MANEUTNYI 17:6 - TÖHET LĪPÖRE (Re-edited) Bible (BSI)

⁶ Yĕh meuk, sökhak chin min i kui öp ihong i Hôrep; foh öp ihong pömchö, ngaich hëmnyi min öp mak nö ṙā-ang in ò, hòṅ yip tarik nö òk. Ngaich ngatī Môsös nö i kūö yik mākūö Israĕl.

MANEUTNYI 17:6 Referans Kwoze

1 KÒRIN 10:4

Pò cha nö òk aṅ ik töhet Ihong ök tamömkörit cha; ihong ök anga-aṅ nö Kristū.

NAHIMIĀ 9:15

Kētö nyā-aṅkūö cha më-eṅ ṙā-ang el halīöngö pò cha nö kapahare kēnyö mak cha inrē ṙā-ang ip ihong pò cha nö haṙehe nômö, ngaich tölṙô cha më-eṅ inrē nö kiröönngöre nö kē ap panam öp kahëtö meh in cha öm chūökuṙô kilēḵngôre.

I. CHÖNGÖ 8:15

Ngam mahachō-o meh nö lök el öp tökiröng pinhë-eṅkūö inrē tönyalnyi, i chūök nup pēch tameūyö ka-ëp inrē, i chūök öp töyal tumlat chūök töt mākuvö; ngam kamënyö mak meh nö ṙā-ang in öp ihong fanak tameūyö;

Salmai 105:41

Luvënyö kūö ök ihong ngaich Anga-aṅ, ngaich pòpnyi nuk mak: hëmnyi anū-ö sā tahël i panam tönyô.

T. YÔHAN 4:10

Ngaich ngö ṙô Yēsū, nö sapṙô ò, Yē meh akahalōn tö ngam tö ngö ṙô inrē, tö meh, Kētö òk Chu man, havë-a öre me-eṅ in Ò; ngaich kô-òren Anga-aṅ nö kē-ĕkūö meh tö tö-aṅ mak.

Salmai 114:8

Ngam vamīngö ngam tökiröng ihong nö mak nö mūlngö: ngam töngëḵ ihong inrē nö tö hëmlö mak.

Salmai 46:4

Tahël ap umuh, ṙāmölōn tī ap töhëm mak tö ngam el-panam ngam Tēv: ngam töhet chūök inrūkui ngam Lamātulöng.

Salmai 78:20

Yĕh meuk, foh ihong Anga-aṅ, pòn hōtö mak nö pònyi, ngaich taṙēichlöng ngam mak: kô-òren Ang inrē nö kētö rôtī? Meukṙen vē tarik re Ang min tö alaha?

INMEUKHÖMAT 22:17

Ngaich ngam Töhet Fanöinylö, tö ngam töhapihö kikānö inrē, nö ngö ṙô, Ta-ih. Anga-aṅ ngam hamang, hökngen ò nö ngö ṙô, Tā-ih. Anga-aṅ ngòh töhaṙëhe nômö, hökngen ò nö yihtöre: anga-aṅ ngòh töhōḵ hökngen ò nö kēḵ ngam mak ngam nômö nö öt ṙāiyutī.

T. YÔHAN 4:14

Öthētu pöri nö haṙëhe nômö, yip amòk öp kahëtö Chu min mak. Ngam mak kahëtö Chu in ò, vīngöre nö töhëmlö nö ellōn ò, nö mak ngam nômö tö-örheūheu-aṅ.

Isayā 48:21

Öt haṙëhe nômö cha-a hē ò nö lök eltönyalnyi nö hachōnyen cha: pòn vītö mak anga-aṅ òk cha nö löknyö ik Ihong nö hëmnyi: lirak ök Ihong inrē anga-aṅ ngaich pòpnyi ök mak.

MANEUTNYI 16:10

Ngaich ngö inlaha angū-ö, hē Āròn nö vë-ekūö yik ṙôngö, nö hōten cha nö kū-ö tö ök tönyaṅlnyi mat nö ngëicha, ngaich ngëicha, meūkö ngaich ök minā-aṅ ngam Mā Tēv nö el taṙul.

MANEUTNYI 14:16

Hachônglö ngam tinkungre më-eṅ hateutnyö këlre inrē i kui ngam mai, harēvö e: hòṅ më kūön Israĕl min nö lök ellōn ngam mai nö el tanyô.

KINṘEŪKÖ 20:8

Kēḵ ngam tinkung, hamūl yip ṙôngö tarik inrē, më-eṅ, ap mëm meh inrē Āròn, vë-ekūö ngam ihong nan i kūö cha; hòṅ e nö kētö ap in re mak; ngaich nā-aṅ min kēnyö mak in cha nö löknyö im ihong: hòṅ nā min kētö òk yip ṙôngö tarik tö nup töṙeūla chehen cha inrē.

I. CHÖNGÖ 1:2

Kahuk sīön sumkam rô-òl röön nö ṙā-ang Hōrep nö lök ip rung Sē-ir nö söl Kātēs Pörnia.

Salmai 74:15

Harēv töpöklö mak Më-eṅ, tö ngam tötöh: hanyôlö tökiröng tahël Më-eṅ.

Salmai 78:18

Kalah ngam Tēv cha-a inrē nö ellōn re; nö havëkö kā re tö alaha, ip yanālö re.

Salmai 81:7

Hu-a Me-eṅ hē el kahingen, ngaich ṙānyen meh chū-ö: sapṙô Meh chin el palēt chūök kunṙôkö; kalaha Meh chin i nup mak i Meripah.