MANEUTNYI 18:12 - TÖHET LĪPÖRE (Re-edited) Bible (BSI)

¹² Ngaich Yītörō, ök yöng pīhö Môsös, nö kētö töföngö tökētu, ngaich kētu nö i ngam Tēv: yih inrē ang Āròn, ṙòkhöre inrē yik mākūö Israĕl, nö nyā nö holkūö ök yöng pīhö Môsös nö i kūö ngam Tēv. (Invan 1. 9-18)

MANEUTNYI 18:12 Referans Kwoze

I. CHÖNGÖ 12:7

Ngaich in e yī-ö min nyā-aṅvkūö i kūö ngam Tēv ngam Mā Tēv yīö, ngaich ṙāmölōn yī-ö min i nup chūök tī yīö ṙātö tīre, yī-ö tö yip aṅ patī yīö, i nup inkôlò yīö tö ngam Tēv ngam Mā Tēv yīö.

Ranehlö 31:54

Ngaich Yāköp nö kētö tökētu nö ikui ngam rôngö, ngaich havëtö yik holre nö nyā: nyā cha-a ngaich, ngaich hĕng mitööm nö höngngöh nö ikui ngam rôngö.

MANEUTNYI 24:11

Öt ṙātö eltīre anga-aṅ nö i kui yik mā i yik kūön Israĕl: meuk ngam Tēv achā-a, ngaich nyā, òk inrē.

MANEUTNYI 24:5

Ngaich angā-aṅ nö tīnngö ṙāl tarik aṅ i yik kūön Israĕl, yik kamëtö töföngö tökētu, ane inrē kamëtö tökētu nö i lanāmö nö i ngam Mā Tēv, tö kōiny nuā.

1 KÒRIN 10:31

Lökten yē yīö nya-aṅvkūö òk, hēk nup töng vahīken yīö, vīken u nö ṙòkhöre nö kanôlò ngam Tēv.

1 KÒRIN 10:21

Ötkô yin òk kūö ngam kulah ngam Mā, ngam kulah më sī-ö inrē: ötkô yin holkūö i ngam mīs ngam Mā, i ngam mīs më sī-ö inrē.

1 KÒRIN 10:18

Yĕh meūkö aṅ Israĕl nö tarik: röh aich nö cha-a nyamā nup tökētu inmūlkūö el ngam tahāklö?

T. LŪKÖS 14:15

Ngaich hĕng tak ök mi-in cha, amūichhak nö nyā nö hol Ò, nö hang në ṙô Ò, ngaich ngö ṙô anga-aṅ tö Ò, Tökôlò öp min nyamā nö im pūlngö ngam Tēv.

T. LŪKÖS 14:1

Ngaich hē Ò nö chuh el patī ök töhĕng tak Feresī, nö nyā, hē el töhet sakāmö; ngaich cha-a nöng hayūnan.

TANĪ-ĔL 10:3

Öt nyā-aṅvkūö chu-ö tö tökuchik, öt yihtöre nö elvāng chu alaha, vāin inrē, öt rēhĕn chū-ö hachamkö alahare, i nuk tölūöi afta.

NGAM LĪPÖRE YŌP 42:11

Möl nö yih nö in ò yik mak alaha ò, kanānö ò ṙòkhöre inrē yik mikahkūö ò nö lā-urĕh, ngaich holkūö ò nö nyā-aṅvkūö nö i pati ò; ngaich cha-a nö hameuktö miṙēlōnre nö in ò haṙamlōn ò inrē tökūö nuk tötlöök tī ngam Mā Tēv nö in ò; ngaich kö tī-iv cha-a nö in ò tö rupīö humlum inrē kinlong.

NGAM LĪPÖRE YŌP 42:8

Lökten yin kē kōiny nuā sat nòng sat nòng inrē kūön sīṅp, kuṙòh kiröönngöre inrē ip tarik chu Yōp, kētö tökētu yī-ö töföngö; ngaich min ngam tarik chu Yōp nö ve-elkui yīö, tön hō-o ṙô ò chin min nö vë-ekūö chu nö öt asā nuk kumlō-ov yīö; pò yīö öt ṙôtö töchip lā in chu, öi sā ngam tarik chu Yōp.

NGAM LĪPÖRE YŌP 1:5

Ngaich hē nuk sakāmö nyinā-aṅ nö ṙònghöichṙen ngaich Yōp nö söömtö inhetlö cha, ngaich ka-euilö kūö anga-aṅ tö peuheū nö choholre nö kētö töföngö tökētu asā tum tak cha nö ṙòkhöre; pòn ngö ṙô Yōp, Lohten yip kūön chu kikōnyö nö köölö fālen, ötlēḵkôre inrē tö ngam Tēv nö ellōnre. Ngatī inlahen ang Yōp nö örheūheu.

