MANEUTNYI 16:3 - TÖHET LĪPÖRE (Re-edited) Bible (BSI)

³ Ngö ṙô yik kūön Israĕl tö cha, Ĕhten in öre kapahtö tī ngam Mā Tēv ip panam Aikup, isaha ih ūichhakṙen i nup tanīönyö tö aṅtö alaha, isaha ih tööḵngen nyā rôtī; pò nā ngaich kēnyen ih löö el ngih tönyaṅlnyi, vē tömaṙôngö nö kumpahaivah tö neūköre.

MANEUTNYI 16:3 Referans Kwoze

MANEUTNYI 17:3

Ngaich yik tarik nö umuh nö yal tö mak; ngaich siṙös ṙôre yik tarik nö lā-alkūö Môsös, nö ngö ṙô, Kūöyòh öm kēnyen ih ṙā-ang Aikup, öm kumpaha ih tö vē kūön ih tö në nuā ih inrē öm aṅtī tö yanālö?

INRĀMÖRE 4:9

Ṙāmölōn yip pôḵ sanët nö mötlö tö yip pôḵ kinpahare, yip tölëvngö chök tökūö törö-ö ṙòng aṅ ngam kahôyö.

I. CHÖNGÖ 28:67

Ngö ṙô min më-eṅ tö peuheū, Sòk ön öre ngih nö harap yē lōn ngam Tēv! Ngaich harap ngö ṙô min më-eṅ, Sòk ön öre ngih nö peuheū yē lōn ngam Tēv! Kūö öp pinhë-eṅkūö ngam ellōn meh öp pinhë-eṅkūö meh min, kūö öp mineūkö tö minë mat meh inrē töp maheuṅk meh min.

YERIMIĀ 2:6

Hö-ö cha-a nö ngö ṙô Isuh ap Mā Tēv öp kamënyen ih ṙā-ang panam Aikup, öp mahachō-o ih el inchōn tönyalnyi, ip panam tönyalnyi kuyāyö tö-anūlu inrē ip panam tönyô tökufëi sinngūlö inrē, ip panam töhĕng tak lamök i chūök törö-ö tarik nö iyöng?

KINṘEŪKÖ 14:2

Ngaich ṙòkhöre yik kūön Israĕl nö hiṙeūtkôre nö lā-alkūö Môsös lā-alkūö Āròn inrē; ṙòkhöre ṙô yik tarik nö ngöṙô tö cha i lōn ngam Tēv öre misī öi kapah ip panam Aikup! hēk i lōn ngam Tēv öre misī öi kapah el inchōnngö!

1 KÒRIN 4:8

Ngaich yin tööḵlö, ngaich yin kôlò, ngaich yin hayöng öt īnu tö ih: hôṅ, hōten yīö chin hayöng, hòṅ ih īhö inrē hol yīö hayöng.

YÔSUĀ 7:7

Ngaich ngö ṙô Yôsuā, Aōla Ō Mā Tēv, kūöyòh ömeh havāngngö vē tarik nö i Yôtön, öm kēten hī eltī yip aṅ Amôr, öm hōten ih hatngö? Röh öi öre sòk höng kô-ònglōn iyöng lamuh tö Yôtön!

2 KÒRIN 11:1

Hōḵ yin yēḵ ṙap ngih tö rahëichyen kumlō-ov chu: ṙāpö e öi in chu.

INLAHEN 26:29

Ngaich ngö ṙô ang Pôl, Rö-ö man höng me-eṅ, rahūtten chu i kūö ngam Tēv, tön ṙòkhöre inrē vē hamang ṙô chu töngamuh, yĕn rahëchyen, yĕn pōyen nup ṙô, öi sā chu, uh pöri nyëkö.

NGAM LĪPÖRE YŌP 3:20

Suāp hanātö tökētu nö in ò, ngam më-el tökihngen, nômö inrē nö im töhaṙīvölōn,

NGAM LĪPÖRE YŌP 3:10

Pò e nö öt löpngökūö inkūp chūök kanūönö ök yöng chu, Öt rēhĕn nö hanyatngö kanihngen nö i mat chu.

NGAM LĪPÖRE YŌP 3:1

Unôichrit e ang Yōp nö vā-anykūö re nö rūtngövah ök sakāmö hē kinyôḵnyö ò.

2 SAMUĔL 18:33

Haṙivlōn ngaich ök rācha, yòhlö ngaich nö el urôhò i kui ök inkūp ngaich peuiny: ngö ṙô anga-aṅ tö yanòhlö re, Ō kūön chu Apsalem, kūön chu, kūön chu Apsalem! Lōn ngam Tēv an öre tö chu kapah tö pòkūö meh Ō Apsalem, kūön chu, kūön chu!

