MANEUTNYI 19:10 - TÖHET LĪPÖRE (Re-edited) Bible (BSI)

¹⁰ Ngaich ngö ṙô ngam Mā Tēv tö Môsös, Kuṙòh yihtöre man i yip tarik, ahetlen cha tö taheui huṙöich inrē, hökngen cha nö söich nup hilāre.

MANEUTNYI 19:10 Referans Kwoze

HEPRĀI 10:22

Ta-a, töi ṙūöhtöre, holtö tökô-en ellōn, i inkahngen töm mikah; kichënyö nup ellōn hī, inhôngö nup tötlöök kui lōn; söichö inrē në alaha hī tö töhet mak.

LA-EN LĒVĪ 11:25

Öp tamyuk öp tökapah in u söich inyutre min anga-aṅ ngaich kuvīö söl harap.

Ranehlö 35:2

Ngaich ngöṙô Yāköp tö yik aṅ patīre, tö yik taṙòkhöre inrē mi-in ò, Kēngö nup insātēv yin nup mi-in yīö, ahëtlöre, haṙī-il hilāre inrē:

1 KÒRIN 6:11

Ngatī yip misī rēvre in yīö: ngaich pöri yī-ö söichö, ngaich pöri yī-ö ahetlöngö, ngaich pöri yīö halööklöngö i mine-eny ngam Mā Yēsū Kristū, im Töhet Fanöinylö ngam Tēv hī inrē.

KINṘEŪKÖ 8:21

Ahetlöre ngaich yik kūön Lēvī nö ṙā-ang i nuk tököölre, ngaich söich nuk hilā re cha-a; ngaich kēten cha Āròn nö i kūö ngam Mā Tēv nö tökuvāyö nö tökētu; ngaich Āròn nö vī inlām tökööl nö ahetlen cha.

LA-EN LĒVĪ 15:5

Öp töng lamūölkö öp chamam ò, söich hilāre min anga-aṅ, vōköre inrē nö el mak, ngaich kuvīö söl harap.

YÔSUĀ 3:5

Ngaich ngö ṙô Yôsuā tö yik tarik, Ahetlöre yin; tön huṙöich an min ngam Mā Tēv nö la-evṙen tö pinngangkūö nö in yīö.

KINṘEŪKÖ 8:7

Ngö tī pömchö tö cha, öm ahetlen cha: kicheny öp mak inlāmö nö i kui cha, ngaich kuhākö ngam alaha cha nö keuheūtngöre, hökngen cha inrē nö söich nup hiā re, nö ahetlöre.

INMEUKHÖMAT 7:14

Ngaich ngö ṙô chū-ö tö ò, Me-eṅ man tö akahalōn. Ngaich ngö ṙô anga-aṅ tö chu, Cha-a yin vē ṙamā-ang el ök yöng kanihngen, ngaich cha-a nö söich minë tö aṙū-uti inyutre, nö i mahām ngam pököre nö mī-isohnyö mat u.

YÔSUĀ 7:13

Choholre, ahetlö më tarik, ngö ṙô, Ahetlöre yin höng öp huṙöich: tön ngö ṙô an ngam Mā Tēv, ngam Tēv Israĕl, Tökētu nup umuh chehen elṙôngö meh, Ō Israĕl: ötkô man sökhak i kūö yip lā-al re, hanöng saha nup tökētu chehen nö kē-ĕyö nö ṙā-angin yīö.

2 KINṘÖTNGÖ 29:5

Ngaich ngö ṙô tö cha, Lēvī, Hangṙô chu! Ahetlöre yin töngamuh, ahetlö ngam patī ngam Mā Tēv inrē, ngam Tēv yik yöng yīö, ngaich halāinyö nup chōnṙen el ngam töhet chūök.

KINṘEŪKÖ 31:24

Söich nup hilā re yī-ö min im sinātö sakāmö, ngaich möl yī-ö min im sinātö sakāmö, ngaich möl yī-ö min het, unôichrit e min yī-ö ngaich kuhēthötre el ngam elyöngö.

NGAM LĪPÖRE YŌP 1:5

Ngaich hē nuk sakāmö nyinā-aṅ nö ṙònghöichṙen ngaich Yōp nö söömtö inhetlö cha, ngaich ka-euilö kūö anga-aṅ tö peuheū nö choholre nö kētö töföngö tökētu asā tum tak cha nö ṙòkhöre; pòn ngö ṙô Yōp, Lohten yip kūön chu kikōnyö nö köölö fālen, ötlēḵkôre inrē tö ngam Tēv nö ellōnre. Ngatī inlahen ang Yōp nö örheūheu.

2 KINṘÖTNGÖ 29:34

Kūöṅnen pöri yik kūönṙô ötkô nö leūich nuk töföngö tökētu, hanöng saha yip tahëng kūönṙô nö ahetlöre tö yip hol cha Lēvi nö hamòlṙen cha, hanöng saha ngam la-en nö keuheūten pò yik Lēvi nö mötlö chaniplö ellōn tö yip kūönṙô i inhetlö cha.

1 SAMUĔL 16:5

Ngaich ngö ṙô anga-aṅ, Lāmö yanīhih chin: yih chin kētö tökētu im Mā Tēv: ahetlöre yin, yihtöre in chu ing tökētu. Ahetlen Yēsī ngaich anga-aṅ tö yik kikōnyö kūön ò, havëten cha ngaich nö ik tökētu.

INMEUKHÖMAT 22:14

Tökôlò yip cha-a, yip samöich inyutre, pò cha nö huveū-en nö yihtöre nö im chōn nômö, ngaich kô-òren inrē nö kuhēthötre nö lökhöt minë inkūp ngam elpanam.

KINṘEŪKÖ 11:18

Ngaich ngö ṙô më-eṅ tö yip tarik, Ahetlöre yin höng öp huṙöich, hòṅ yīö kā alaha: pò yīö peuiny i elnang ngam Mā Tēv, öi ngö ṙô, Chiāp min kamëtö kāḵ ih tö alaha? Pò e nö tölēnen nö in ih i Aikup: lökten an ngam Mā Tēv, nö kē-ĕkūö yīö min tö alaha, ngaich kā min yī-ö.

KINṘEŪKÖ 19:19

Ngaich ngam töt kuvīö tarik min im linūöi sumkam, sinat sumkam inrē, nö kicheny kui ngam tökuvīö: ngaich im sinat sumkam anga-aṅ min nö ahetlen ò; ngaich anga-aṅ min nö söich hilā re, vōk inrē, ngaich öt kuvīö min söl harap.

2 SAMUĔL 19:24

Yih ngaich ang Mefīpōset, nö höngkūö ök rācha, kikōnyö ök kūön Sôl; öt rēhĕn anga-aṅ nö kinfanngu kalröön, öt rēhĕn nö kamöpkö māinykūö re, öt rēhĕn nö söichkö hilā re hēngen tö ök sakāmö ngam rācha nö kiröönngöre söl im sakāmö hē ò nö yih nö i patī nö ngaich nö lām.

KINṘEŪKÖ 31:23

Ṙòkhöre nup tökô tö tameūyö, lök i kūö tameūyö tī min yī-ö, ngaich het min angū-ö; sön pöri angū-ö min nö ahetlöngö tö ngam mak inrēvngö: nup tökô inrē nö i kūö tameūyö lök el mak tī yī-ö tö u.