MANEUTNYI 19:3 - TÖHET LĪPÖRE (Re-edited) Bible (BSI)

³ Peūlöre ngaich Môsös nö chuh im Tēv, ngaich ngam Mā Tēv nö löknyö i kui rôngö ṙô nö havëken ò, nö ngö ṙô, Vë-ekūö yip aṅ patī Yāköp man, öm ngö ṙô, Vë-eny nang yip kūön Israĕl inrē;

MANEUTNYI 19:3 Referans Kwoze

MANEUTNYI 3:4

Ngaich hē ngam Mā Tēv, nö meūkan nö havāngngöre nö ngëcha, löknyö el ngam töyul ṙô ngaich ngam Tēv, nö havëken ò nö ngöṙô, Môsös, Môsös. Ihih chini, ngöṙô ngaich angā-aṅ.

INLAHEN 7:38

Anga-aṅ an mī-i yik māṅ nö el-īnchōn, holtö ök ma-ahānga vame-eṅkūö ò, nö i kui ap Rôngö Sīnāi; kamëḵ ngam tö aṅ ṙô, nö kē-ĕkūö hī.

MANEUTNYI 20:21

Ngaich yik tarik nö marôvat nö sökhaka, ngaich ṙūötöre Môsös nö i chūök ngam Tēv ik tökufëi singūlö. Chöngö I Alaha Minë Tahāklö

MANEUTNYI 34:2

Lēn pömchö ip peuheū, ngaich yônlö im rôngö Sināi ip peuheū, ngaich umuh hameuktöre in chu i kui ap rôngö.

MANEUTNYI 3:12

Ngaich ngöṙô Angā-aṅ, In meh takô Chin min; ngih ön min minkahngö nö in meh tö Chu öich tīnten meh: yē meh min ngaich kēnyö yip tarik nö ṙā-ang Aikup. Ngaich yī-ö min lök la-en ngam Tēv ikui ngih rôngö.

LA-EN LĒVĪ 1:1

Ngaich ngam Mā Tēv nö havëten Môsös, ngaich vë-ekūö ò nö löknyö ël ök rūkui manūlö, nö ngö ṙô,

MANEUTNYI 19:20

Ngaich yihtöre ngam Mā Tēv nö i kui ap rôngö Sināi, el chalòngkui ngam rôngö: ngaich havëlen Môsös ngam Tēv nö el chalòngkui ngam rôngö; yônlö ngaich Môsös.

MANEUTNYI 24:12

Ngaich ngö ṙô ngam Mā Tēv tö Môsös, Yônlö man in Chu i kui ngam rôngö, ngaich ngöh umuh; ngaich kē-ĕkūö meh min Chu-ö tö nup tömitāk ihong, tö ngam Chöngö inchöngten inrē, nup tökūichiyö tö Chu, hòṅ meh haköpten cha.

MANEUTNYI 24:13

Chōholre ngaich Môsös, Yôsuā inrē ök mameukṙen ò: ngaich Môsös nö yônlö nö im rôngö ngam Tēv.

MANEUTNYI 34:4

Ngaich anga-aṅ nö fas tömitāk ihong nët sā nuk mu-urĕh; ka-euilökūö ngaich Môsös nö choholre tö peuheū, ngaich yônlö im rôngö Sināi sā hinôtö ò tö ngam Mā Tēv, ngaich kēḵ nuk tömitāk ihong nët nö eltīre.