2 KINṘÖTNGÖ 30:22

A Ngaich ang Hesikia nö vë-ekūö cha nö haruhkö alaha cha yik Lēvi mahameuktö huneū-enre nö i la-en ngam Mā Tēv. B Nyā-aṅvkūö ngaich yik tarik tö aṅ im tökiröng sakāmö nö satsumkam, kētö inlāmö tökētu ha-öiny ngam Mā Tēv inrē ngam Tēv yik yöng cha.

2 SAMUĔL 9:7

Ngaich ngö ṙô Tāvit tö ò, Um pa-ekūö: tön hòṅ hameuktö miṙēlōnre chin in meh öich chööḵnyöten tök yöng meh kikōnyö ang Yônatan, ane inrē min keuheūttöre tī havan tö nup taṙeū Sôl ök yöng meh kikōnyö; öt latôkaṙen min më-eṅ nyā el mīs chu.

I. CHÖNGÖ 27:7

Kētö tökētu më-eṅ inlām, ngaich nyā-aṅvkūö umuh, ngaich ṙāmölōn më-eṅ i kūö ngam Tēv ngam Mā Tēv meh.

MANEUTNYI 2:20

Ngaich ngöṙô angā-aṅ töyik kikānö kūönre, Isūapa? Kūöyòh öi höng ṙāngö ap tarik? Havëken ò hòṅ ò nö nyā.

Ranehlö 43:25

Halēn nuk raneushö chā-a ngaich nö höng yanīhih Yôsĕf tö sakāmö: pò cha nö hāngöre nö nyā nö umuh.

Ranehlö 26:25

Ngaich angā-aṅ nö vīlö tahāklö nö umuh, ngaich havëkö minë-eny ngam Mā Tēv, ngaich vītö inrūkuire nö umuhː ngaich in e yik kūön alaha Isāk nö ul mak.

Ranehlö 12:7

Ngaich ngam Mā Tēv nö meūkö tö Aprām, ngaich ngöṙô, Kēḵtö ngih Chin min panam ip kūön meh: vīlö tahāklö ngam Mā Tēv ngaich angā-aṅ nö umuh, ngam tömeūkö tö ò.

Ranehlö 8:20

Ngaich Nō-a nö vīlö tahāklö ngam Mā Tēv; ngaich kö kēḵ aṅ i nuk töhet tö fënö kalröön, aṅ i nuk töhet chehechōn, ngaich kēḵtö nuk töföngö tökēḵtu nö ël ök tahāklö.

Ranehlö 4:4

Āpēl inrē kēḵtö nuk lanòh anga-aṅ i nuk pököre ò tö nup tösangöö u inrē. Ngaich ngam Mā Tēv nö hōḵ tö Āpēl tök kahëtö ò inrē:

MANEUTNYI 2:16

Sat maneuk yik kikānö kūön ök Kūönṙô aṅ Mītia: ngaich yihtöre chā-a nö fòk mak, ngaich hatööḵlö nuk tökachāvu, nö ha-òk nuk chehen ök yöng cha kikōnyö.

MANEUTNYI 3:1

Aṅtö nuk pököre ök yöng pīhöre ang Môsös, ang Yitörō, ök Kūönṙô aṅ Mītia; hachōḵngö nuk pököre angā-aṅ nö lā uk ök tönyaṅlnyi, ngaich sölta nö ip rôngö ngam Tēv i Hōrep.

MANEUTNYI 18:13

Ngaich ngö inlahen im huṙöich, ang Môsös nö ūichngöre nö kahòkken yik tarik; havīlen Môsös yik tarik inrē nö sökhaka löktö kūö peuheū söl harap.

MANEUTNYI 20:24

Vī tahāklö Chu tö tumlat, ngaich kētö nup kahëtö meh nö töföngö nö i kui e, ane inrē nup tökētuvö inlām, sīṅp meh, kōiny nuā meh inrē: kö i nup chūökö min Öich haköpngö minë-enyre, yih inrē min in meh, ngaich hakôlò meh.

MANEUTNYI 33:7

Ngaich ang Môsös nö kēḵ öp rūkui inmūlö ngaich vīten e nö lā uk öp elyöngö, marôvat tö ngam elyöngö; ngaich kaheūkö e anga-aṅ, nö rūkui inmūlö. Ngaich ngö inlahen angū-ö, öp tö hòṅ chöh ngam Mā Tēv kunyī-inyre ngaich anga-aṅ nö chuh im rūkui inmūlö, öp lamā uk ngam elyöngö.

KINṘEŪKÖ 10:29

Ngaich ngö ṙô Môsös tö Hōpar ök kikōnyö kūön Rakūĕl, aṅ Mītiā, kikōnyö yöng pīhö Môsös, Kiröönngöre in im chūök ṙô ngam Mā Tēv, nö ngö ṙô, Kētö e chin min in yīö: tā-a in ih man, ngaich hakôlò meh min īhö: pò ngam Mā Tēv nö löökö ṙô nö in Israĕl.

Ranehlö 26:30

Ngaich angā-aṅ nö vī nyā-aṅkūö cha, nyā chā-a ngaich, òk inrē.