MANEUTNYI 17:7 - TÖHET LĪPÖRE (Re-edited) Bible (BSI)

⁷ Ngaich kaheuk minë-eny ök chūökö angā-aṅ nö Masa, Meripā inrē, kūö ngam linā-alkūö tö yik kūön Israĕl, ane inrē kūö cha nö kalah ngam Mā Tēv nö ngö ṙô In hī Ang kan ngam Mā Tēv, hö-ö ṙöng?

MANEUTNYI 17:7 Referans Kwoze

Salmai 81:7

Hu-a Me-eṅ hē el kahingen, ngaich ṙānyen meh chū-ö: sapṙô Meh chin el palēt chūök kunṙôkö; kalaha Meh chin i nup mak i Meripah.

Salmai 95:8

Hang ṙô Ò yin tötaheui: Ui hangë-eng ellōnre, sā re i Meripah; sā hē ök sakāmö Kinlaha el tönyaṅlnyi.

KINṘEŪKÖ 20:13

Në nun mak i Meripāh, kūö yik kūön Israĕl nö lā-alkūö ngam Mā Tēv, ngaich anga-aṅ nö hameuktöre nö töhet nö in cha.

I. CHÖNGÖ 9:22

I Tapēra inrē, i Massah, i Kīprōthata-ava inrē yī-ö harunnyö lanīnö ngam Mā Tēv.

MANEUTNYI 17:2

Lökten yik tarik nö lā-alkūö Môsös, nö ngö ṙô, Kētö mak in ih hòṅ ih òk. Ngaich Môsös nö ngö ṙô tö cha, Kūöyòh öyih lā-alkūö chu? Kūöyòh öi kalah ngam Mā Tēv?

KINṘEŪKÖ 20:24

Hamūltu an min Āròn nö in yip tarik re: pò ò min nö öt kuhēthötre nö im panam ngam kahëtö Chu ngaich in yip kūön Israĕl, pò nā ahôngen ṙô Chu, i nup mak Meripāh.

T. YÔHAN 1:14

Ngaich ngam Ṙô nö vīngöre nö tarik; ngaich iyöng in hī, tööḵlö tö hanāngenlōn kanô-en inrē. Ngaich meuk kanôlò Ò ayī-ö, sā kanôlò ngam töng hĕng maneuk kūön ngam Tēv.

MAIKA 3:11

Yip yöngṙen umuh reushu nö akaha fālen, yip kūönṙô inrē umuh haṙāi inköphöti, yip pròfĕt inrē umuh akah ngam Tēv nö ṙāitö rupīö; sönen cha-a nö hòṅ harônlöre nö im Mā Tēv, nö ngö ṙô, Röh ang ngam Mā Tēv nö el ṙôngö hī? Öt tötlööku min yamih nö in hī.

Isayā 12:6

Pōitô hū-a inrē, me-eṅ aṅ Siyôn; tön kiröng an ngam töhet aṅ in Israĕl nö el ṙôngö meh.

YÔSUĀ 22:31

Ngaich Finehas ök kikōnyö kūön Ĕliēsör ök kūönṙô nö ngö ṙô tö yik kūön Rūpön, kūön Kāt inrē, tö yik kūön Manasē, Akahalōn in ngaich töngamuh tö ngam Mā Tēv nö elṙôngö hī, pò yīö öt köölö fālen im Mā Tēv: ngaich yin töngamuh ṙānyö vē kūön Israĕl ṙā-ang eltī ngam Mā Tēv.

I. CHÖNGÖ 31:17

Ngaich min öp tanānyö chu ip sakāmö angū-ö nö tōttörekūö nö lā-al cha, ngaich chu-ö min ṙāngen cha, ane inrē hayunngökūöre min chū-ö tö cha, ngeūṅki min cha-a inrē, pōyen nup min tötlöök kanihngen inrē yamihtöre nö i kui cha; lökten cha min nö ngö ṙô ip sakāmö angū-ö, Röh ön në tötlöök nö yih nö i kui hī, pò ngam Tēv hī nö öt in hī?

MANEUTNYI 34:9

Ngaich ngö rô anga-aṅ, Yē chu töngamuh tö inkôluṙô i kūö meh, ō Mā vë-ekūö meh chin hökngen ngam Mā, nö kiröönngöre nö in ih; tön tökëhe likeun yin vē tarik; aṙēlö kanöölö tökööl ih inrē, ngaich kēḵĕ ih öi amin meh.

KINṘEŪKÖ 14:22

Kūö yip tarik pöri nö ṙòkhöre yip töngaich nö meuk kanôlò Chu, nuk aṅ in chu inrē minkahngö, nuk tī Chu i Aikup el inchōn inrē, söntenre pöri nö kalāha Chu söm heuh nö ngaich, öt hang ṙô Chu inrē;

KINṘEŪKÖ 27:14

Pò nā ahôngö chöngö Chu el inchōngö i Sin, hē yip ṙôngö tarik nö ahôngen, an ma-ahetlen Chu i kūö cha nö i nup mak. (Anū-ö nup mak i Meripā, i Katĕs el inchōnngö i Sin.)

I. CHÖNGÖ 6:16

Uh yin kalah ngam Mā Tēv ngam Tēv yīö, sā yīö misī kalahan i Massah.

I. CHÖNGÖ 33:8

Ngö ṙô anga-aṅ inrē nö in Lēvī. In ngam tölöök meh an ngam Tumin Urim meh inrē, ngam tökalaha tö meh i Māsah, ngam lahā-alkūö meh i nup mak Meripā;

Salmai 78:18

Kalah ngam Tēv cha-a inrē nö ellōn re; nö havëkö kā re tö alaha, ip yanālö re.

Salmai 81:8

Ō yī-ö tarik chu, hangihtöre, hòṅ chu hameukhöti in Meh: Ō Israĕl, yē meh hō hang ṙô chu.

Salmai 106:32

Vīten Ò cha-a inrē nö tainy nö i nuk mak Meripah lökten Môsös nö chōichngen pòkūö cha.