MANEUTNYI 16:7 - TÖHET LĪPÖRE (Re-edited) Bible (BSI)

⁷ Ip peuheū möl yī-ö min meuk minā-aṅ ngam Mā Tēv; pò Ò nö hang ṙô yīö siṙös ṙôre lā-alkūö ngam Mā Tēv: asuh ai āyö, töp lökten yīö siṙös ṙôre lā-alkūö ai?

MANEUTNYI 16:7 Referans Kwoze

Isayā 40:5

Ngaich hameuktu min ngam minā-aṅ ngam Mā Tēv, ṙòkhöre mat min inrē tarik nö meūkö e; pòn ṙô elvāng ngam Mā Tēv angū-ö.

KINṘEŪKÖ 16:11

Lökten meh, ṙòkhöre inrē yip hol meh öi hamūlöre lā-alkūö ngam Mā Tēv; asuh ang Āròn inrē nö lahā-al kūö yīö hiṙeūtkôre tö ò?

T. YÔHAN 11:40

Ngaich ngö ṙô Yēsū tö ò, Röh Öich ngö ṙô tö meh, Yē meh ṙātö ellōnre, ngaich meuk ngam kanôlò ngam Tēv min me-eṅ?

T. YÔHAN 11:4

Ngaich ngö ṙô Yēsū, hē Ò nö hāngö e, Rö-ö ap vah nö kinpaha; tön kanôlò ngam Tēv, hòṅ ngam Kūön ngam Tēv nö kôlò nö in e.

Isayā 35:2

Pōyen panöpnyöre kūö ṙòng angū-ö min, ngaich ṙāmölōn ṙô nö tikökṙôre: kētu min öp kanôlò Lëpanön nö in e, öp tölngö lanöökö Kārmel Saròn inrē: meuk kanôlò ngam Mā Tēv min cha-a ngam tölngö minā-aṅ Tēv hī.

MANEUTNYI 40:34

Ngaich ngam taṙul nö hanyattökui ngam rūkui manūlö, ngaich ngam yanëichö ngam Mā Tēv nö hatööḵlö ngam inrūkui.

MANEUTNYI 16:10

Ngaich ngö inlaha angū-ö, hē Āròn nö vë-ekūö yik ṙôngö, nö hōten cha nö kū-ö tö ök tönyaṅlnyi mat nö ngëicha, ngaich ngëicha, meūkö ngaich ök minā-aṅ ngam Mā Tēv nö el taṙul.

KINṘEŪKÖ 16:42

Ngaich hē yik ṙôngö tarik nö hamūlöre nö la-alkūö Môsös Āròn inrē, ngaich hatīönkö ök rūkui manūlö cha-a: ngaich meuk ök taṙul nö hanyattö kui e, ngaich ngam kanôlò ngam Mā Tēv nö meūkö.

KINṘEŪKÖ 14:10

Ngaich pöri nö ṙòkhöre yik ṙôngö yik tarik nö hōḵten cha nö kulëhe tö ihong, ngaich meūkö ök kanôlò ngam Mā Tēv tö yik kūön Israĕl nö ṙòkhöre nö el ök rūkui manūlö:

KINṘEŪKÖ 14:27

Irô-òtö manööyö Öich min i ngih tötlöök ṙôngö tarik, vē mihiṙeūtkôre nö lā-alkūö Chu? Hang ṙô yip kūön Israĕl Chin nö hiṙeūtkôre, nö lā-alkūö Chu.

MANEUTNYI 24:16

Ngaich ngam lanöökö ngam Mā Tēv nö i kui ngam rôngö Sināi, tafūöl sumkam angū-ö nö kahultö kui e: ngaich im sinātö sakāmö Anga-aṅ nö havëken Môsös nö löknyö ellōn ök taṙul.

MANEUTNYI 24:10

Ngaich chā-a nö meuk ngam Tēv Israĕl; ngaich el katòh röön Ò ök tösā safir ihong tö sumītiyö, tösā ngam tökô-en halīöngö tö sanehngöre.

LA-EN LĒVĪ 9:6

Ngaich ngö ṙô ang Môsös, Angū-ö ön ngih hachöngten ngam Mā Tēv nö la-en yīö: ngaich meūkö min tö yīö ngam kanôlò ngam Mā Tēv.

MANEUTNYI 16:12

Hang sinṙöösö ṙô yip kūön Israĕl chin: vë-ekūö cha, ngö ṙô, Kāḵ alaha yin min tö harap, tö peuheū inrē öi tööḵngen min tö rôtī; ngaich akahalōn yī-ö min tö Chu öich Mā Tēv, Tēv yīö.

MANEUTNYI 16:8

Ngaich ngö ṙô Môsös, Ngaich ön min nö ngatī, ip hē ngam Mā Tēv min nö kētö kāḵ yīö tö alaha, tö harap, ngaich peuheū rôtī nö pōyen; pò ngam Mā Tēv nö hang sinṙöösö ṙô yīö öi lā-alkūö Ò siṙös ṙôre: asuh ai āyö? Öt linā-alkūö ai nup sinṙöösö ṙô yiö, tön linā-alkūö ngam Mā Tēv.

KINṘEŪKÖ 17:5

Ngaich min, öp katöllö Chu min tarik, môlnyi chūök ṙòng tinkung ò min: ngaich Chū-ö min vīten yip kūön Israĕl nö ṙāngöre nö uyëḵ, tö nup uyëkö cha nö lā-al kūö meh.