MANEUTNYI 16:12 - TÖHET LĪPÖRE (Re-edited) Bible (BSI)

¹² Hang sinṙöösö ṙô yip kūön Israĕl chin: vë-ekūö cha, ngö ṙô, Kāḵ alaha yin min tö harap, tö peuheū inrē öi tööḵngen min tö rôtī; ngaich akahalōn yī-ö min tö Chu öich Mā Tēv, Tēv yīö.

MANEUTNYI 16:12 Referans Kwoze

YŌ-ĔL 3:17

Hòṅ yīö min akahalōn tö chu öich chū-ö Mā Tēv öich Tēv yīö, mī-iyöng Sīyôn öp töhet rôngö chu: ngaich min Yērusalem nö töhet, öt hēk min yip aṅ tahëng nö lökngö in e.

ISIKĪ-ĔL 39:22

Akahalōn an min ngam patī Israel tö chu öich Mā Tēv cha, löktökūö ip sakāmö angū-ö nö iṙūhen.

MANEUTNYI 6:7

Kē-ĕ yīö Chin min öi tarik Chu, ngaich Chū-ö min öich Tēv yīö: ngaich akahakūö min yī-ö tö Chu Öich Yāvē, Öich Tēv yīö kamënyen yīö ṙā-ang elkatòh lumngan tī yip aṅ Aikup.

SAKARIĀ 13:9

Ngaich chū-ö min kētö ngam linūöi mi-ëlö nö löknyö kūö tameūyö, ngaich halöök tit u min sā inlöök tit rupīö, ngaich kalahten u min inrē nö sā kinlahten humlum: ngaich cha-a min nö havëkö minënyö chu, ngaich hang ṙô cha chū-ö min: Ngö ṙô chin min, tarik chu yin; ngaich ngö ṙô min cha-a, Tēv chu An ngam Mā Tēv.

ISIKĪ-ĔL 34:30

Ngaich cha-a min nö akahalōn tö chu öich Mā Tēv,Tēv cha, öich in cha, tö cha inrē, ngam patī Israel, nö tarik chu, ṙô ngam Mā Tēv.

YERIMIĀ 31:24

Holre min tö Yūtā tö nup elpanam e inrē nö iyöng nö mūl,tö yip tameūch, tö yip mahavöt nö holtö nup sīṅp re inrē.

MANEUTNYI 7:17

Ngö ṙô an ngam Mā Tēv, Ihih man min akahalōn tö Chu öich Chū-ö Mā Tēv: yĕh meuk, fohkö ngam mak chin min tö ngòh tinkung, ngòh eltī chu ngaich min ngam mak el ngam tahël nö vīngöre min nö mahām.

MANEUTNYI 4:5

Hòṅ cha nö ṙātö ellōnre tö ngam Mā Tēv, ngam Tēv yik yöng cha, Tēv Aprahām, Tēv Isāk, Tēv Yāköp inrē, nö meūkö tö meh.

MANEUTNYI 12:6

Hangöhngen ò më-eṅ hanöng saha öp finënsīön sakāmö ngam chingëṅt angā-aṅ: ngaich ṙòkhöre nö mūl yip ṙôngö Israĕl min nö ṙatnyö likeun ò tö harap.

MANEUTNYI 16:11

Ngaich vë-ekūö Môsös ngam Mā Tēv, ngö ṙô,

LA-EN LĒVĪ 11:44

Tön Chū-ö chin Mā Tēv, Tēv meh: ahetlöre yin lökten, hòṅ yīö töhet; tön töhet Chin Chū-ö: ui rēhĕn hamumngöre öi yô-òv lökten i töreūla nup mahalöinyköre nö el tumlat.

KINṘEŪKÖ 14:27

Irô-òtö manööyö Öich min i ngih tötlöök ṙôngö tarik, vē mihiṙeūtkôre nö lā-alkūö Chu? Hang ṙô yip kūön Israĕl Chin nö hiṙeūtkôre, nö lā-alkūö Chu.

1 RĀCHA 20:28

Yihtöre ngaich ök tarik ngam Tēv nö haröhtöre ngaich vë-ekūö ök rācha aṅ Israĕl, nö ngö ṙô, Ngö ṙô An ngam Mā Tēv, Kūö yip Sīriā nö ngö ṙô, tēv yip aṅ kui rung an ngam Mā Tēv, hö-ö pöri anga-aṅ nö tēv aṅ el achāṙö; lökten chin min kēten vē tömaṙôngö nö eltī meh nö ṙòkhöre, hòṅ yīö min akahalōn tö chu, öich chū-ö Mā Tēv.

Salmai 105:40

Havë-a cha-a, ngaich kētö nuk kūil Anga-aṅ: hatööḵngen cha inrē tö nya-aṅkūö aṅ el halīöngö.

KINṘEŪKÖ 11:4

Ngaich yik tömaṙôngö tarik nö yikngö nuk tökuchik nyā-aṅkūö: ngaich yik kūön Israĕl inrē nö peuiny nö hēk, nö ngö ṙô, Achīö ap min kamëtö kāḵ hī tö alaha.

ISIKĪ-ĔL 35:13

Ngaich me-eṅ hapōilöre lā-al chu aṅtī tö ngam elvāng meh, ṙūölöṙôre inrē lā-al chu; Hāngö e chin.