MANEUTNYI 18:7 - TÖHET LĪPÖRE (Re-edited) Bible (BSI)

⁷ Kunyī-inyre ngaich Môsös, nö höngkūö ök yöng pīhöre, salāman ngaich, hāmkūö ò inrē; ngaich kö hatön lanöökenre chā-a nö in höö; ngaich kuhēthötre chā-a nö el inrūkui.

MANEUTNYI 18:7 Referans Kwoze

Ranehlö 29:13

Ngaich hē Lēpān nö hang vinë-eny Yāköp, ök kūön ök kanānö ò, lökten ò nö faltöre nö chônghörekūö ò, ngaich fūölan, ngaich hāmkūö ò, ngaich kēten ò nö i patīre. Keuheūtnyöre ṙô ngaich angā-aṅ. Nö in Lēpān tö u.

1 RĀCHA 2:19

Lökten ang petsīpā nö chuh ik rācha Sòlòmön, nö ṙônyö ṙô Atōnīyā nö in ò. Choholre ngaich ök rācha Sòlòmön, nö ṙônyö ṙô Atōnīyā nö in ò. Choholre ngaich ök rācha nö höngkūö ò, Sōnngöre ngaich nö in ò, ūichngöre ngaich nö el kantēra, ngaich hōtö töhĕng kantēra nö ṙātu nö kantēra ök kikānö yöng ök rācha; ūichngöre ngaich anga-aṅ nö lāhāmö ò.

2 SAMUĔL 11:7

Ngaich Yuriā nö yih nö in ò, hatön inlahen Yô-ap ngaich ang Tāvit nö in ò, inlahen yip tarik inrē, inlahen ök kinyūngö inrē.

Ranehlö 19:1

Yih ngaich nak tö nët tak ma-ahānga nö i Sôtöm tö harap; ūichhak Lòt nö ikūö inkūp Sôtöm: meūkö ngaich chā-a tö Lòt, ngaich chōholre nö höngkūö cha; ngaich sōntöre nö el tumlat;

Ranehlö 18:2

Yĕh meuk, lūöi tak yik tarik ngaich tö sökhaka lāmuh nö kamten ò; ngaich hē ò nö meūkö cha, fal angā-aṅ ngaich nö höngkūö cha nö ṙā-ang ikūö inkūp inrūkui, sōnngöre ngaich nö el tumlat nö ngöṙô.

Ranehlö 14:17

Ngaich ök rācha aṅ Sòtöm nö kunyī-inyre nö höngkūö ò, unôichrit invantö ò nö i finëlngen Kītörlōmör töyik hol ò rācha inrē, ik achāṙö Sāvē (angū-ö ön achāṙö rācha).

INLAHEN 28:15

Ngaich in e yik māṅ, hē cha nö hāngö ih, nö yihtöre nö höngkūö ih; nö tölngö ök Chūök Mi-inyih Appi, i nuk Tölūöi Talīkö inrē. Ngaich ha-öiny ngam Tēv ang Pôl, hē ò nö meukkūö cha, ngaich ṙūölöre alaha anga-aṅ.

INLAHEN 20:37

Ṙòkhöre cha-a ngaich nö peuiny, ngaich fahalre nö elranôṙö ò, ngaich hāmkūö ò.

T. LŪKÖS 7:45

Yih chū-ö, rö-ö me-eṅ hāmkūö Chu; anga-aṅ pöri hēten tö yanihih Chu, nöng öt ṙākenre nö hām kunröön Chu.

Salmai 2:12

Hāmkūö ngam kikōnyö nyīö hòn öt līn, ngaich öt pala-aiṙen min yī-ö el talöökö: pòn hūlökūö min öp lanīnö ò nö ka-eūyen. Tökôlò yip cha-a mahayönglenre nö in ò.

KAMHÔKA 11:34

Yih ngaich Yefta nö i Mispah ip patī ò, ngaich meuk ök kikānö kūönre nö kunyī-inyre nö höngkūö ò nö holtö timpöröl nö kiṙīöm; töng hĕng maneuk ök nö kūön ò; öt hōlu anga-aṅ tö kūön ò tö kikōnyö öt rēhĕn kikānö.

KINṘEŪKÖ 22:36

Ngaich hē Pēlak nö ngaich nö hang tö Pēlām nö ngaich nö yih, kunyī-inyre ngaich anga-aṅ nö höngkūö ò nö elpanam i Mô-āp, ök i kūöngö Arnòn, ök lā manā-angkūö, kūö panam.

Ranehlö 46:29

Halēn inrölre ngaich Yôsĕf, ngaich kiröönngöre nö höngkūö ök yöngre kikōnyö Israĕl, nö i Kōsen; hameuktöre ngaich angā-aṅ nö in ò; fahlöre ngaich nö i neūyö ò, ngaich marô-òtô nö peuiny nö i neūyö ò.

Ranehlö 45:15

Hāmkūö yik mëmre angā-aṅ ngaich nö ṙòkhöre, ngaich peuiny nö in cha: unôichrit e möl yik mëm ò nö vë-ekūö ò.

Ranehlö 31:28

Ngaich öt halöngten chu hāmkūö më kūönre kikōnyö, kikānö inrē? Kulō-ovṙen mana.

Ranehlö 43:26

Ngaich hē Yôsĕf nö yih nö i patī, kētö nuk raneushö ò chā-a ngaich nö el ngam patī, nuk me-el tī cha ngaich fātngöre chā-a nö el tumlat nö in ò.

MANEUTNYI 4:27

Ngaich ngöṙô ngam Mā Tēv, tö Āròn, Kuṙòh chuh el tönyaṅlnyi man höngkūö Môsös, Kiröönngöre ngaich angā-aṅ, ngaich meukkūö ò nö ikui ap rôngö ngam Tēv, ngaich hāmkūö ò.

MANEUTNYI 18:6

Ngaich ngö ṙô angā-aṅ tö Môsös, Yih chin in meh chū-ö Yītörō öich yöng pīhö meh tö ngòh pīhö meh, hol ò inrē nak kūön ò kikōnyö.

MANEUTNYI 33:7

Ngaich ang Môsös nö kēḵ öp rūkui inmūlö ngaich vīten e nö lā uk öp elyöngö, marôvat tö ngam elyöngö; ngaich kaheūkö e anga-aṅ, nö rūkui inmūlö. Ngaich ngö inlahen angū-ö, öp tö hòṅ chöh ngam Mā Tēv kunyī-inyre ngaich anga-aṅ nö chuh im rūkui inmūlö, öp lamā uk ngam elyöngö.

1 SAMUĔL 17:18

Kē në inrē tösöm chīs löö ip yöngkūö töhĕng köṅny, ngëichkö yip mëm re inrē yĕn lööken, kē inmeuktöre pömchö in cha töre öm teūngen.

1 SAMUĔL 17:22

Ngaich Tāvit nö ṙāngö nuk kum re nö eltī ök yōm kūmö, faltöre ngaich nö i yik kumyung, ngaich yihtöre nö salām yik mëm re.