MANEUTNYI 19:4 - TÖHET LĪPÖRE (Re-edited) Bible (BSI)

⁴ Meuk nuk tī chu yin ngaich i yik aṅ Aikup, tö inlahen chu inrē in yīö öich keūnö yīö i rōi kël matēṙö, öich kēten yīö in Chu inrē.

MANEUTNYI 19:4 Referans Kwoze

Isayā 63:9

Kihngen anga-aṅ i nup kanihngen cha nö ṙòkhöre, hayööken cha inrē öp ma-ahānga in ò; i hanāngenlōn ò i miṙēlōn ò inrē anga-aṅ nö ṙānyen cha; chātlen cha anga-aṅ ngaich tayuklen cha löktö kūö nuk sakāmö hötṙeh.

Isayā 40:31

Acha-a pöri yip hamökkö ngam Mā Tēv nö tumfömlöng kumlēḵ min: kiteūlöre yip min cha-a nö sā kël matēṙö; fal yip min, ngaich öt hōk nö chei; kiröönngöre yip min, ngaich öt chaṙīvi.

INMEUKHÖMAT 12:14

Ngaich kētu nö ik kikānö nuk tö nët sanëòk ök tökiröng matēṙö, pòn hōtu anga-aṅ nö kiteūngöre nö ik chūökre el inchōn, ik chūök ò nö rĕh rò-òten nö harūkö, ane inrē pōyen ṙētak, ròngti inrē tö hĕng ṙētak, nö ṙā-ang i kūö ngam tulan.

I. CHÖNGÖ 29:2

Ngaich Môsös nö havëtö yik Israĕl nö ṙòkhöre, ngaich ngö ṙô tö cha. Ngaich yin meuk nup ṙô ngam Mā Tēv nö i kūö yīö nö in Fërō ip panam Aikup, in yip tarik ò inrē nö ṙòkhöre, in nup i panam ò inrē nö ṙòkhöre;

I. CHÖNGÖ 4:9

Höng haṙēmngenre man, kalē-ĕlōn haköpöre, hòṅ meh öt vaichngö tö nuk tö ngaich nö meūkö tö meh, hòṅ u nö öt ṙāngö ngam ellōn meh i rô-ò ten meh aṅ; mikaktölōn yip kūön meh pöri tö u, yip kūön yip kūön meh inrē.

HAKAI 2:5

Köpölōn tö ngam ṙô ngam kinlēḵngô chu in yīö hē yīö ṙā-ang Aikup, ngam fanöinylö chu inrē nö köpngö nö in yīö: uh yin pa-ekūö.

MALAKI 2:10

Röh öi ayī-ö ṙòkhöre höng hĕng tak yöng? Öt höng hĕng tak ang ngam Tēv nö vīlen hī? Kūöyòh öi ayī-ö kö michūḵṙen chanökhu inlahen i holre, hachōichngö ngam kinlēḵgô yik yöng hī?

I. CHÖNGÖ 1:30

Ngaich ngam Mā Tēv ngam Tēv yīö nö kiröönngöre nö urēhĕkūö yīö, anga-aṅ an min kumyunglen yīö, sā nuk tī ò i Aikup tö pòkūö yīö nö i kūö minë mat yīö;

I. CHÖNGÖ 1:31

El tönyaṅlnyi inrē in e më-eṅ ngaich meuk tī ngam Mā Tēv, ngam Tēv meh nö tētö meh, sā tī tarik nö tēt kūön re, i nup talöökö tölökö tö yīö, hanöng saha yīö sölta ngaich i ngih chūök.

I. CHÖNGÖ 29:1

Në nun ṙô ngam kinlēḵngô, ngam tinöölô Môsös tö ngam Mā Tēv nö in yik kūön Israĕl ip panam Mô-āp, nö hol ngam kinlēḵngô vahīlö ò nö in cha nö i Hōrep.

YÔSUĀ 23:3

Ngaich yī-ö meuk tī ngam Tēv yīö ngam Mā Tēv tö vē pumnāmö tarik nö ṙòkhöre tö pòkūö yīö; pò ngam Tēv yīö ngam Mā Tēv, anga-aṅ An kumyunglen yīö.

HŌSĪ 11:1

Hē Israel misī nö nyīö, ngaich chū-ö hāngenlōn tö ò, ngaich havënyö ngam kūön re kikōnyö nö ṙā-ang Aikup.