MANEUTNYI 19:5 - TÖHET LĪPÖRE (Re-edited) Bible (BSI)

⁵ Lökten yĕh, yē yīö min kô-en hang ṙô chu, öi haköp ngih kinlēḵngô Chu inrē, ngaich yī-ö min chehen Chu takô-en öi aṅ i vē taṙòkhöre tarik: pòn ṙòkhöre ngih panam nö Chū-ö:

MANEUTNYI 19:5 Referans Kwoze

I. CHÖNGÖ 14:2

Tön töhet man öm tarik ngam Tēv ngam Mā Tēv meh, ngaich më-eṅ atöllöngö tö ngam Mā Tēv, öm tarik ò tötohngöre, tulöng tö taṙòkhöre tarik yip aṅkūö ngam tumlat.

I. CHÖNGÖ 7:6

Tön töhet man më-eṅ öm tarik im Mā Tēv ngam Tēv meh: katöllen meh an ngam Mā Tēv ngam Tēv meh öm tö tohngöre tarik ò, öm ṙā-ang i vē tarik nö ṙòkhöre aṅkūö ngih panam.

I. CHÖNGÖ 26:18

Ngaich inrē nö halööknyöṙôre nö in meh töngamuh ngam Mā Tēv tö meh öm höng tarik ò sā ṙô ò nö kilēḵngôre nö in meh, tö meh inrē hōtu köptī tö nup chöngö ò;

MALAKI 3:17

Ngaich chū-ö chu min cha-a, ṙô ngam Mā Tēv yip tömaṙôngö, ip sakāmö angū-ö hē chu vī, öp tötohtöre töpōi ṙāi chehen; ngaich chū-ö min ṙālen cha, sā ngòh tarik nö ṙālö öp kūön re öp lamök la-en ò.

MANEUTNYI 15:26

Ngö ṙô angā-aṅ, Yē meh min hakūötenre hang ṙô ngam Tēv ngam Mā Tēv meh öm la-evṙen töp töchip el mat Ò, ngaich kētö elnangre i në Chöngö Ò nö ṙòkhöre, ngaich chū-ö min öt hēngö hakeunti in meh, tö në invah, në hakeuntö chu in yip aṅ Aikup: pò chu öich Mā Tēv tö lööken tī tö meh.

Salmai 135:4

Pò ngam Mā Tēv nö atöllen Yāköp nö tarik Ò: Israĕl inrē nö tarik Ò.

I. CHÖNGÖ 4:20

Kē-ĕ yīö pöri ngam Mā Tēv, ngaich kēnyen yīö ṙā-ang i kūö ök vët tameūyö, ṙā-ang Aikup, pòi hōtu tarik ò, öi amin ò, sā yīö töngamuh.

MANEUTNYI 23:22

Yē meh pöri min kô-en hang ṙô ò, la-evṙen inrē tö nup ṙô Chu nö ṙòkhöre; ngaich Chū-ö min kumnyah elmat yip tökunyaha elmat tö meh, lā-al yip lā-al meh inrē.

TAITÖS 2:14

Ngam kamëḵngöre tö pòkūö hī, nö hòṅ ṙānyen hī Anga-aṅ, nö ṙā-ang i nup tökööl nö ṙòkhöre, ngaich ahetlen hī nö in re öi tarik amin Ò, kalēḵĕlōn i tö löök la-en.

I. CHÖNGÖ 10:14

Yĕh meuk, halīöngö ngam Tēv ngam Mā Tēv meh an ngam halīöngö minë halīöngö, ngam tumlat, holtö nup taṙòkhöre aṅkūö e.

MANEUTNYI 9:29

Ngaich Môsös nö ngö ṙô tö ò, Hanyāṅknyö këlre chin min i kūö ngam Mā Tēv, ilööṙen yē chu ngaich lā uk ngam elpanam; ṙātöre min ngaich ngam kunṙôkö, ötrēhĕn min inrē nö ōtngöre tökënngöre kumṙah: hòṅ meh akahalōn töng tumlat, nö tumlat ngam Mā Tēv.

Salmai 24:1

Panam ngam Mā Tēv ön ngih, nup tanööḵöl e inrē: ngam panam, tö yip aṅ e inrē.

1 KÒRIN 10:26

Tön tumlat ngam mā ön ngih, nup tanööḵlö e inrē.

NGAM LĪPÖRE YŌP 41:11

Achiāp kamë-eṅti nö in chu, hòṅ chu havanten e nö in ò? Chū-ö chu nun në töng sitih el katòh ngam halīöngö.

I. CHÖNGÖ 5:2

Vītö kinlēḵngô An ngam Mā Tēv ngam Tēv hī nö in hī nö i Hōrep.

HEPRĀI 11:8

Lökten i ṙinātö ellōn ang Aprahām nö hang, hē ò nö havëtu, nö chuh ik töhĕng chūökö, ök kahëḵ ò nö amin ò; kiröönngöre anga-aṅ ngaich, nöng öt akahakūö tö kū-öre.

