MANEUTNYI 16:2 - TÖHET LĪPÖRE (Re-edited) Bible (BSI)

² Ngaich ṙòkhöre yik ṙôngö kūön Israĕl nö siṙös ṙôre nö lā-alkūö Môsös, lā-alkūö Āròn inrē nö el tönyaṅlnyi:

MANEUTNYI 16:2 Referans Kwoze

1 KÒRIN 10:10

Uh yin rēhĕn milöh minuhre, sā yik rīkre tö cha; ngaich halëli tö ngam mahalëlhanga.

MANEUTNYI 15:24

Ngaich yik tarik nö ngö ṙô nö siṙös ṙôre nö lā-alkūö Môsös, Suh òk öi vö min?

Salmai 106:25

Uyëḵa pöri nö el nuk inrūkui re: ngaich öt hang ṙô ngam Mā Tēv.

Salmai 106:7

Hö-ö yik muvhöngö ih nö akaha elmat tö nuk pingangkūö tī Meh i Aikup: rö-ö yik nö köpölōn tö ṙôken nuk miṙēlōn Meh; minôṙô pöri nö im mai, ngam mai Ētöm.

Salmai 106:13

I lööṙen cha-a nö vaichngö tö nuk la-en Ò: öt höktöre cha-a tö inlēnö re tö Ò.

MANEUTNYI 14:11

Ngö ṙô chā-a tö Môsös, Kūö tö rö-ö anūlö hòng i Aikup, öm kēngen ih kapah el tönyaṅlnyi? Kūöyòh öm ngati tī tö ih, öm kēnyen ih ṙā-ang Aikup?

Ranehlö 19:4

Urēhĕkūö cha pöri nö ṙōlngöre, yik tarik aṅ Sôtöm, nö havīlö ngam patī, tö-ayal tököiny inrē, ṙôkhöre yik tarik aṅ tökeuheūttöre lā-a;

MANEUTNYI 5:21

Ngaich ngöṙô chā-a tö cha, Ngëich tökui nā an ngam Mā Tēv kahòkken nā inrē; pò nā vītö ngam kumchikṙen ih, nö kumnyah nö elmat Fërō, elmat yip tarik ò inrē, an kētö eltī cha tö sanët nö fëlngen ih.

MANEUTNYI 17:3

Ngaich yik tarik nö umuh nö yal tö mak; ngaich siṙös ṙôre yik tarik nö lā-alkūö Môsös, nö ngö ṙô, Kūöyòh öm kēnyen ih ṙā-ang Aikup, öm kumpaha ih tö vē kūön ih tö në nuā ih inrē öm aṅtī tö yanālö?

KINṘEŪKÖ 14:22

Kūö yip tarik pöri nö ṙòkhöre yip töngaich nö meuk kanôlò Chu, nuk aṅ in chu inrē minkahngö, nuk tī Chu i Aikup el inchōn inrē, söntenre pöri nö kalāha Chu söm heuh nö ngaich, öt hang ṙô Chu inrē;