MANEUTNYI 18:11 - TÖHET LĪPÖRE (Re-edited) Bible (BSI)

¹¹ Ngaich chin akahalōn tö ngam Mā Tēv nö tökiröng tö vē tēv nö ṙòkhöre: hôn, i nup tī cha nö hakeūlenre nö lā-al cha.

MANEUTNYI 18:11 Referans Kwoze

Salmai 95:3

Tön Yāhvē An tö kiröng nö Tēv: ane inrē Rācha vē taṙòkhöre tēv.

MANEUTNYI 15:11

Ō Mā Tēv, achīö ap tösā Meh, i vē tēv? Achīö ap tösā Meh, ineū-euv im hanëtö, tö ha-öinyö pinhë-eṅ, tö tī tö pinngangkūö?

2 KINṘÖTNGÖ 2:5

Tökiröng ap patī öp mahānlö chu, pò ngam Tēv ih nö kiröng tö Tēv nö ṙòkhöre.

T. LŪKÖS 1:51

Hameuktö kumlēḵre An nö im këlre; yip mahakeūlen ellōnre ngaich nö pirātiṙen tö Ò.

Salmai 135:5

Pò chu akahalōn tö ngam Mā Tēv nö tökiröng: tö ngam Mā Tēv hī tö tulöng tö taṙòkhöre tēv.

TANĪ-ĔL 4:37

Ngaich chu-ö, Nēpukatnēsar, ha-öiny, hapōīlö ane inrē eū ngam Rācha ngam halīöngö; kūö nuk la-en ò nö töhuveū nup talöökö ò inrē nö tölöök; ngaich cha-a yip lamök i inkeūlen re mihôiṅ anga-aṅ nö hakūöṅnngen cha.

Salmai 97:9

Mā Tēv, pò Meh latulöng takô töng panam, nö ṙòkhöre: hapōilöng Man i kui vē tēv nö ṙòkhöre.

1 KINṘÖTNGÖ 16:25

Tön kiröng an ngam Mā Tēv töhòṅ kiröngö nöinyö, Töhòṅ pahë-evö an inrē nö tulöng tö nup tēv.

YĀKÖP 4:6

Pōyen tī pöri Anga-aṅ tö inlōnti. Lökten ngam töhet līpöre nö ngö ṙô, Harāinyngö tömikeū an ngam Tēv, kētö inlōnti pöri nö i yāich.

Salmai 119:21

Vëkö yip mahakeūlenre Man ngaich, yip tö ngaich nö ötkôlò: yip kamānngöre tö minë chöngö Meh.

NAHIMIĀ 9:10

Ngaich tī-iv më-eṅ tö minkahngö pinngangkūö inrē öm lā-al Fërō tö yik tarik ò inrē tö yik tarik ngam panam ò inrē nö ṙòkhöre, pò meh akahalōn tö cha nö miyëṙen tö yik yöng ih; ngaich më-eṅ inrē kē minë-enyre, nö sā e ing töngamuh.

2 RĀCHA 5:15

Havantöre ngaich anga-aṅ nö ik tarik ngam Tēv, yih ngaich anga-aṅ tö yik hol ò inrē nö ṙòkhöre sökhak ngaich nö i kūö ò: ngö ṙò ngaich anga-aṅ, Yĕh meuk, akahalōn chin ngaich tö töṙö-övö Tēv i në taṙòkhöre panam, höng in Israĕl: vë-ekūö meh chin yĕh lökten, kē raneushöre man i ngòh tarik meh.

1 PĪTÖR 5:5

Ṙòkhöre yin öi nyëkṙatre tö ngam inyāichngö, öi kö meukṙen höö, tön lakngö mahakeūlenre an ngam Tēv; kēTö inlōnti pöri nö i yip yāich.

Salmai 31:23

Ō hāngen yin tö ngam Mā Tēv, ṙòkhöre yī-ö töhet ò! Aṅten yip tökô-en an ngam Mā Tēv, pōyen tī inrē nö reushö yip mahakeūlen la-enre.