Isayā 43:1

Ngö ṙô pöri ngam Mā Tēv töngamuh, anga-aṅ ngam vamīlen meh, Ō Yāköp, anga-aṅ inrē ngam mahachipngen meh, Ō Israĕl: Um pa-ekūö tön ngaich chin ṙānyen meh: havëken meh chin tö ngam minë-eny meh, chū-ö chu mana.

Isayā 41:8

Me-eṅ pöri, Israĕl, tarik chu Yāköp ngam katöllö chu, ngam kūön Aprahām ap hol chu.

Salmai 25:10

Ṙòkhöre nup talöökö ngam Mā Tēv nö hanāngen neūkö-lōn, kanô-en inrē: nö in yip tököp tö nup kinlēḵngô, chöngö ò inrē.

1 SAMUĔL 15:22

Ngaich ngö ṙô ang Samu-ĕl, Kiröngö lōn Ang ngam Mā Tēv nö i töföngö tökētu i tökētu inrē, nö sā öp hināngö ṙô ngam Mā Tēv? Yĕh meuk ngam hinang chöngö nö tömöthë tö tökētu, ngam hināngö inrē nö möthë tö tö sangöṅ kūön sīṅp.

YÔSUĀ 24:24

Ngaich yik tarik nö ngö ṙô tö Yôsuā, Lök la-en ngam Tēv re in min ngam Mā Tēv, anga-aṅ inrē min ahang ṙô ih.

Isayā 1:19

Yē yīö töhōḵ hamang chöngö inrē, ngaich yī-ö min nyā-aṅvkūö tö tölöök aṅ im panam:

1 RĀCHA 8:53

Tön më-eṅ man mahaköhngen cha ngaich nö ṙā-ang in vē tarik ngih panam nö ṙòkhöre nö amin meh, sā ṙô meh nö lökten eltī Môsös ök tarik meh hē meh kēnyö yik muvöhngö ih nö ṙā-ang Aikup, Ō Mā Tēv.

I. CHÖNGÖ 28:1

Ngaich angū-ö min, yē meh sin haṙēmngenre tö ṙô ngam Tēv meh ngam Mā Tēv, öm haköpkö në Chöngö ò öm la-evṙen tö në tinöölô meh tö chu i ngih sakāmö, hòṅ ngam Tēv meh ngam Mā Tēv nö latulöng tī tö meh i kui taṙòkhöre pumnāmö tarik aṅ ngih tumlat:

Isayā 56:4

Tön ngö ṙô An ngam Mā Tēv: yip kumkantöre mahaköpkö töhet sakāmö chu, nö atöllö nup kumchiklōn chu köptī inrē tö ngam kinlēḵngô chu:

MANEUTNYI 24:7

Ngaich kēḵ ngam līpöre kinlēḵngô anga-aṅ, ngaich vë-ekūö e nö el ṙôngö yik tarik; ngaich ngö ṙô chā-a, Kēken nup ṙô ngam Mā Tēv in min nö ṙòkhöre, hang Chöngö inrē.

YERIMIĀ 7:23

Ngih pöri chöngö kahëtö chu in cha, Hang ṙô chu, ngach Tēv yīö chū-ö min, ngaich yī-ö min tarik chu; lök ël nup talöökö chu inrē tinölô yīö tö chu, hòṅ yīö lööken in re.

I. CHÖNGÖ 11:27

Ngam inkôlò, yē yīö min hang në inchöngten aṅ im Tēv ngam Mā Tēv yīö, në tinöölô yīö tö chu i ngih sakāmö:

1 KÒRIN 10:28

Yĕn tarīkuvö pöri tö ngö ṙô tö yīö, Tökētu an taheui ngamuh nö i tökētu; un nya-aṅvkūö, chööḵnyö tö ngam mameuk, chööḵnyö tö ngam kuilōn inrē.

I. CHÖNGÖ 14:21

Uh yī-ö kā tökapah nöng kahngenre: kēngen ò më-eṅ kô-òren ip aṅ tahëng öp me-ël inkūp kinlōngö meh, hòṅ ò nö öt kāḵ an; hēk inyihngen ò in öp aṅ tahëng pumnāmö: tön töhet man më-eṅ tarik ngam Tēv ngam Mā Tēv meh. Uh man sum kun pököre el aṅteh öp yöng ò.

YERIMIĀ 10:16

Öt ngatī an anga-aṅ ngam minchööḵö Yāköp, pòn anga-aṅ vamī taṙòkhöre, miyöngö ò inrē Israel aṅ ip amin ò; Mā Tēv yip tömaṙôngö ap minë-eny ò.

Sòlòmön 8:12

Panô-òṅ vāin chu, kanahngen chu, lumnööṙö chu; Ō Sòlòmön, in meh nup yēḵ töhĕng köṅny, nëtòng inrē in yip yōm ṙòng.

HEPRĀI 8:9

Öt sā ngam kinlēḵngô vahī tö Chu ngaich i yik muvöh- ngö cha, Ik sakāmö hē Chu sarōk kël cha Öich hachōḵ- nyen cha ṙā-ang im panam Aikup, Pò cha nö iṙūöhen nö im chöngö Chu. Öt kūöngen chu-ö tö cha ngaich, ngö ṙô ngam Mā.

