MANEUTNYI 19:6 - TÖHET LĪPÖRE (Re-edited) Bible (BSI)

⁶ Ngaich yī-ö min öi pūlngö in Chu öi kūönṙô, töhet öi pumnāmö tarik inrē. Anū-ö nun ṙô meh vë-ekūö yip kūön Israĕl.

MANEUTNYI 19:6 Referans Kwoze

INMEUKHÖMAT 5:10

Ngaich vīten cha; nö pūlngö, mameukṙen ngam Tēv hī: ngaich cha-a nö hayöng nö ing panam.

1 PĪTÖR 2:9

Mumātö pöri yi-ö öi tökatöllöngö, mineukṙen aṅ im Mā, töhet tarik, tarik öi amin ngam Tēv, pò yīö hōtu hameuktö lanöökö Ò ngam mahavënyen yīö ṙā-ang el sinngūlö, öi im pinngangkūö hanātö:

1 PĪTÖR 2:5

Yī-ö inrē, sā tö-aṅ ihong, öi mānlöngö i ngam aṅ i töhet patī, öi töhet, mameukṙen, öi kētö aṅ i töhet tökētu, töhōḵov tö ngam Tēv lökten Yēsū Kristū.

INMEUKHÖMAT 1:6

Ngaich vīlen hī pūlngö, mameukṙen ngam Tēv Ò, Yöng inrē; kanôlò Ò yēḵ, minā-aṅ inrē örheūheu yēḵ. Āmen.

I. CHÖNGÖ 7:6

Tön töhet man më-eṅ öm tarik im Mā Tēv ngam Tēv meh: katöllen meh an ngam Mā Tēv ngam Tēv meh öm tö tohngöre tarik ò, öm ṙā-ang i vē tarik nö ṙòkhöre aṅkūö ngih panam.

I. CHÖNGÖ 28:9

Hāköpi man min tö ngam Mā Tēv öm tarik ò töhet, sā ṙô ò nö in meh nö chūöku ṙô nö kilēḵngô re nö in meh; yē meh min köptī tö në Chöngö ngam Tēv meh ngam Mā Tēv, lök el në talöökö ò inrē.

Isayā 62:12

Ngaich cha-a min nö kaheūkö nö Töhet tarik, Töṙānyu tö ngam Mā Tēv; ngaich me-eṅ min kaheūkö Töchöhöh, elpanam tötṙā-aiṙen.

I. CHÖNGÖ 26:19

Vīlen meh inrē öm tulöng tö taṙòkhöre pumnāmö tarik vē vahī-il ò i ineū-euṅ, i minë-eny, i minlēḵken inrē; hòṅ meh inrē öm tarik töhet im Tēv meh ngam Mā Tēv, sā ṙô ò nö ngaich.

LA-EN LĒVĪ 19:2

Vë-ekūö yip ṙôngö kūön Israĕl nö ṙòkhöre, ngö ṙô tö cha, Het yin min: pò Chu Chū-ö Tēv yīö töhet öich Mā Tēv.

RŌMA 12:1

Kahōlö, lökten chin vë-ekūö yīö, lökten i minë neūkölōn ngam Tēv, öi kētö minë alahare, tökētu nö tö aṅ, töhet, tö hōḵovö tö ngam Tēv, nö aṅ im töhet tī yīö la-en.

INMEUKHÖMAT 20:6

Tökôlò öp anga-aṅ, ane inrē töhet, öp tö nôlta nö im raneh invanlö. Öt kanô-òṅvö nö in cha ngam innëtö kinpaha; ngaich pöri min cha-a nö mameukṙen ngam Tēv ngam Kristū Ò inrē, ngaich hol Ò min nö hayöng nö hĕng köṅny samyeūheu.

1 KÒRIN 3:17

Yĕn tarīku pumyāingö ngam töhet chūök ngam Tēv, piyāingen ò min ngam Tēv; pò ngam töhet chūök ngam Tēv nö töhet; öi yī-ö kòl.

Isayā 61:6

Kaheūkö pöri min yī-ö öi kūönṙô ngam Mā Tēv mameukṙen ngam Tēv hī yin min tö ṙô yip tarik; nyā-aṅvkūö yin min tö kanôlò pumnāmö tarik, eū-eu yin min i nup kanôlò cha.

LA-EN LĒVĪ 20:26

Töhet yin yī-ö min in Chu: pò Chu Chū-ö töhet Öich Mā Tēv, ngaich haköhngen yīö tö më tarik, pò yīö hōtu öi Chū-ö.

I. CHÖNGÖ 14:21

Uh yī-ö kā tökapah nöng kahngenre: kēngen ò më-eṅ kô-òren ip aṅ tahëng öp me-ël inkūp kinlōngö meh, hòṅ ò nö öt kāḵ an; hēk inyihngen ò in öp aṅ tahëng pumnāmö: tön töhet man më-eṅ tarik ngam Tēv ngam Mā Tēv meh. Uh man sum kun pököre el aṅteh öp yöng ò.

