MANEUTNYI 18:16 - TÖHET LĪPÖRE (Re-edited) Bible (BSI)

¹⁶ Yē cha nö chööḵnyu, ngaich yih chā-a nö in chu; ngaich kahòkken öp töhĕng tak chū-ö tö öp hol ò inrē, ngaich mikahtölōn cha chū-ö tö nup hachöngten ngam Tēv, nup Chöngö Ò inrē.

MANEUTNYI 18:16 Referans Kwoze

MANEUTNYI 24:14

Ngaich ngö ṙô anga-aṅ tö yik minṙöinylen, Ihih yin höng ngöh hökken ai, hanööngen ai yih hēk in yīö: yĕh meuk, in yīö an Āròn Hör inrē: öp töng chööḵnyu, hökngen ò nö yihtöre nö in cha.

1 KÒRIN 6:1

Öt pa-ekūö öyih, öi chuh im kinṙôka, i kūö ngam tömichūṙen, yē yīö lā-alkūö höö, ngaich rö-ö öi i kūö yip töhet?

2 SAMUĔL 15:3

Ngaich Apsalem nö ngö ṙô tö ò, Yĕh meuk, tölöök nun minë chööḵnyö meh töhuveū inrē; öt tarīkuvö pöri tö tölô töp rācha nö hang ṙô meh.

I. CHÖNGÖ 5:1

Ngaich Môsös nö havëten yip Israĕl nö ṙòkhöre, ngaich ngö ṙô tö cha, Ō Israĕl, hangihtöre yin tö në chöngö në inkaha fālen inrē nö ṙô chu el nang yīö töngamuh, hòṅ yīö haköpö u, ngaich köpen la-evṙen tö u.

I. CHÖNGÖ 4:5

Yĕh meuk, ngaich chin haköpten yīö tö në Chöngö inkaha fālen inrē, sā tinöölô Chu tö ngam Mā Tēv ngam Tēv chu, hòṅ yīö min ngatī la-en ellōn ngam panam ngam kū-ö yīö kuhēthötre öi kē e nö aminre.

T. MËTIV 28:20

Haköpten cha nö haköp nup taṙòkhöre tinölô yīö tö Chu. Yĕh meuk; örheūheu Chin holtöṙah yīö, söl ip manāngen ngih panam.

NGAM LĪPÖRE YŌP 31:13

Yē chu sōḵngen chööḵnyö “öp tarik chu kikōnyö hēk tarik chu kikānö, yē cha nö vahënyu tö fālen chu;

1 SAMUĔL 12:23

Sōḵtuṙen pöri chū-ö tö ngam Tēv öich köölö fālen im Mā Tēv öich ṙa-angôre vë-elkui yīö hòṅ haköpten yīö pöri chū-ö tö ngam tölöök töhuveū talöökö inrē.

I. CHÖNGÖ 6:1

Ngih ön yih, nö chöngö, inkaha fālen inrē, ngam hachöngten ngam Mā Tēv, ngam Tēv yīö nö haköpten yīö hòṅ yīö la-evṙen tö u ip panam kū-ö yīö kiröönngöre öi kē-ĕ e nö aminre:

KINṘEŪKÖ 15:35

Ngaich ngö ṙô ngam Mā Tēv tö Môsös, Hòṅ kumpaha ön ngòh tarik: ṙòktöre tī yip min ṙôngö tarik nö kulëhan tö ihong nö la uk ngam elyöngö.

LA-EN LĒVĪ 24:15

Ngaich vë-ekūö yip kūön Israĕl më-eṅ, ngö ṙô, Öp tötlamëkôre tö ngam Tēv keun tököölre min.

MANEUTNYI 23:7

Ṙūöhöngre më-eṅ marôvat tö minyôinyaṅ; um fëlngö töt akahaṙa tölöök inrē: tön rö-ö chin min haritlörit tötlöök.

MANEUTNYI 2:13

Ngaich kiröönngöre angā-aṅ im innët sumkam, ngaich meuk nak nëttak tarik nö kilöönö höö, nak Hīprū; ngaich ngöṙô angā-aṅ tök tövaich, Kūöyòh öm chökhutī töm holre?

MANEUTNYI 18:17

Ngaich ngö ṙô ök yöng pīhö Môsös tö ò, Öt tölöök an ngam inlahen meh.

2 KINṘÖTNGÖ 19:10

Yē öp fālen nö yih nö in yīö nö ṙā-ang in yip hol yīö yip mī-iyöng el nup elpanam, inlahen finëlngö tarik, chöngö, ngaich yī-ö haköpten cha, hòṅ cha nö öt fāluṙen nö i kūö ngam Mā Tēv hòn öt yih ngam lanīnö nö i kui yīö in yip hol yīö inrē. Ngatī inlahen yī-ö, ngaich yī-ö min öt fāluṙen.