MANEUTNYI 15:8 - TÖHET LĪPÖRE (Re-edited) Bible (BSI)

⁸ Kūö ngam kuföt elmeh Meh minë mai nö mūlngö, söklöre minë tötöh nö chiphaka sā töfônghaka, kënngöre minë mai nö ellōn ngam mai.

MANEUTNYI 15:8 Referans Kwoze

NGAM LĪPÖRE YŌP 4:9

Kūö unhômö ngam Tēv cha-a nö öt kôlò, I linkuknyö tanānyö Ò chā-a nö keuheūtngöre.

Salmai 78:13

Harēvngö ngam mai Anga-aṅ, ngaich hōten cha nö lök in e: vī ngam mai inrē Anga-aṅ nö fônghaka nö söktöheich.

2 TÖSALÒNIKĒ 2:8

Ngaich möl nö hameuktu min ngam töt īnu tö chöngö, ngam tö fëli min tö ngam Mā Yēsū, nö aṅtī tö ngam unhômö elvāngre, ngaich lökten i inmeuktö ngam yanīhih Ò, nö harööḵngen ò min;

HAPAKŪK 3:10

Meūkö meh minë rôngö, ngaich pa-ekūö; lökngö muh nup chanôchö el mai: ṙô-òvö ngaich ngam tö-aṙū, hachônglö këlre inrē nö lātulöng.

Isayā 11:4

Holtö lanöökö pöri min ang-aṅ nö akah fālen yāich, ṙōngö tī inrē anga-aṅ nö vëkö töyāichö ellōn ing panam: chökṙen ngih panam min anga-aṅ nö aṅtī tö öp tinkung elvāng ò, fëlngö tötlöök inrē nö aṅtī tö unhômö nup minuh ò.

2 SAMUĔL 22:16

Meūkö ngaich minë hôi mai, lungāṅ töhëich ngaich rööntö machööḵlö ngam panam, i vinëköre tö ngam Mā Tēv, i lanöpnyökūö ngam umhômö ò minë el meh ò

Isayā 37:7

Yĕh meuk, kēhöt ma-alaha chin min in ò, ngaich anga-aṅ min nö katūöya elnang nö hang, ngaich havantöre min nö i panam re; ngaich chū-ö min inrē vīten ò nö fukngö tökūö fël nö i panam re.

MANEUTNYI 14:29

Ngaich pöri yik kūön Israĕl nö lök el tanyô nö ellōn ngam mai; ngaich ngam mai nö rananglö cha, lā hāmö cha, lā tavē inrē.

YÔSUĀ 3:13

Ngaich angū-ö min, hē nup elröön yip kūönṙô yip kameun ngam kasòng ngam Mā Tēv, ngam Mā taṙòkhöre panam, nö röönhak nö el ngam mak Yôtön, röki min ngaich ngam mak Yôtön ngam töhëmti nö löktö lātulöng; fônghak min angū-ö nö söktöheichṙen.

Salmai 33:7

Hamūlngö minë mak ngam mai anga-aṅ nö holre nö hēngömūlö: ṙātö ngam tö-aṙū anga-aṅ nö patī chūök inlinhangen.

HAPAKŪK 3:15

Röön ël ngam mai me-eṅ öm holtö nup kōra e, ngam tökālēḵ tö-ëlu mai.

YÔSUĀ 3:16

Sökngöre ngam mak ngam töhëmti nö ṙā-ang latulöng, ngaich söktöhëich nö fônghaka, marôvat, i Ātöm, ök elpanam hol Sarētan: ngaich rökngöre nö keuheūtngöre öp töhëmti nö kū-ö tö el ap mai Arapā, ap Sāi Mai: ngaich yik tarik nö havāngngöre nö i Yerikō.