MANEUTNYI 18:10 - TÖHET LĪPÖRE (Re-edited) Bible (BSI)

¹⁰ Ngaich ngö ṙô ang Yītörō, Tökôlò an ngam Mā Tēv, ngam ṙamānyen yīö ṙā-ang eltī yip aṅ Aikup, ṙā-ang eltī Fërō inrē; ngam ṙamānyö më tarik nö ṙā-ang eltī yip aṅ Aikup.

MANEUTNYI 18:10 Referans Kwoze

2 SAMUĔL 18:28

Hū-a ngaich Ahīmās nö ngö ṙô tök rācha, Ṙòkhöre nö lööken. Sōntökūö ngaich anga-aṅ nö el tumlat nö i kūö ök rācha, nö ngö ṙô, Tökôlò An ngam kamëtö yip tarik yip mahachônglö këlre nö lā-al ngam mā chu ngam rācha.

Ranehlö 14:20

Tökôlò an yēḵ ngam Tēv lamātulöng, ngam kamëtö më tökunyaha elmat tömeh nö eltī meh. Ngaich angā-aṅ nö kēḵĕkūö ò hĕng hata i tösöm inuk taṙòkhöre.

T. LŪKÖS 1:68

Tökôlò An ngam Mā, ngam Tēv Israĕl: pò Ò nö ngaich nö meukṙen, ane inrē ṙānyö vē tarikre.

1 PĪTÖR 1:3

Tökôlò an yēḵ ngam Tēv, ane inrē Yöng, ngam Mā hī Yēsū Kristū ngam tö sā ṙôkö öp neūkölōnre nö kayôḵnyen hī im tö aṅ mineūka, lökten i invanlö Yēsū Kristū nö ṙā-ang i tökapah,

1 TÖSALÒNIKĒ 3:9

Suh öp öre nöinyö ngam Tēv tötī ih tö pòkūö yīö, tö kò nö kahëtö ih, tön ṙòkhöre nup ṙanāmölōn, nup ṙanāmölōn ih nö i kūö ngam Tēv hī, tö pòkūö yīö;

EFISÖS 1:3

Tökôlò an yēḵ ngam Tēv Yöng ngam Mā hī Yēsū Kristū, ngam mahakôlò hī tö aṅ i töhet inkôlò el halīöngö in Kristū:

Salmai 41:13

Tökôlò an yēḵ ngam Mā Tēv, ngam Tēv Israĕl; töt chanuhuvṙen töng örheūheu. Āmen, hēk Āmen.

1 RĀCHA 8:15

Ngö ṙô ngaich anga-aṅ, Tökôlò An yēḵ ngam Mā Tēv, ngam Tēv Israĕl, ngam töṙô-òv nö elvāngre nö ik yöng chu Tāvit, ngaich löktö eltīre nö hateungtö e, nö ngö ṙô.

Ranehlö 24:27

Ngaich ngöṙô anga-aṅ, Tökôlò an ngam Mā Tēv ngam Tēv ap yöngṙen chu Aprahām, ngam töt ṙamāngö ngam miṙēlōnre, kanô-enre inrē nö lā ip yöngṙen chu: ngaich pöri chū-ö hachōtu töngam Mā Tēv el talöökö patī öp hanöng kisānö öp yöngṙen chu.

1 SAMUĔL 15:6

Ngö ṙô ngaich Sôl tö yik aṅ Kēn, Kuṙòh, kiröönngöre yin, kē-ĕngre ṙā-ang in yip aṅ Amalek, hòṅ yīö öt halëli tö chu anòngngen cha: tön hameuk tö miṙēlōnre yin misī tö yik kūön Israĕl nö ṙòkhöre, hē cha nö yih nö ṙā-ang Aikup. Lökten yik aṅ Kēn nö kiröönngöre nö ṙā-ang in yip aṅ Amelek.

1 SAMUĔL 25:32

Ngaich ngö ṙô Tāvit tö Apīkēl, Tökôlò an yēḵ ngam Mā Tēv, ngam Tēv Israĕl, ngam tamīnten meh töngamuh höngkūö chu:

1 RĀCHA 8:56

Tökôlò an ngam Mā Tēv ngam kamëtö haneūheu vē tarik re Israĕl sā nuk ṙô ò nö kilēḵngôre: öt hĕng töt teung ṙô i nuk tölöök ṙô ò nö kilēḵngôre, nuk ṙô ò nö kilēḵngôre nö löktö eltī ök tarik ò Môsös.