1 PĪTÖR 2:9

Mumātö pöri yi-ö öi tökatöllöngö, mineukṙen aṅ im Mā, töhet tarik, tarik öi amin ngam Tēv, pò yīö hōtu hameuktö lanöökö Ò ngam mahavënyen yīö ṙā-ang el sinngūlö, öi im pinngangkūö hanātö:

Ranehlö 17:9

Ngaich ngöṙô ngam Tēv tö Aprahām, Më-eṅ pöri, haköp ngam kinlēḵngô Chu man, më-eṅ, töp kūön meh inrē unôichrit meh i tumkölchap cha.

MANEUTNYI 6:7

Kē-ĕ yīö Chin min öi tarik Chu, ngaich Chū-ö min öich Tēv yīö: ngaich akahakūö min yī-ö tö Chu Öich Yāvē, Öich Tēv yīö kamënyen yīö ṙā-ang elkatòh lumngan tī yip aṅ Aikup.

MANEUTNYI 8:22

Ip sakāmö hē e Chū-ö min haköhngen ap panam Kōsen, ip chūök yip tarik chu nö iyöng, öt inṙūöiyu min in e; hòṅ meh akahalōn tö Chu öich Chū-ö Mā Tēv ellōn ngih panam.

I. CHÖNGÖ 28:9

Hāköpi man min tö ngam Mā Tēv öm tarik ò töhet, sā ṙô ò nö in meh nö chūöku ṙô nö kilēḵngô re nö in meh; yē meh min köptī tö në Chöngö ngam Tēv meh ngam Mā Tēv, lök el në talöökö ò inrē.

1 KINṘÖTNGÖ 17:22

Ngaich më-eṅ vīlö vē tarik meh Israĕl nö örheūheu nö tarik meh; Ō Mā Tēv, ngaich më-eṅ inrē vītöre Tēv cha.

ISIKĪ-ĔL 16:8

Ngaich hē chu chööḵngen meh hēk ngëichken meh inrē, yĕh meuk ngaich me-eṅ sā ṙēti mī-i hanāgenlōn; ngaich chū-ö haṙīöngnyö ngam kinfanre in meh, ngaich kafanngö kūö ngam linchôyö meh: hòṅ kilēḵngôre chū-ö öich hāngen tö meh ngaich kēhötre ip kinlēḵngô in meh, ṙô ngam Mā Tēv, kētöre ngaich me-eṅ öm chū-ö chu.

AMŌS 3:2

Höng yī-ö yin mikahkūö chu i tum mupīhöyip taṙòkhöre aṅ ngih tumlat; lökten chin min in yīö chöhkö nup taṙòkhöre tökööl yīö.

AMŌS 6:1

Tötkôlò yip cha-a yik kumchikngenre nö i Sīyôn, acha-a inrē yip töngë-eṅ chūök nö i kui rôngö Samariā, yip mā tarik yöngkūö yip pumnāmö tarik, yip töyīhiv kūö tö ngam patī Israel!

MANEUTNYI 34:9

Ngaich ngö rô anga-aṅ, Yē chu töngamuh tö inkôluṙô i kūö meh, ō Mā vë-ekūö meh chin hökngen ngam Mā, nö kiröönngöre nö in ih; tön tökëhe likeun yin vē tarik; aṙēlö kanöölö tökööl ih inrē, ngaich kēḵĕ ih öi amin meh.

LA-EN LĒVĪ 20:24

Ngaichô pöri Chū-ö tö yīö, amīnu yin min töp panam cha, kētö e chin min nö in yīö nö kanahngen yīö, öp panam töhëmö aṅkūö tö aṅteh, hanī inrē: Chū-ö Chin Tēv meh Öich Mā Tēv, mahaköhngen meh tö më tarik.

I. CHÖNGÖ 9:29

Sönen cha-a nö tarik meh amin meh inrē, më kahënyö meh iyöng minhôinyö meh ane inrē im töhateutnyu kël meh.

I. CHÖNGÖ 26:19

Vīlen meh inrē öm tulöng tö taṙòkhöre pumnāmö tarik vē vahī-il ò i ineū-euṅ, i minë-eny, i minlēḵken inrē; hòṅ meh inrē öm tarik töhet im Tēv meh ngam Mā Tēv, sā ṙô ò nö ngaich.

NGAM LĪPÖRE YŌP 41:3

Pōyen ṙô ap min nö vë-elkuire nö in meh? Ṙēmö ṙô ap min nö vë-ekūö meh?

YERIMIĀ 13:11

Pòn sā ngam kinfan nö köp nö i ṙat tarik, ngatī chū-ö vīten yip aṅ patī Israel nö ṙòkhöre tö yip aṅ patī Israel nö ṙòkhöre töyip aṅ patī Yūtā inrē nö ṙòkhöre nö köp nö in chu, ṙô ngam Mā Tēv, hòṅ cha öre nö tarik chu minë-eny, nöinyö,ineū-eu inrē, hö-ö pöri cha-a nö hō nö hang.