LA-EN LĒVĪ 21:23

Höng uh pöri anga-aṅ min nö kuhēthötre nö lā ël öp ranangkūö, un rēhĕn nö haröhtöre nö ip tahāklö, tön chōichö pak alaha an; hòṅ ò nö öt hachōichngö minë töhet chūök Chu: tön Chū-ö Chin Mā Tēv ma-ahetlö u.

LA-EN LĒVĪ 20:24

Ngaichô pöri Chū-ö tö yīö, amīnu yin min töp panam cha, kētö e chin min nö in yīö nö kanahngen yīö, öp panam töhëmö aṅkūö tö aṅteh, hanī inrē: Chū-ö Chin Tēv meh Öich Mā Tēv, mahaköhngen meh tö më tarik.

1 TÖSALÒNIKĒ 5:27

Chūöku ṙô chin tö yīö, im Mā, tö ngih tökūchö līpöre nö vë-evkūö nö i hol nö ṙòkhöre.

MANEUTNYI 15:26

Ngö ṙô angā-aṅ, Yē meh min hakūötenre hang ṙô ngam Tēv ngam Mā Tēv meh öm la-evṙen töp töchip el mat Ò, ngaich kētö elnangre i në Chöngö Ò nö ṙòkhöre, ngaich chū-ö min öt hēngö hakeunti in meh, tö në invah, në hakeuntö chu in yip aṅ Aikup: pò chu öich Mā Tēv tö lööken tī tö meh.

MANEUTNYI 22:31

Ngaich in Chu yī-ö min töhet öi tarik: lökten yin ui kāḵ nup tökāpö tö töṙeūla el kahôyö kavaltö u pöri i nup am.

1 RĀCHA 3:8

Ngaich ngòh tarik meh vē katöllö meh, töpōyen tarik, vē töt kanṙeūken tö ṙôngö re.

1 RĀCHA 8:53

Tön më-eṅ man mahaköhngen cha ngaich nö ṙā-ang in vē tarik ngih panam nö ṙòkhöre nö amin meh, sā ṙô meh nö lökten eltī Môsös ök tarik meh hē meh kēnyö yik muvöhngö ih nö ṙā-ang Aikup, Ō Mā Tēv.

1 KINṘÖTNGÖ 17:22

Ngaich më-eṅ vīlö vē tarik meh Israĕl nö örheūheu nö tarik meh; Ō Mā Tēv, ngaich më-eṅ inrē vītöre Tēv cha.

Isayā 43:4

Pò meh töpōiṙāi i kūö chu, tö-eū-eu inrē, hāngenlōn chū-ö inrē tö meh; lökten chin min kētö tarik nö lumnööṙö meh, tarik tömaṙôngö inrē nö ṙënngen nômö meh.

Isayā 66:21

Haroh tum tak in cha inrē min tökē-ĕ tö chu nö kūönṙô i la-en Lēvi inrē, ṙô ngam Mā Tēv.

YERIMIĀ 2:3

Töhet an Israel nö im Mā Tēv, lanòhlòng nup hamūl ṙòng ò. Ṙòkhöre yip nyamā-aṅ e nö töfāluṙen; teunghukui yip min tö tötlöök, ṙô ngam Mā Tēv.

YERIMIĀ 7:23

Ngih pöri chöngö kahëtö chu in cha, Hang ṙô chu, ngach Tēv yīö chū-ö min, ngaich yī-ö min tarik chu; lök ël nup talöökö chu inrē tinölô yīö tö chu, hòṅ yīö lööken in re.

YERIMIĀ 13:11

Pòn sā ngam kinfan nö köp nö i ṙat tarik, ngatī chū-ö vīten yip aṅ patī Israel nö ṙòkhöre tö yip aṅ patī Israel nö ṙòkhöre töyip aṅ patī Yūtā inrē nö ṙòkhöre nö köp nö in chu, ṙô ngam Mā Tēv, hòṅ cha öre nö tarik chu minë-eny, nöinyö,ineū-eu inrē, hö-ö pöri cha-a nö hō nö hang.

AMŌS 3:2

Höng yī-ö yin mikahkūö chu i tum mupīhöyip taṙòkhöre aṅ ngih tumlat; lökten chin min in yīö chöhkö nup taṙòkhöre tökööl yīö.

MANEUTNYI 28:36

Ane min me-eṅ vī humlum tötkatĕhka nö tömitāk, kā-īpö e, sā nup tö ka-iphötvö i minkahngö, Töhet im Mā Tēv.

KINṘEŪKÖ 16:3

Hamūlöre cha-a ngaich nö lā-alkūö Môsös, Āròn inrē, ngaich ngö ṙô tö cha, Yahhen nan nā-aṅ hakôngenre, yĕh meuk vē ṙôngö tarik nö töhet nö ṙòkhöre, in cha an nā-aṅ hapōilöre lātulöng tö vē ṙôngö aṅ im Mā Tēv,

Salmai 114:2

Töhet chūök Ò ngaich ang Yūtā: pūlngö Ò ang Israĕl.

HAKAI 2:5

Köpölōn tö ngam ṙô ngam kinlēḵngô chu in yīö hē yīö ṙā-ang Aikup, ngam fanöinylö chu inrē nö köpngö nö in yīö: uh yin pa-ekūö.