MANEUTNYI 16:8 - TÖHET LĪPÖRE (Re-edited) Bible (BSI)

⁸ Ngaich ngö ṙô Môsös, Ngaich ön min nö ngatī, ip hē ngam Mā Tēv min nö kētö kāḵ yīö tö alaha, tö harap, ngaich peuheū rôtī nö pōyen; pò ngam Mā Tēv nö hang sinṙöösö ṙô yīö öi lā-alkūö Ò siṙös ṙôre: asuh ai āyö? Öt linā-alkūö ai nup sinṙöösö ṙô yiö, tön linā-alkūö ngam Mā Tēv.

MANEUTNYI 16:8 Referans Kwoze

RŌMA 13:2

Lökten ngòh maha-ôngen ngam chöngö nö maha-ôngen ngam inchöngten aṅ im Tēv: ngaich cha-a yip maha-ôngen min nö kēkūö kinṙòkken re.

1 SAMUĔL 8:7

Ngaich ngö ṙô ngam Mā Tēv tö Samu-ĕl, Hang ṙô më tarik man i nup ṙô cha tö meh: tön rö-ö yin nö sōḵen meh, sōḵen chu pöri cha-a, nö sōḵten chu rācha i kui cha.

1 TÖSALÒNIKĒ 4:8

Lökten ngòh samôḵòṅ e, öt samôḵòṅ tarik anga-aṅ; samôḵòṅ ngam Tēv pöri, ngam kamëtö ngam Töhet Fanöinylö nö in yīö.

T. LŪKÖS 10:16

Ngòh hamang ṙô yīö, ngaich hang ṙô Chu. Ngòh samôḵen yīö, ngaich samôḵen Chu. Ngòh samôḵen Chu, ngaich samôḵòṅ ngam tamīnngen Chu.

KINṘEŪKÖ 14:27

Irô-òtö manööyö Öich min i ngih tötlöök ṙôngö tarik, vē mihiṙeūtkôre nö lā-alkūö Chu? Hang ṙô yip kūön Israĕl Chin nö hiṙeūtkôre, nö lā-alkūö Chu.

KINṘEŪKÖ 21:7

Ngaich yihtöre yik tarik nö in Môsös, ngaich ngö ṙô, köölöfālen in ngaich pò ih chōichô lā-alkūö ngam Mā Tēv, lā-alkūö meh inrē; vë-ekūö ngam Mā Tēv man yēḵ, hòṅ Ò nö kēngö minë pēch nö ṙā-ang in ih. Vë-elkūi yik tarik ngaich ang Môsös.

1 KÒRIN 10:10

Uh yin rēhĕn milöh minuhre, sā yik rīkre tö cha; ngaich halëli tö ngam mahalëlhanga.

T. YÔHAN 13:20

Tökô-ò ṙô Chin tö yīö, Ngòh hamôḵòṅ tahīntö chu, hōḵen Chu anga-aṅ, ngòh hamôḵen Chu, hōḵo ngam tamīnten Chu.

T. MËTIV 10:40

“Ngòh hamô-en yīö, hamô-en Chu anga-aṅ. Ngòh hamô-en Chu, hamô-en ngam tamīnten Chu anga-aṅ.

T. MËTIV 9:4

Ngaich Yēsū nö akahalōn tö lōn cha; ngaich ngö ṙô,

Isayā 37:29

Kūö ngam tanānyö meh tö chu, ngam kanësen meh inrē nö yih nö elnang chu, lökten chin kavòkhötkūö ngam inkāl elvāng inrē nö i minuh meh, ngaich chū-ö min havöökūö meh ip talöökö löktö meh sin öm yih.

Isayā 32:6

Pò öp tökulō-ov tarik min nö ṙôtö kumlō-ov ngaich öp ellōn ò min nö vī öt lanöökö, harūnöre nö i inchōichngö, kaknyö tövaich inrē nö lā-al ngam Mā Tēv, nö ahatnyö aṅ ellōn ngam tökapahare, ngaich vīngen òk ngam töhaṙëhe nômö nö öt teunglen.

MANEUTNYI 16:12

Hang sinṙöösö ṙô yip kūön Israĕl chin: vë-ekūö cha, ngö ṙô, Kāḵ alaha yin min tö harap, tö peuheū inrē öi tööḵngen min tö rôtī; ngaich akahalōn yī-ö min tö Chu öich Mā Tēv, Tēv yīö.

MANEUTNYI 16:9

Ngaich ngö ṙô Môsös tö Āròn, Ngö ṙô man tö yip ṙôngö kūön Israĕl nö ṙòkhöre, Tā-a haröhtöre i kūö ngam Mā Tēv: tön hang sinṙöösö ṙô yīö An.

MANEUTNYI 17:2

Lökten yik tarik nö lā-alkūö Môsös, nö ngö ṙô, Kētö mak in ih hòṅ ih òk. Ngaich Môsös nö ngö ṙô tö cha, Kūöyòh öyih lā-alkūö chu? Kūöyòh öi kalah ngam Mā Tēv?

KINṘEŪKÖ 11:18

Ngaich ngö ṙô më-eṅ tö yip tarik, Ahetlöre yin höng öp huṙöich, hòṅ yīö kā alaha: pò yīö peuiny i elnang ngam Mā Tēv, öi ngö ṙô, Chiāp min kamëtö kāḵ ih tö alaha? Pò e nö tölēnen nö in ih i Aikup: lökten an ngam Mā Tēv, nö kē-ĕkūö yīö min tö alaha, ngaich kā min yī-ö.