MANEUTNYI 17:2 - TÖHET LĪPÖRE (Re-edited) Bible (BSI)

² Lökten yik tarik nö lā-alkūö Môsös, nö ngö ṙô, Kētö mak in ih hòṅ ih òk. Ngaich Môsös nö ngö ṙô tö cha, Kūöyòh öyih lā-alkūö chu? Kūöyòh öi kalah ngam Mā Tēv?

MANEUTNYI 17:2 Referans Kwoze

1 KÒRIN 10:9

Uh in rēhĕn kalah manöinyö ngam Tēv, sā yik rīkre tö cha; ngaich lëlngö tö kūö pēch.

Salmai 78:41

Havantöre cha-a hēk nö kalah ngam Tēv: ngaich harunnyö lanīnö ngam Töhet nö in Israĕl.

Salmai 78:18

Kalah ngam Tēv cha-a inrē nö ellōn re; nö havëkö kā re tö alaha, ip yanālö re.

I. CHÖNGÖ 6:16

Uh yin kalah ngam Mā Tēv ngam Tēv yīö, sā yīö misī kalahan i Massah.

HEPRĀI 3:9

I chūök yik muvöhngö yīö nö kalaha Chu, nö kalahtenre nö in Chu. Ngaich fën anāi samyeūheu nö meuk la-en Chu,

Isayā 7:12

Ngö ṙô pöri Ahas, Hö-ö chin hòṅ havë-a, öt rēhĕn chin hòṅ kalah ngam Mā Tēv.

T. MËTIV 4:7

Ngaich Yēsū nö ngö ṙö tö ò, Hēk an nö ngö kinūichngö, “Uh man kalah ngam Mā Tēv meh.”

Salmai 95:9

Hē yik muvöhngö yīö nö kalaha chu: kalahken chu, ngaich meuk la-en chu inrē.

KINṘEŪKÖ 21:5

Lā-alkūö ngam Tēv ngaich yik tarik, lā-alkūö Môsös inrē nö ngö ṙô, Kūöyòh öi kēnyen ih ṙā-ang Aikup öi kapah el ngih tönyaṅlnyi? Tön rö-ö yih nö nyā-aṅvkūövö nö umuh, öt māku inrē nö umuh: ngaich īhö inrē sa-òkkūö tö ngih töt kôlò nyā-aṅkūö.

INLAHEN 15:10

Lökten, kūöyòh öi kalah ngam Tēv; öi hakeunlö elranôṙö yip mahaköp, tö ngam töt rēhĕn nö kanô-òṅ yik muvöhngö hī öt rēhĕn ayī-ö kô keūnö e?

INLAHEN 5:9

Ngaich ngö ṙô Pītör tö ò, Kūöyòh an hĕngrelōn kalah ngam Töhet Fanöinylö ngam Mā Tēv? Yĕh meuk röön yip amulngö ök pihö meh, nö i kūö inkūp. Keunnyu man min tö cha.

T. LŪKÖS 4:12

Ngaich ngö ṙô Yēsū nö sap ṙô ò, Töngö öp yih ṙô, Uh man kalah ngam Mā Tēv.

MALAKI 3:15

Ngaich in yih töngamuh töṙāmölōn ngö ṙô tö ngòh mahakeūlenre; hôṅ, könghakṙen yin cha-a vē töla-evṙen tö tötlöök; hôṅ, kalah ngam Tēv cha-a, ngaich ṙānyuvö.

Salmai 106:14

Kiröngö yanālö pöri nö el inchōn: ngaich kalah ngam Tēv, nö el tönyalnyi.

Salmai 78:56

Sön cha-a nö kalah, ane inrē ahôngen ngam Lamātulöng Tēv: ngaich öt haköp minë tö kūichi inmeuktö kanô-en;

KINṘEŪKÖ 14:22

Kūö yip tarik pöri nö ṙòkhöre yip töngaich nö meuk kanôlò Chu, nuk aṅ in chu inrē minkahngö, nuk tī Chu i Aikup el inchōn inrē, söntenre pöri nö kalāha Chu söm heuh nö ngaich, öt hang ṙô Chu inrē;

MANEUTNYI 17:7

Ngaich kaheuk minë-eny ök chūökö angā-aṅ nö Masa, Meripā inrē, kūö ngam linā-alkūö tö yik kūön Israĕl, ane inrē kūö cha nö kalah ngam Mā Tēv nö ngö ṙô In hī Ang kan ngam Mā Tēv, hö-ö ṙöng?

T. LŪKÖS 15:12

Ngaich ngö ṙô öp manāngö töp yöngre, Kayöngö; kē-ĕkūö chu man, tö nup mine-eny chu chehen. Ngaich anga-aṅ nö katölhökūö cha tö nup chehenre.

MANEUTNYI 15:24

Ngaich yik tarik nö ngö ṙô nö siṙös ṙôre nö lā-alkūö Môsös, Suh òk öi vö min?

1 SAMUĔL 8:6

Kunyahalōn pöri Samu-ĕl tö e, hē cha nö ngö ṙô, Kētö rācha ih man nö mahayöngö ih. Ngaich samu-ĕl nö vë-ekūö ngam Mā Tēv.

KINṘEŪKÖ 14:2

Ngaich ṙòkhöre yik kūön Israĕl nö hiṙeūtkôre nö lā-alkūö Môsös lā-alkūö Āròn inrē; ṙòkhöre ṙô yik tarik nö ngöṙô tö cha i lōn ngam Tēv öre misī öi kapah ip panam Aikup! hēk i lōn ngam Tēv öre misī öi kapah el inchōnngö!

MANEUTNYI 5:21

Ngaich ngöṙô chā-a tö cha, Ngëich tökui nā an ngam Mā Tēv kahòkken nā inrē; pò nā vītö ngam kumchikṙen ih, nö kumnyah nö elmat Fërō, elmat yip tarik ò inrē, an kētö eltī cha tö sanët nö fëlngen ih.

MANEUTNYI 16:8

Ngaich ngö ṙô Môsös, Ngaich ön min nö ngatī, ip hē ngam Mā Tēv min nö kētö kāḵ yīö tö alaha, tö harap, ngaich peuheū rôtī nö pōyen; pò ngam Mā Tēv nö hang sinṙöösö ṙô yīö öi lā-alkūö Ò siṙös ṙôre: asuh ai āyö? Öt linā-alkūö ai nup sinṙöösö ṙô yiö, tön linā-alkūö ngam Mā Tēv.

Salmai 95:8

Hang ṙô Ò yin tötaheui: Ui hangë-eng ellōnre, sā re i Meripah; sā hē ök sakāmö Kinlaha el tönyaṅlnyi.

Salmai 106:13

I lööṙen cha-a nö vaichngö tö nuk la-en Ò: öt höktöre cha-a tö inlēnö re tö Ò.

I. CHÖNGÖ 9:22

I Tapēra inrē, i Massah, i Kīprōthata-ava inrē yī-ö harunnyö lanīnö ngam Mā Tēv.