MANEUTNYI 16:9 - TÖHET LĪPÖRE (Re-edited) Bible (BSI)

⁹ Ngaich ngö ṙô Môsös tö Āròn, Ngö ṙô man tö yip ṙôngö kūön Israĕl nö ṙòkhöre, Tā-a haröhtöre i kūö ngam Mā Tēv: tön hang sinṙöösö ṙô yīö An.

MANEUTNYI 16:9 Referans Kwoze

KINṘEŪKÖ 16:16

Ngaich ngö ṙô Môsös tö Kōhar, I kūö ngam Mā Tēv pömchö ṙòkhöre inrē yip ṙôngö tarik, më-eṅ, cha-a inrē Āròn inrē huṙöich:

MANEUTNYI 16:8

Ngaich ngö ṙô Môsös, Ngaich ön min nö ngatī, ip hē ngam Mā Tēv min nö kētö kāḵ yīö tö alaha, tö harap, ngaich peuheū rôtī nö pōyen; pò ngam Mā Tēv nö hang sinṙöösö ṙô yīö öi lā-alkūö Ò siṙös ṙôre: asuh ai āyö? Öt linā-alkūö ai nup sinṙöösö ṙô yiö, tön linā-alkūö ngam Mā Tēv.

MANEUTNYI 16:2

Ngaich ṙòkhöre yik ṙôngö kūön Israĕl nö siṙös ṙôre nö lā-alkūö Môsös, lā-alkūö Āròn inrē nö el tönyaṅlnyi:

MANEUTNYI 16:7

Ip peuheū möl yī-ö min meuk minā-aṅ ngam Mā Tēv; pò Ò nö hang ṙô yīö siṙös ṙôre lā-alkūö ngam Mā Tēv: asuh ai āyö, töp lökten yīö siṙös ṙôre lā-alkūö ai?

KINṘEŪKÖ 14:27

Irô-òtö manööyö Öich min i ngih tötlöök ṙôngö tarik, vē mihiṙeūtkôre nö lā-alkūö Chu? Hang ṙô yip kūön Israĕl Chin nö hiṙeūtkôre, nö lā-alkūö Chu.