MANEUTNYI 18:9 - TÖHET LĪPÖRE (Re-edited) Bible (BSI)

⁹ Ngaich Yītörō nö ṙāmölōn tökūö nuk tölöök tī ngam Mā Tēv nö in Israĕl, i ṙinānyö cha nö ṙā-ang eltī yik aṅ Aikup.

MANEUTNYI 18:9 Referans Kwoze

1 KÒRIN 12:26

Yĕn pòrô nö hĕng ngam tūmö alaha nö chök, ṙòkhöre ngaich minë tūmö alaha nö hol e nö chök; hĕng ngam tö eū-eu, ṙòkhöre ngaich minë tūmö alaha nö ṙāmölōn nö hol e.

RŌMA 12:15

Ṙāmölōn i tö ṙāmölōn; peuny i yip pameuny.

RŌMA 12:10

Kö kô-en hanāngen tö höö, im hanāngenlōn tö holre, kö ngö-aṅlö ellōn tö höö im minlēḵṙen;

Isayā 66:10

Hol Yērusalem yin ṙāmölōn, ṙāmölōn inrē tökūö ò, yī-ö töhāngen tö ò; hol ò yin ṙāmölōn, ṙòkhöre yī-ö töhaṙivlōn tö ò;

Isayā 44:23

Ō yī-ö halīöngö, tikökṙôre, tön tī ngam Tēv an angū-ö; pōitô hū-a, yī-ö lataṙeū alaha ngam tumlat; tiṙōlnyôre tikökṙôre, yī-ö rôngö, Ō elchūölchōn, ṙòkhöre inrē nup chōn in e: pò ngam Mā Tēv nö havaha Yāköp, ngaich hapōilöre min nö in Israĕl.

1 SAMUĔL 15:6

Ngö ṙô ngaich Sôl tö yik aṅ Kēn, Kuṙòh, kiröönngöre yin, kē-ĕngre ṙā-ang in yip aṅ Amalek, hòṅ yīö öt halëli tö chu anòngngen cha: tön hameuk tö miṙēlōnre yin misī tö yik kūön Israĕl nö ṙòkhöre, hē cha nö yih nö ṙā-ang Aikup. Lökten yik aṅ Kēn nö kiröönngöre nö ṙā-ang in yip aṅ Amelek.

Isayā 63:7

Hòṅ kakkö hanāngen neūkölōn ngam Mā Tēv chin, ineū-euṅ ngam Mā Tēv inrē sā ṙôken tī ngam Mā Tēv nö kē-ĕti nö in hī, ngam tökiröng lanöökö inrē i patī Israĕl ngam kahëtö ò nö in cha sā ṙôkö miṙēlōn ò, sā ṙôkö öp tököp hanāngenlōn ò.

Isayā 44:22

Ngaich chin sichngö nuk tanôichngen meh, nuk tökööl meh inrē, nö sā taṙul: havantöre man in chu; tön ngaich chin havaha meh.