ngö ṙô chā-a, Kēken nup ṙô ngam Mā Tēv in min nö ṙòkhöre, hang Chöngö inrē.

MANEUTNYI 24:3

Ngaich Môsös nö yihtöre ngaich keuheūtnyöre ṙô nö i yip tarik tö nuk ṙô ngam Mā Tēv, ṙòkhöre nuk inkaha fālen inrē: ngaich ṙòkhöre yik tarik nö hēngòng ṙô nö sapṙô, nö ngö ṙô, Kēken nup ṙô ngam Mā Tēv in min nö ṙòkhöre.

NAHIMIĀ 10:29

Hamūltöre nö i yik mak alaha re, yik mā cha, ngaich kēhötre nö el rinūtngövah tö chūöku kinlēḵngô inrē nö lök im chöngö ngam Tēv ngam tökētu nö in Môsös ök tarik ngam Tēv, nö haköpkö e la-evṙen inrē tö nup chöngö ngam Mā Tēv ngam Mā hī tö nup hachöngten Ò inchöngten inrē.

YÔSUĀ 24:24

Ngaich yik tarik nö ngö ṙô tö Yôsuā, Lök la-en ngam Tēv re in min ngam Mā Tēv, anga-aṅ inrē min ahang ṙô ih.

MANEUTNYI 20:19

Ngaich ngö ṙô chā-a tö Môsös, vë-ekūö ih man më-eṅ, hang ṙô meh in min: uh pöri ngam Tēv nö vë-ekūö ih, hòṅ ih öt kapah.

MANEUTNYI 4:31

Ṙātö ellōnre ngaich yik tarik: ngaich hē cha nö hang ngam Mā Tēv, tö Ò inrē nö meuk kanihngen cha, ngaich sōntö kuire chā-a nö Salām.

YÔSUĀ 24:21

Ngaich ngö ṙô yik tarik tö Yôsuā, Hö-ö; lök la-en ngam Mā Tēv in īhö min.