NAHIMIĀ 9:29

Ngaich më-eṅ fēḵlen cha pòn hōtu cha-a nö havantöre nö im chöngö meh. Sönen cha-a nöng hakeūngenre ngaich öt hang ṙô minë chöngö meh köölö fālen pöri nö i minë hachöngten meh i inköpö inlahen tarik, ngaich havāngtö ngam töngëḵ kūö kël re hangëḵ likeun re inrē nö sōḵ nö hang chöngö meh.

NAHIMIĀ 9:16

ʽʽNgaich, pöri yik yöng ih nö hakeūlenre hangëngö likeunre inrē ngaich öt hang ṙô minë chöngö, meh;

1 RĀCHA 17:24

Ngaich ngö ṙô ök kikānö tö Ĕlaicha, Ngaich chin akahalōn tö meh öm tarik ngam Tēv, tö ngam ṙô ngam Mā Tēv inrē elvāng meh nö kanô-en.

1 SAMUĔL 2:3

Un yāha inkeūlen ṙô; Un löknyö elvāng meh tökiröng ṙô; Tön Tēv inkaha an ngam Mā Tēv, Kalaha lumngan nup inlahen tö ò.

MANEUTNYI 14:18

Hòṅ yip aṅ Aikup min nö akahalōn tö chu Öich Mā Tēv, yē chu min teūngen tö ineū-eure in Fërō, i nup inröl ò, in yip aṅ uk kōra ò inrē.

MANEUTNYI 14:8

Ngaich ngam Mā Tēv nö hangëḵngö ellōn Fërō ök rācha aṅ Aikup, ngaich angā-aṅ nö lūḵ yik kūön Israĕl: pò yik kūön Israĕl nö öt pa-ekūö nö kiröönngöre.

MANEUTNYI 12:12

Pò chu min lök im panam Aikup ip hatööm angū-ö ngaich chökhutī min tö yip lanòh nö ṙòkhöre i panam Aikup, hĕnghöre tarik töṙeūla inrē; i nup tēv Aikup inrē nö ṙòkhöre öich akah fālen: Chū-ö Chin Mā Tēv.

MANEUTNYI 10:3

Ngaich nā Môsös nā Āròn, nö chuh in Fërō, ngaich ngö ṙô tö ò, Ngö ṙô an ngam Mā Tēv, ngam Tēv yip Hīprū. Irô-òten öm min sōḵ hayāichngöre i kūö chu? Hökngen më tarik chu nö kiröönngöre, hòṅ cha nö lök la-en chu.

MANEUTNYI 5:7

Ötngöhöre tī in kētö afō tī vē tarik nö vī īt, öi sā tīre, hökngen cha nö kiröönngöre nö hakôtenre chā-a nö hamūl.

MANEUTNYI 5:2

Ngaich ngöṙô Fërō, Achīö ap Mā Tēv, öp töhòṅ hāngöṙô tö chu öich hökngen Israĕl nö kiröönngöre? Öt akahakūö chin töp Mā Tēv, hö-ö inrē hòṅ hökngen Israĕl nö kiröönngöre.

MANEUTNYI 1:22

Tölṙô yik tarikre Fërō nö ngöṙô, Suktö nyīö kikōnyö tökayônyu, el ngam tahël, ṙātö yip kikānö nyīö nö aṅ.

MANEUTNYI 1:16

Ngöṙô angā-aṅ, Yē nā pöchö lāich yip Hīprū kikānö, ngaich meūkö cha nö el chūök töchööku; yĕn kikōnyö, ngaich kumpāhan nā-aṅ; yē ò pöri nö kikānö, ngaich aṅ min angā-aṅ.

MANEUTNYI 1:10

Tā-a; töi huveū lök alaha cha ngaich kēngen cha un ing panam; hòṅ cha nö öt ṙūöhölre ṙôngö, ngaich min, yĕn hē kinyūngö, ngaich chā-a nö hamūltöre nö in yip lā-al hī, ngaich kiyung nö lā-al hī.

KINṘEŪKÖ 33:4

Hē yik aṅ Aikup nö ṙònghöichṙen nö lāpngö yik lanòh, yik tölëlngö tö tī ngam Mā Tēv: kahòkkaṙen nuk tēv cha inrē tö ngam Mā Tēv.