MANEUTNYI 19:16 - TÖHET LĪPÖRE (Re-edited) Bible (BSI)

¹⁶ Ngaich ngö inlahen im linūöyö sakāmö, hē e nö ngaich nö peuheū, ngaich kunṙôkö angū-ö hanyālö inrē, kufëyö aṅ kui inrē ngam rôngö tö taṙul, pōitô inrē ök römpet; ngaich ṙòkhöre yik tarik nö kichëyöre yik më-el ök elyöngö.

MANEUTNYI 19:16 Referans Kwoze

INMEUKHÖMAT 4:1

Unôichrit në chū-ö meuk ap inkūp töluvë-akkūö el halīöngö. Sā ṙô fanöö ap vamë-ekūö chu; ap mu-urĕh ṙô ahang chu, hĕng tak tö ngö ṙô: Ta-ih, töich hameukhömat meh tö nup yamih min nö unôich.

HEPRĀI 12:21

Yöng ṙôkö pinhe-eṅ ngam mineūkö, tinkaknyô Môsös nö ngö, Pahe-ekūö takô chin, kichëyöre inrē:

INMEUKHÖMAT 11:19

Ngaich nö löpnyukūö ngam töhet chūök ngam Tēv, ngam elhalīöngö; ngaich meūkö nö el ngam töhet chūök Ò, ök kasòng nuk chöngö; tömörit angū-ö tö hanyālö, ṙënṙô, kunṙôkö, kumyeūnö, yöng tö kënngöre kumṙah inrē.

INMEUKHÖMAT 8:5

Ngaich ök Ma-ahānga nö kēḵ ök inhus lōpān; ngaich hatöḵöl e tö tameūyö aṅ ik tahāklö, ngaich suktö e nö i kui ngih panam: tömörit ngaich tö nuk kunṙôkö, ṙënṙô, hanyālö, kumyeūnö inrē.

INMEUKHÖMAT 4:5

Löknyö el ngam kantēra nup hanyālö, ṙën ṙô, kunṙôkö inrē; sat nup ëāṅvö tameūyö nö hū nö ikūö ngam kantēra. Nup tö sat kanô-òṅ yip Töhet Fanöinylö im Tēv.

Salmai 77:18

El ngam kuföt lamfeui ap ṙô ngam kunṙôkö Meh; hatlökūö nup hanyālö Meh tön paman: kichëyöre ngih panam, kayīna inrē.

NGAM LĪPÖRE YŌP 38:25

Achiāp vamī talöökö hanëmö kumṙah, talöökö öp tökalēk kunṙôkö inrē,

MANEUTNYI 20:18

Ngaich ṙòkhöre yik tarik nö meuk ök kunṙôkö, hanyāṅlö inrē, ṙô römpet inrē, lūlu kui inrē ngam rôngö: kichëyöre yik tarik hē cha nö meūkö e, ngaich sökhaka nö marôvat.

MANEUTNYI 19:9

Ngaich ngö ṙô ngam Mā Tēv tö Môsös, Yĕh meuk, yih Chin in meh el ap tökufëi taṙul, hòṅ më tarik nö hang ṙô Chu vë-ekūö meh, hòṅ cha inrē nö örheūheu nö ṙātö ellōnre nö in meh. Ngaich Môsös nö vë-eny nuk ṙô yik tarik nö i ngam Mā Tēv.

MANEUTNYI 9:23

Hateutnyö këlre ngaich Môsös nö kū-ö tö el halīöngö: ngaich ngam Mā Tēv, nö tīntö kunṙôkö, tökënngöre kumṙah inrē nö i kui ngam panam, tameūyö inrē; tī tö tökënngöre kumṙah ngaich ngam Mā Tēv nö i kui ngam panam Aikup.

INMEUKHÖMAT 1:10

Im Töhet Fanöinylö chu-ö hē sakāmö ngam Mā, ngaich hang ök töpōitô chu-ö lā-ukre, nö sā ṙô fanöö.

YERIMIĀ 5:22

Öt pa-ekūö öyih tö chu? ṙô ngam Mā Tēv. Röh öyih kichëyöre i kūö chu? Ṙātö ngam kuyāyö chin ngaich nö tölngökūö ngam mai, töt chanūhuvṙen nö inrahkūö ap öt kanô-òṅ e nö havāngngöre; pòrô minë mahūvö nö pavlöre, ötkô pöri anū-ö, pòrô anū-ö nö ṙënuṙô, ötkô pöri nö havānglöre tö e.

Salmai 97:4

Hat ngih panam tö kūö nup hanyālö Ò: meūkö e ngam panam ngaich kichëyöre.

Salmai 50:3

Yih an min ngam Tēv hī, öthō nö chēvhakaṙen: urēhĕ kūö ò min öp tameūyö töṙāpngö kūö, payavlöng min inrē öp tökalēḵ chanô-chö nö havīlen ò.

2 KINṘÖTNGÖ 5:14

Lökten yik kūönṙô nö ötkô nö sökhak nö meukṙen tö kūö ök taṙul; pò ngam lanöökö ngam Mā Tēv nö tööḵlö tī tö ngam patī ngam Tēv.

MANEUTNYI 40:34

Ngaich ngam taṙul nö hanyattökui ngam rūkui manūlö, ngaich ngam yanëichö ngam Mā Tēv nö hatööḵlö ngam inrūkui.

T. MËTIV 24:31

Ngaich tīnngö yip ma-aṅhāngare min Anga-aṅ, nö holtö töpōitô fanöö; ngaich cha-a min nö hamūl yip tökatöllöng tö Ò, ṙā-ang i nup töfën lā-a kuföt, löktökūö ngam manā-angkūö ngam halīöngö söl im tahëng.

MANEUTNYI 19:11

Hòn lēn ip linūöyö sakāmö: pòn ip linūöyö sakāmö ngam Mā Tēv min nö yih nö i kūö yip tarik nö ṙòkhöre i kui ngam rôngö Sināi.

MANEUTNYI 19:15

Ngaich ngö ṙô angā-aṅ tö yik tarik, Lēn pöichö ip linūöyö sakāmö: un haröhtöre i kikānö pīhöre.

MANEUTNYI 19:17

Ngaich Môsös nö kēnyö yik tarik nö ṙā-ang ök elyöngö nö höngkūö ngam Tēv; ahëmlö ngam rôngö chā-a nö sökhak.

MANEUTNYI 20:21

Ngaich yik tarik nö marôvat nö sökhaka, ngaich ṙūötöre Môsös nö i chūök ngam Tēv ik tökufëi singūlö. Chöngö I Alaha Minë Tahāklö

I. CHÖNGÖ 5:5

(Sökhaka chū-ö ihôi ngam Mā Tēv tö yīö hē e öich hameuktö ngam ṙô ngam Mā Tēv in yīö: pò yīö pa-ekūö tökūö ök tameūyö, ngaich öt peūlöre öi i kui ap rôngö); nö ngö ṙô.

2 SAMUĔL 22:10

Yūpūttö ngam halīöngö anga- aṅ inrē, ngaich yônti; el katòh röön ò ngaich tökufëi sinngūlö.

NAHOM 1:3

Öt ka-euyö lanīnö an ngam Mā Tēv, tökiröng inrē nö i minhôinyö, öthētu inrē nö hatngö tī tö fālen: el ngam kuföt lamfeui an ngam talöökö ngam Mā Tēv el chanôchö panam inrē, pitung röön ò nun inrē minë taṙul.

Salmai 81:8

Ō yī-ö tarik chu, hangihtöre, hòṅ chu hameukhöti in Meh: Ō Israĕl, yē meh hō hang ṙô chu.