MANEUTNYI 19:12 - TÖHET LĪPÖRE (Re-edited) Bible (BSI)

¹² Vītö inrahkūö më tarik pömchö nö havīṙi, ngö ṙô, Ṙēmen yin töre, öi ui peūlöre im rôngö, hēk inrē ui lūölkö ngam kūöngö e: öp töng lamūölkö ngam rôngö kumpaha min:

MANEUTNYI 19:12 Referans Kwoze

YÔSUĀ 3:4

Hôyu min yī-ö ihôi yīö tö e, nët köiny sumkôngö kinlaha: un haröhtöre nö in e, hòṅ yīö akahalōn tö talöököre kiröönngöre; tön rö-ö yin ha-eh lök ngih talöökö.

I. CHÖNGÖ 4:9

Höng haṙēmngenre man, kalē-ĕlōn haköpöre, hòṅ meh öt vaichngö tö nuk tö ngaich nö meūkö tö meh, hòṅ u nö öt ṙāngö ngam ellōn meh i rô-ò ten meh aṅ; mikaktölōn yip kūön meh pöri tö u, yip kūön yip kūön meh inrē.

I. CHÖNGÖ 2:4

Töl ṙô më tarik më-eṅ ngö ṙô, Hòṅ lök kūöngö panam yip hanöng kisānöre yin yip kūön Isô, yip mi-iyöng Sēir; ngaich min cha-a nö pa-ekūö tö yīö; lökten yin haṙēmngenre:

MANEUTNYI 34:12

Haṙēmngenre man töre, hòṅ meh öt vī kinlēḵngôre in yip aṅ ngam panam ngam kū-ö meh, hòṅ e nö öt tinngöp meh nö öt rònglö nö in meh.

MANEUTNYI 19:23

Ngaich ngöṙô Môsös tö ngam Mā Tēv, Ötkô yip tarik nö yônlö nö i kui rôngö, Sināi; pò meh ngaich tölṙô ih, Öm ngö ṙô, Vītö nup inrahkūö nö chuvīlö ngam rôngö, ngaich ahetlö e.

MANEUTNYI 19:21

Ngaich ngam Mā Tēv nö ngö ṙô tö Môsös, Yônti man tölṙô yip tarik, hòṅ cha nö öt tilunghötre nö im Mā Tēv nö hatīöna ngaich ṙōlhangvah min tö cha tö kapah.

MANEUTNYI 10:28

Ngaich ngö ṙô Fërō tö ò, Kē-ĕngre man tö chu, hīnöre man um meukkūö chu hēk; tön ip sakāmö meh meukkūö chu kapah min më-eṅ.

HEPRĀI 12:18

Pò yīö öt yihtöre im rôngö tö lanūölken, töhūkūö tö tameūyö, im tösah, sinngūlö, tökalēḵ kuföt inrē.

MANEUTNYI 34:3

Un tarīku pöchö min hol meh nö yônlö, unrēhĕn nö tariku tö meūkö nö keuheūtngöre chūök nö im rôngö; unrēhĕn manūlö nup töṙeūla ötrēhĕn manūlö nup tö hĕng mihëṅṙö töṙeūla nö nyā nö lataṙeū ngam rôngö.

MANEUTNYI 24:2

Höng hĕng tak Môsös min nö yih nö haröhtöre nö i ngam Mā Tēv; hö-ö pöri chā-a nö yih nö röhta; ötrēhĕn min yip tarik nö yônlö nö in ò.