MANEUTNYI 19:21 - TÖHET LĪPÖRE (Re-edited) Bible (BSI)

²¹ Ngaich ngam Mā Tēv nö ngö ṙô tö Môsös, Yônti man tölṙô yip tarik, hòṅ cha nö öt tilunghötre nö im Mā Tēv nö hatīöna ngaich ṙōlhangvah min tö cha tö kapah.

MANEUTNYI 19:21 Referans Kwoze

1 SAMUĔL 6:19

Ngaich anga-aṅ nö fëlngö yik tarik aṅ Petsimes, pò cha nö hatīönkö ngam kasòng ngam Mā Tēv, uroh anga-aṅ nö fëlngö yik tö taneui anāi köṅny sat anāi tarik: haṙivlōn ngaich yik tarik, pò ngam Mā Tēv nö fëlngö yik tarik nö pōihangvah.

MANEUTNYI 3:5

Ngaich ngöṙô Angā-aṅ, Um haröhtöre ihih: hūötnyö minë kunröpöre man ṙā-ang i röön meh, tön töhet an ngam tumlat, chūök meh sökhaka.

Mumkahten 5:1

Lak vanāngö re man yē meh chuh el patī ngam Tēv; öm ṙūötöre hangihtöre ĕhten an angū-ö tö tökētuvö tö tö kulō-ovö; pò cha nö öt akahalōn tö cha nö lā-evṙen tö tötlöök.

MANEUTNYI 33:20

Ngaich ngö ṙô anga-aṅ, Ötkô man ngëichkö kūö Chu: pò ngòh tarik min nö ngëichkö kūö Chu ngaich öt aṅ.

MANEUTNYI 3:3

Ngaich ngöṙô Môsös, Hòṅ havāngngöre chin, öich ngëichkö ngih yöng pinngangkūö, kūöyòh öng ngam töyul nö öt ökngö?

KINṘEŪKÖ 4:20

Uh pöri cha-a nö kuhēthötre nö ngëichkö nup töhet chehen pòrô nöng rahëichtaṙen, hòṅ cha nö öt kapah.

I. CHÖNGÖ 5:5

(Sökhaka chū-ö ihôi ngam Mā Tēv tö yīö hē e öich hameuktö ngam ṙô ngam Mā Tēv in yīö: pò yīö pa-ekūö tökūö ök tameūyö, ngaich öt peūlöre öi i kui ap rôngö); nö ngö ṙô.

KINṘEŪKÖ 4:15

Ngaich hē Āròn tö yip kikōnyö kūön ò inrē nö keuheūten nö kahultö kui ngam töhet chūök, tö nup chehen ngam töhet chūök inrē nö ṙòkhöre, pò ngam elyöngö nö ngaich nö hòṅ kiröönngöre; keuheūthëṙen angū-ö yihtöre ngaich yip kūön Kōhat nö keūnö e: hö-ö pöri cha-a nö lūölkö nup töhet pòn sōtu nö kapah. Anū-ö nun në chehen el ngam rūkui manūlö kum yip kikōnyö kūön Kōhat.

KINṘEŪKÖ 4:18

Un röökiṙen tö yīö ngam miyöngö mupīhö yip lamökngörit Kōhat, nö ṙā-ang in yip Lēvī:

KINṘEŪKÖ 4:19

Ngö tī pöri tö cha, hòṅ cha nö aṅ, nö öt kapah, ip hē cha nö haröhtöre nö i nup tölngö töhet: kuhēthötre min Āròn tö yip kikōnyö kūön ò inrē, ngaich halēnö cha nö ṙòkhöre i nup la-en ò i nup kum ò inrē: