MANEUTNYI 19:2 - TÖHET LĪPÖRE (Re-edited) Bible (BSI)

² Ngaich hē cha nö ṙā-ang Rifitim, ngaich yih nö ip tönyaṅlnyi i Sināi, vītö chūökre chā-a ngaich nö el ök tönyaṅlnyi; ngaich in e Israĕl nö iyöngtöre nö i kūö ök rôngö.

MANEUTNYI 19:2 Referans Kwoze

MANEUTNYI 17:1

Ngaich ṙòkhöre yik ṙôngö kūön Israĕl nö ṙā-ang ök tönyaṅlnyi i Sin nö kiröönngöre, im kinröönngö cha, sā ngam inchöngten tö ngam Mā Tēv, ngaich vītö chūökre nö i Rifitim: ngaich öt ôku yik tarik tö mak nö umuh.

MANEUTNYI 3:1

Aṅtö nuk pököre ök yöng pīhöre ang Môsös, ang Yitörō, ök Kūönṙô aṅ Mītia; hachōḵngö nuk pököre angā-aṅ nö lā uk ök tönyaṅlnyi, ngaich sölta nö ip rôngö ngam Tēv i Hōrep.

MANEUTNYI 3:12

Ngaich ngöṙô Angā-aṅ, In meh takô Chin min; ngih ön min minkahngö nö in meh tö Chu öich tīnten meh: yē meh min ngaich kēnyö yip tarik nö ṙā-ang Aikup. Ngaich yī-ö min lök la-en ngam Tēv ikui ngih rôngö.

MANEUTNYI 18:5

Ngaich Yītörō, ök yöng pīhö Môsös, nö yih nö hol tö nak kūön ò kikōnyö tök pīhö ò inrē nö in Môsös nö el tönyaṅlnyi, i chūök ò nö iyöngtöre, ranghö öp rôngö ngam Tēv:

MANEUTNYI 17:8

Yih ngaich Amelek, ngaich kiyūngö Israĕl nö i Rifitim.

KALATĪ 4:24

Inchōḵoṙô an angū-ö, pò nā kikānö nö tö nët nö kinlēḵngô, hĕng tak ngam ṙāma-ang kui ngam rôngö Sīnai, kūön tö töhakövö, ang Hakār,

INLAHEN 7:38

Anga-aṅ an mī-i yik māṅ nö el-īnchōn, holtö ök ma-ahānga vame-eṅkūö ò, nö i kui ap Rôngö Sīnāi; kamëḵ ngam tö aṅ ṙô, nö kē-ĕkūö hī.

INLAHEN 7:30

Keuheūten nuk töfën anāi samyeūheu, ngaich hĕng tak ök ma-ahānga tömeūkö tö ò, nö elinchōn Sīnāi, nö i kūö ök töhūkūö tameūyö el töyul.

KINṘEŪKÖ 33:15

Ṙā-ang Refitim cha-a nö kiröönngöre, ngaich iyöngtöre nö el tönyaṅlnyi i Sināi.

KINṘEŪKÖ 1:1

Ngaich ngam Mā Tēv nö vë-ekūö Môsös nö elinchōn i Sināi, nö el rūkui manūlö, im raneh sakāmö ngam innëtö chingëṅt, im innëtö samyeūheu unôichrit cha nö kunyī-inyre nö ṙāngö panam Aikup, nö ngö ṙô,