I. CHÖNGÖ 8:3

Miṙēngen yīö ngaich anga-aṅ, ngaich hökngen yīö kapahare, ha-aṅlen yīö ngaich tömanna, öp öt mikahkūö yīö, öt rēhĕn nö mikahkūö yik muvöhngö yīö; pòn hòṅ mikahtölōn yīö anga-aṅ tö tarik nö öt höng kūö ròti nö aṅ, tön kūö nup lamöknyö elvāng ngam Mā Tēv ön ngòh tarik nö aṅ.

KINṘEŪKÖ 16:41

Im huṙöich pöri yik ṙôngö kūön Israĕl nö ṙòkhöre nö uyëken Môsös Āròn inrē, nö ngö ṙô, Fëli yik tarik ngam Mā Tēv tö nā.

KINṘEŪKÖ 16:13

Tökūöṅnen öng nö in meh öm kēnyen ih ṙā-ang ip panam töhëmö aṅkūö tö aṅteh hönī inrē, öm kumpaha ih el tönyaṅlnyi, ngaich hòṅ vī-ilre më-eṅ mākūö ih?

KINṘEŪKÖ 11:15

Ngaich yē meh ngati tī tö chu, vë-ekūö Meh chin, kumpaha chu hĕngröt tī, yē chu inṙētu i kūö Meh; ane inrē uich höktu mat meuk öt kanôlòre.

MANEUTNYI 5:21

Ngaich ngöṙô chā-a tö cha, Ngëich tökui nā an ngam Mā Tēv kahòkken nā inrē; pò nā vītö ngam kumchikṙen ih, nö kumnyah nö elmat Fërō, elmat yip tarik ò inrē, an kētö eltī cha tö sanët nö fëlngen ih.

MANEUTNYI 2:23

Ngaich ngö inlahen irô-òten nuk töṙōl sumkam, kapah ngaich ök rācha aṅ Aikup; ngaich yik kūön Israĕl nö halöinyöre tökūö ök inkövöre, ngaich peuiny chā-a, ngaich ök ṙô cha nö söllö nö im Tēv.

KINṘEŪKÖ 14:3

Angū-ö önguh lökten ngam Mā Tēv nö kēten hī i ngih panam, öi pôḵ sanët? Pôḵ fanël yin min vē pīhö hī tö vē kun kūön hī inrē; röh öi öre ĕhten havan i Aikup?

Salmai 78:19

Hòṅ, chökhuṙô cha-a tö ngam Tēv; ngö ṙô cha-a: kô-òren Ang ngam Tēv nö halēn mīs nö el inchōnngö?

Salmai 78:25

Ṙòkhöre kūö tarik ngaich nö nyā rutri aṅ im tö mihôiṅ: söömtö kā cha Anga-aṅ nö tööḵngen.

YERIMIĀ 42:14

öi ngö ṙô, Hö-ö hòṅ chuh ip panam Aikup in, i chūök ih min öt meuk kinyūngö, hēk öt hang ṙô römpĕt hēk öt kapahare tö nya-aṅkūö, umuh,

YERIMIĀ 44:17

La-evṙen pöri min tö nup chūökṙô ih kilēḵngôre, föng tötahūsa i kūö ngam ranī ngam halīöngö ṙösnyö fanòh alaha ò inrē, sā ih ngaich īhö ṙung tö yik yöng ih, rācha ih, kūön rācha ih inrē, i nup elpanam Yūtā el kanröönö Yērusalem inrē; pò ih hē e pōyen nyā-aṅkūö, kôlò inrē, öt meuk tötlöök inrē.

MANEUTNYI 14:11

Ngö ṙô chā-a tö Môsös, Kūö tö rö-ö anūlö hòng i Aikup, öm kēngen ih kapah el tönyaṅlnyi? Kūöyòh öm ngati tī tö ih, öm kēnyen ih ṙā-ang Aikup?

KINṘEŪKÖ 11:20

Hĕng chumngëṅtöhöre pöri, hanöngsaha e nö talīnköny nö elmeh yīö, hanöngsaha yīö tôkökūö tö e: pò yīö sōḵ-o ngam Mā Tēv, ngam mi in yīö, ngaich peuiny i kūö ò, öi ngö ṙô, Kūöyòh öi kunyī-inyre ṙā-ang Aikup?

KINṘEŪKÖ 21:5

Lā-alkūö ngam Tēv ngaich yik tarik, lā-alkūö Môsös inrē nö ngö ṙô, Kūöyòh öi kēnyen ih ṙā-ang Aikup öi kapah el ngih tönyaṅlnyi? Tön rö-ö yih nö nyā-aṅvkūövö nö umuh, öt māku inrē nö umuh: ngaich īhö inrē sa-òkkūö tö ngih töt kôlò nyā-aṅkūö.

Salmai 107:5

Aheuk, haṙëhenômö inrē: öt kalē-ĕ ellōn cha-a nö inrē.