MANEUTNYI 18:5 - TÖHET LĪPÖRE (Re-edited) Bible (BSI)

⁵ Ngaich Yītörō, ök yöng pīhö Môsös, nö yih nö hol tö nak kūön ò kikōnyö tök pīhö ò inrē nö in Môsös nö el tönyaṅlnyi, i chūök ò nö iyöngtöre, ranghö öp rôngö ngam Tēv:

MANEUTNYI 18:5 Referans Kwoze

MANEUTNYI 3:1

Aṅtö nuk pököre ök yöng pīhöre ang Môsös, ang Yitörō, ök Kūönṙô aṅ Mītia; hachōḵngö nuk pököre angā-aṅ nö lā uk ök tönyaṅlnyi, ngaich sölta nö ip rôngö ngam Tēv i Hōrep.

MANEUTNYI 3:12

Ngaich ngöṙô Angā-aṅ, In meh takô Chin min; ngih ön min minkahngö nö in meh tö Chu öich tīnten meh: yē meh min ngaich kēnyö yip tarik nö ṙā-ang Aikup. Ngaich yī-ö min lök la-en ngam Tēv ikui ngih rôngö.

1 RĀCHA 19:8

Chōholre ngaich anga-aṅ, ngaich nyā òk inrē, kiröönngöre ngaich nö fën anāi sumkam fën anāi mitööm nö chuh Hôrep ngam rôngö ngam Tēv nö i kumlēḵ ngam nyā-aṅkūöre.

MANEUTNYI 19:20

Ngaich yihtöre ngam Mā Tēv nö i kui ap rôngö Sināi, el chalòngkui ngam rôngö: ngaich havëlen Môsös ngam Tēv nö el chalòngkui ngam rôngö; yônlö ngaich Môsös.

MANEUTNYI 19:11

Hòn lēn ip linūöyö sakāmö: pòn ip linūöyö sakāmö ngam Mā Tēv min nö yih nö i kūö yip tarik nö ṙòkhöre i kui ngam rôngö Sināi.

MANEUTNYI 4:27

Ngaich ngöṙô ngam Mā Tēv, tö Āròn, Kuṙòh chuh el tönyaṅlnyi man höngkūö Môsös, Kiröönngöre ngaich angā-aṅ, ngaich meukkūö ò nö ikui ap rôngö ngam Tēv, ngaich hāmkūö ò.

MANEUTNYI 18:6

Ngaich ngö ṙô angā-aṅ tö Môsös, Yih chin in meh chū-ö Yītörō öich yöng pīhö meh tö ngòh pīhö meh, hol ò inrē nak kūön ò kikōnyö.

MANEUTNYI 19:2

Ngaich hē cha nö ṙā-ang Rifitim, ngaich yih nö ip tönyaṅlnyi i Sināi, vītö chūökre chā-a ngaich nö el ök tönyaṅlnyi; ngaich in e Israĕl nö iyöngtöre nö i kūö ök rôngö.

MANEUTNYI 24:13

Chōholre ngaich Môsös, Yôsuā inrē ök mameukṙen ò: ngaich Môsös nö yônlö nö im rôngö ngam Tēv.