MANEUTNYI 16:4 - TÖHET LĪPÖRE (Re-edited) Bible (BSI)

⁴ Ngaich ngö ṙô ngam Mā Tēv tö Môsös, Yĕh meuk, löktö el halīöngö tī Chin min hōngtö nyā-aṅkūö yīö; ngaich min më tarik nö hamūl nyā-aṅkūö i töhĕng sakāmö nö kaheuk sakāmö, hòṅ Chu Öich kalaha cha, yē cha min nö lök im Chöngö Chu, hēk yĕn rö-ö.

MANEUTNYI 16:4 Referans Kwoze

1 KÒRIN 10:3

Ngaich ṙòkhöre inrē nö nyā nuk aṅ i töhet nya-aṅkūö; ṙòkhöre nö òk aṅ i töhet òk:

Salmai 105:40

Havë-a cha-a, ngaich kētö nuk kūil Anga-aṅ: hatööḵngen cha inrē tö nya-aṅkūö aṅ el halīöngö.

I. CHÖNGÖ 8:2

Köpölōn yī-ö inrē tö nup talöökö nup talöökö tī ngam Mā Tēv nö hachō-o yīö el tönyalnyi i në töfën anāi samyeūheu, pò ò nö hòṅ miṙēngen yīö, nö kalaha yīö, pòn hòṅ akahalōn, tö ellōn yīö, yē yīö hō haköp në chöngö ò hēk yēi rö-ö.

MANEUTNYI 15:25

Ngaich vë-ekūö ngam Mā Tēv angā-aṅ; ngaich ngam MāTēv nö hameuktö ök chōn nö in ò, hĕng māṅ, ngaich kavalten ò angā-aṅ nö el nuk mak, vīngöre ngaich nuk mak nö kuchik: in e angā-aṅ ngaich nö vītö Chöngö nö in cha inchöngten inrē, in e inrē angā-aṅ nö kalaha cha.

NAHIMIĀ 9:15

Kētö nyā-aṅkūö cha më-eṅ ṙā-ang el halīöngö pò cha nö kapahare kēnyö mak cha inrē ṙā-ang ip ihong pò cha nö haṙehe nômö, ngaich tölṙô cha më-eṅ inrē nö kiröönngöre nö kē ap panam öp kahëtö meh in cha öm chūökuṙô kilēḵngôre.

I. CHÖNGÖ 8:16

Öp maha-aṅlen meh el tönyalnyi tö manna, ök töt mikahkūö yik muvöhngö yīö,; pòn hòṅ miṙēngen meh anga-aṅ hòṅ kalaha meh inrē, nö mikahten meh ip lā-unôich:

T. MËTIV 6:11

Kētö nup tö-örheūheu nya-aṅkūö ih, tötaheui.

INCHŌḴ-OṘÔ 30:8

Marôvat tī ṙūöngö minyôiny-aṅ tö minyôiny inrē; uh chin rēhĕn kētu yanāchö un rēhĕn kanôlò; ha-aṅlen chu tö nyā-aṅkūö öp töng kanô-òngkūö chu,

NAHIMIĀ 11:23

Pòn chöngö ök umuh aṅ ik rācha i inlahen cha, lēnngö nyā-aṅkūö inrē yik tumkökṙôre, sā ṙôken i töhĕng sakāmö.

YÔSUĀ 24:15

Yē e pöri nö töchōich nö in yīö ngam linökö la-en ngam Mā Tēv, töngamuh yih yĕh atöllö öp lahök la-en yīö: yĕn nup tēv nup lahök la-en yik muvöhngö yīö misī lāmuh tö ngam Tahël, hēk yĕn nup tēv aṅ Amôr, yip tö iyöngö panam tö yīö; chū-ö pöri tö yip aṅ patī chu inrē, lök la-en ngam Mā Tēv in īhö min.

T. LŪKÖS 11:3

Kē-ĕti tö taheui, nup tö örheūheu nya-aṅkūö ih.

MANEUTNYI 16:15

Ngaich hē yik kūön Isarĕl nö meūkö e, ngö ṙô cha-a tö höö, Asuh önguh? Pò cha nö öt akahakūö tö e. Ngaich Môsös nö ngö ṙô tö cha, Rôtī an kahëtö ngam Mā Tēv nö nyā-aṅkūö yīö.

Salmai 78:23

Höng sön Anga-aṅ nö tölṙô minë taṙul latulöng: ngaich löpnyö kūö inkūp ngam halīöngö.

NAHIMIĀ 9:20

Kētö ngam katalöök Fanöinylöre më-eṅ nö mahaköpten cha, ane inrē öt haköptīre më-eṅ tö nuk manna nö ṙā-ang elvāng cha, kētö mak cha më-eṅ inrē pò cha nö haṙehe nômö.