MANEUTNYI 19:1 - TÖHET LĪPÖRE (Re-edited) Bible (BSI)

¹ Im linūöyö chingëṅt unôichrit yik kūön Israĕl nö kunyī-inyre nö ṙā-ang panam Aikup, im sakāmö angū-ö chā-a nö sölta ip tönyaṅlnyi i Sināi.

MANEUTNYI 19:1 Referans Kwoze

MANEUTNYI 16:1

Pòkngöröönre chā-a ngaich nö ṙā-ang Ēlim, ṙòkhöre inrē yik ṙôngö kūön Israĕl nö yih ik tönyaṅlnyi i Sin, ök ihôi Ēlim tö Sinai, im tinneui sīön sakāmö ngam innëtö chingëṅt unôichrit cha nö ṙāngö ap panam Aikup.

MANEUTNYI 12:6

Hangöhngen ò më-eṅ hanöng saha öp finënsīön sakāmö ngam chingëṅt angā-aṅ: ngaich ṙòkhöre nö mūl yip ṙôngö Israĕl min nö ṙatnyö likeun ò tö harap.

KINṘEŪKÖ 33:15

Ṙā-ang Refitim cha-a nö kiröönngöre, ngaich iyöngtöre nö el tönyaṅlnyi i Sināi.

MANEUTNYI 12:2

Raneh në chingëṅt ön min ngòh chingëṅt nö in yīö: raneh ön min nö chingëṅt samyeūheu nö in yīö.

MANEUTNYI 3:12

Ngaich ngöṙô Angā-aṅ, In meh takô Chin min; ngih ön min minkahngö nö in meh tö Chu öich tīnten meh: yē meh min ngaich kēnyö yip tarik nö ṙā-ang Aikup. Ngaich yī-ö min lök la-en ngam Tēv ikui ngih rôngö.

MANEUTNYI 12:51

Ngaich ngö inlahen im angū-ö sakāmö, tö ngam Mā Tēv nö kēnyö yik kūön Israĕl nö ṙòknyöre tī nö ṙā-ang panam Aikup.

MANEUTNYI 40:2

Asöklö ngam inrūkui ngam rūkui inmūlö pömchö ip raneh sakāmö ngam raneh chingëṅt.

KINṘEŪKÖ 3:14

Ngaich ngam Mā Tēv nö vë-ekūö Môsös nö el inchōn i Sināi nö ngö ṙô,

I. CHÖNGÖ 1:6

Vë-ekūö hī an ngam Mā Tēv ngam Tēv hī nö i Hōrep, nö ngö ṙô, Marô-òten yin ngaich iyöng in ngih rôngö:

I. CHÖNGÖ 4:10

Ik sakāmö hē yīö sökhaka i Hōrep i kūö ngam Mā Tēv ngam Tēv yīö, hē ngam Mā Tēv nö ngö ṙô tö chu, Hamūltö yip tarik in chu, hòṅ chu vīten cha nö hang në ṙô chu, hòṅ cha nö haköptöre nö pa-ekūö tö chu i rô-òtö në sakāmö cha nö iyöng kūö ngam panam, hòṅ cha inrē nö haköptö yip kūönre.

I. CHÖNGÖ 4:15

Lökten yin haṙēmngenre takô: tön rö-ö yin misī maheūṅku tö tösā yô-òv ik sakāmö ngam Mā Tēv nö vë-ekūö yīö nö i Hōrep löknyö ellōn kūö ök tameūiyö:

I. CHÖNGÖ 5:2

Vītö kinlēḵngô An ngam Mā Tēv ngam Tēv hī nö in hī nö i Hōrep.

ISIKĪ-ĔL 20:10

Hachōḵyen cha chū-ö ngaich ṙāngö ngam panam Aikup ngaich kēten cha nö eltönyalnyi.

KINṘEŪKÖ 1:1

Ngaich ngam Mā Tēv nö vë-ekūö Môsös nö elinchōn i Sināi, nö el rūkui manūlö, im raneh sakāmö ngam innëtö chingëṅt, im innëtö samyeūheu unôichrit cha nö kunyī-inyre nö ṙāngö panam Aikup, nö ngö ṙô,

KINṘEŪKÖ 10:12

Ngaich yik kūön Israĕl nö kiröönngö röönre nö sā ngam kinröönngö cha nö ṙā-ang el inchōn i Sināi; ngaich ngam taṙul nö ngöh nö i kui ngam el inchōn i Pēran.