MANEUTNYI 16:10 - TÖHET LĪPÖRE (Re-edited) Bible (BSI)

¹⁰ Ngaich ngö inlaha angū-ö, hē Āròn nö vë-ekūö yik ṙôngö, nö hōten cha nö kū-ö tö ök tönyaṅlnyi mat nö ngëicha, ngaich ngëicha, meūkö ngaich ök minā-aṅ ngam Mā Tēv nö el taṙul.

MANEUTNYI 16:10 Referans Kwoze

MANEUTNYI 16:7

Ip peuheū möl yī-ö min meuk minā-aṅ ngam Mā Tēv; pò Ò nö hang ṙô yīö siṙös ṙôre lā-alkūö ngam Mā Tēv: asuh ai āyö, töp lökten yīö siṙös ṙôre lā-alkūö ai?

KINṘEŪKÖ 16:42

Ngaich hē yik ṙôngö tarik nö hamūlöre nö la-alkūö Môsös Āròn inrē, ngaich hatīönkö ök rūkui manūlö cha-a: ngaich meuk ök taṙul nö hanyattö kui e, ngaich ngam kanôlò ngam Mā Tēv nö meūkö.

KINṘEŪKÖ 16:19

Ngaich Kōrah inrē nö hamūl yip ṙôngö tarik nö ṙòkhöre nö lā-al cha ik inkūp rūkui manūlö: ngaich meūkö ök kanôlö ngam Mā Tēv tö yik ṙôngö tarik nö ṙòkhöre.

LA-EN LĒVĪ 9:6

Ngaich ngö ṙô ang Môsös, Angū-ö ön ngih hachöngten ngam Mā Tēv nö la-en yīö: ngaich meūkö min tö yīö ngam kanôlò ngam Mā Tēv.

T. MËTIV 17:5

Ṙònghöichṙô Anga-aṅ, ngaich kahultukui cha-a tök töyang taṙul; ngaich ngö ök ṙô, lamöktö el ök taṙul, Hanāngenlōn Chu Ön ngòh; nö Kūön Chu; in Ò Chin ṙāmölōn takô. Hang ṙô Ò yin.

KINṘEŪKÖ 14:10

Ngaich pöri nö ṙòkhöre yik ṙôngö yik tarik nö hōḵten cha nö kulëhe tö ihong, ngaich meūkö ök kanôlò ngam Mā Tēv tö yik kūön Israĕl nö ṙòkhöre nö el ök rūkui manūlö:

MANEUTNYI 16:11

Ngaich vë-ekūö Môsös ngam Mā Tēv, ngö ṙô,

MANEUTNYI 24:16

Ngaich ngam lanöökö ngam Mā Tēv nö i kui ngam rôngö Sināi, tafūöl sumkam angū-ö nö kahultö kui e: ngaich im sinātö sakāmö Anga-aṅ nö havëken Môsös nö löknyö ellōn ök taṙul.

LA-EN LĒVĪ 9:23

Ngaich kuhēthötre ang Môsös, Āròn inrē nö el ök rūkui manūlö, ngaich kunyī-inyre, ngaich hakôlò yik tarik: ngaich ngam kanôlò ngam Mā Tēv nö meūkö tö yik tarik nö ṙòkhöre.