MANEUTNYI 18:1 - TÖHET LĪPÖRE (Re-edited) Bible (BSI)

¹ Ngaich ang Yītörō, ök kūönṙô aṅ Mītia, yöng pīhö Môsös, nö hang nuk tī ngam Tēv tö pòkūö Môsös, pòkūö Israĕl inrē yik tarik ò, tö tī ngam Mā Tēv nö kēnyen Israĕl nö ṙā-ang Aikup.

MANEUTNYI 18:1 Referans Kwoze

MANEUTNYI 3:1

Aṅtö nuk pököre ök yöng pīhöre ang Môsös, ang Yitörō, ök Kūönṙô aṅ Mītia; hachōḵngö nuk pököre angā-aṅ nö lā uk ök tönyaṅlnyi, ngaich sölta nö ip rôngö ngam Tēv i Hōrep.

MANEUTNYI 2:16

Sat maneuk yik kikānö kūön ök Kūönṙô aṅ Mītia: ngaich yihtöre chā-a nö fòk mak, ngaich hatööḵlö nuk tökachāvu, nö ha-òk nuk chehen ök yöng cha kikōnyö.

INLAHEN 14:27

Chalô cha-a, ngaich hamūl ngam māṅ; ngaich keuheūtnyöre ṙô nö ahangnyö elnang cha, tö nuk taṙòkhöre tī ngam Tēv, tö tī Ò inrē nö löpnyökūö inkūp mikah nö i yik tahëng mihëṅṙö tarik.

SAKARIĀ 8:23

Ngö ṙô an ngam Mā Tēv yip tömṙôgö: Yih öp min i nup sakāmö anū-ö tö yip tarik tösöm tak min nö kētö tīre, aṅ in yip tökeuheūttöre ëlô pumnāmö tarik, nö kôten min nö kētö tīre nö i kinfan ò öp Yahūti nö ngö ṙô, Hòṅ in meh in īhö kiröönngöre, pò ih hang tö ngam Tēv nö in yīö.

Salmai 106:2

Chiāp tökô nö ṙô-òv tö ngam minhôiṅyö ngam Mā Tēv: hēk, tökô nö hameuktö nup nöinyö Ò?

Salmai 105:43

Kēnyö yik tarik re Anga-aṅ nö ṙāmölōn: yik katöllö Ò inrē hol tö tinkökṙô re.

Salmai 78:4

Hö-ö in hòṅ hayunngö u i yip kūön cha: ve-enynang yip mu-unôich tö yīhih tumkölchap, tö minë nöinyö ngam Mā Tēv, ngam kumlēḵ Ò, pinngangkūö vahīṙen Ò inrē.

Salmai 44:1

Ō Tēv, hang nun në elnang ih, vënyu nang in tö yik muvöhngö ih: tö nuk sakāmö cha, hē nuk sakāmö misī.

Salmai 34:2

Im Mā Tēv ön min ngih nômö nö eū-eure: ṙāmölōn min yip töyāchö ellōn nö hāngö e.

YÔSUĀ 9:9

Ngaich ngö ṙô cha-a tö ò, Ṙeū-eung tömarôvat panam yin vē tarik meh nö yih tökūö i minë-eny ngam Tēv meh ngam Mā Tēv: pò ih hang ineūnyö ò, hang nuk tī ò inrē nö i Aikup,

YÔSUĀ 2:10

Pò ih ngaich hang tī ngam Mā Tēv nö hanyôngö mak ngam Töngāṅv Mai nö i kūö yīö, hē yīö ṙā-ang Ai-kup; tö tī yīö inrē tö nak tönët tak rācha aṅ Amôr, nak lamuh tö Yôtön, Sihòṅ, Ôk inrē nak töhatngö tö tī yīö.

RŌMA 15:18

Öt hòṅ ṙô-òv chin tö yô-òv, höng nup la-en Yēsū nö lökten in chu, kūö hanô-òṅ yip Tahëng mihëṅṙö, i ṙô, la-en inrē,

INLAHEN 15:12

Ṙòkhöre ngaich yik tömaṙôngö nö ṙangôre; ngaich hangihtöre tö ṙô nā Parnöpas, nāṅ Pôl, nö ahangnyö elnang cha tö nuk minkahngö, pinngangkūö inrē tī ngam Tēv nö i yik tahëng mihëṅṙö tarik nö lökten in cha.

YERIMIĀ 33:9

Ngaich ngih elpanam min nö in chu nö minë-eny ṙanāmölōn, ineū-euṅ ane inrē kanôlò i kūö pumnāmö tarik nö ṙòkhöre ing tumlat yip hamang nuk tölöök tī chu in cha; pa-ekūö yip min kichëyöre inrē tökūö nuk tölöök nuk kanôlò e inrē mineukṙen e tö chu.

Salmai 105:5

Köpölōn tö nuk tökeuheūten pinngangkūö la-en Ò: nuk aṅ elvāng Ò inrē inkaha fālen.

KAMHÔKA 4:11

Hē e ang Hīpör ök aṅ Kēnait nö haköhngenre tö yik aṅ Kēnait, nö ṙā-ang in yik kūön Hōpāp ök yöng pīhö Môsös, ngaich vītö inrū kuire nö sā rôvat ök Tarpin nö i Sē-ananim ök töröhta nö i Katēs.

KINṘEŪKÖ 10:29

Ngaich ngö ṙô Môsös tö Hōpar ök kikōnyö kūön Rakūĕl, aṅ Mītiā, kikōnyö yöng pīhö Môsös, Kiröönngöre in im chūök ṙô ngam Mā Tēv, nö ngö ṙô, Kētö e chin min in yīö: tā-a in ih man, ngaich hakôlò meh min īhö: pò ngam Mā Tēv nö löökö ṙô nö in Israĕl.

MANEUTNYI 4:18

Ngaich Môsös nö havantöre nö ik yöng pīhöre ang Yītörō, ngaich ngöṙô tö ò, Vë-ekūö meh chin, öm halöngngen chu öich havantöre in yip holre yip i Aikup, öich ngëichken cha yē cha nö ṙòngmö aṅ. Ngaich ngöṙô Yītörō tö Môsös, Ngaich man kuṙòh im kumchikṙen.

MANEUTNYI 2:21

Ngaich ang Môsös nö hō nö iyöng in ök tarik, ngaich angā-aṅ, nö kēten Siporā, ök kikānö kūön ò, nö in Môsös.

MANEUTNYI 2:18

Ngaich hē cha nö yihtöre nö in Rūel ök kikōnyö yöng cha, ngaich ngöṙô angā-aṅ, sitih öi ka-eūi tö yīhih ing tö taheui sakāmö?

MANEUTNYI 6:6

Lökten nö ngöṙô tö yip kūön Israĕl, Chū-ö Chin Yāvē, kēnyen yīö chin min ṙā-ang i nup lumngan tī yip aṅ Aikup, kēnyen yīö chin ṙā-ang el inkövö tī cha, aṅtī tö töteuthak kël min Chū-ö ṙānyen yīö, aṅtī tö öp yöng inkaha fālen inrē;

KAMHÔKA 1:16

Ngaich yik kūön aṅ Kēn, ök yöng pīhö Môsös, nö kiröönngöre nö ṙā-ang ip elpanam chūök kachūr nö hol yip kūön Yūtā, nö ik tönyalnyi i Yūtā, ök lā lòhngo tö Arāt; kiröönngöre cha-a ngaich, ngaich iyöng in yik tarik.