MANEUTNYI 15:7 - TÖHET LĪPÖRE (Re-edited) Bible (BSI)

⁷ Ane inrē i ṙôkö lanöökö Meh Öm kuringngen cha yip chamôhòlre nö lā-al Meh: kēnyö ngam lanīnöre Më-eṅ, ngaich ṙāpngö chā-a sā kaṙālö afō.

MANEUTNYI 15:7 Referans Kwoze

Isayā 5:24

Lökten sā ngam litāk tameūyö nö ṙāpngö kūö tö kaṙālö afō, sā tönyô kiyôp inrē nö tahömköti nö el tö hūkūö tameūyö, ngatī min öp ṙĕh cha nö sā tö chahū-uyö, öp sēt cha min inrē nö sā pintūilö pitung nö lātulöng: pò cha nö sō-o ngam chöngö ngam Mā Tēv yip tömarôngö, ha-āichngen ṙô ngam Töhĕng Töhet i Israĕl inrē.

MALAKI 4:1

Yĕh meuk, tö ngam sakāmö nö yih, hūkūö an sā hanūkūö tökiröng tameūyö; ngaich ṙòkhöre yip mahakeūlenre, ṙòkhöre inrē töla-evṙen tö tötlöök, min nö sā kaṙālö afō: ngaich ngam sakāmö ngam yamih min nö föngngen cha, ṙô ngam Mā Tēv yip tömaṙôngö, ngaich öt ṙahātu angū-ö min nö in cha öt rēhĕn ṙĕh öt rēhĕn pak.

Isayā 47:14

Yĕh meuk, höng sā kaṙālö afō yip; ṙāpngö yip min tökūö tameūyö; hö-ö yip min nö ṙānyöre nö ṙā-ang i kumlēḵ kūö ngam tameūyö: hö-ö ap min nö ta-ök tameūyö nö meūi cha, öt rēhĕn nö tameūyö chūök hī kô ūichhakaṙen.

Isayā 37:29

Kūö ngam tanānyö meh tö chu, ngam kanësen meh inrē nö yih nö elnang chu, lökten chin kavòkhötkūö ngam inkāl elvāng inrē nö i minuh meh, ngaich chū-ö min havöökūö meh ip talöökö löktö meh sin öm yih.

Isayā 5:16

Hapōilöng pöri ngam Mā Tēv yip tömaṙôngö nö im inkah fālen, ngam Tēv inrē ngam Tönghĕng nö Töhet nö ahetlöngö im lanöökö.

Salmai 148:13

Hökngen cha nö Ha-öiny ngam mine-eny ngam Mā Tēv; tön höng hĕng an ngam mine-eny Ò nö hapōīlöng: lātulöng ap minā-aṅ Ò töng panam, halīöngö inrē.

Salmai 83:13

Ō Tēv chu, vīten cha nö sā pitung röön lamfeui kuföt: sā nup kaṙālö afō nö i kūö kūföt.

I. CHÖNGÖ 33:26

Öt hĕng tösāta nö im Tēv, Ō Yësurun, Mī-i uk ngam halīöngö öm hamòlṙen, ip minā-aṅre öm el minë taṙul.

INLAHEN 9:4

Fukngö anga-aṅ ngaich nö el tumlat; ngaich hang ök ṙô anga-aṅ, tö ngö ṙô tö ò, Sôl, Sôl! Kūöyòh öm öthakôlò chu?

T. MËTIV 3:12

Eltī Ò ap haneui; ngaich Anga-aṅ min nö ahetlö el ap chūök sāiny. Ngaich hamūl nup sāiny nö el chūökre; föngngö nup uk nëlö pöri min Anga-aṅ, nö i kūö töt nyangngö tameūiyö.”

SAKARIĀ 14:8

Ngaich ngö inlahen angū-ö min ip sakāmö angū-ö tö nup tö-aṅ min mak nö meutnyi ṙā-ang Yērusalem: ròngti tö u tö kū-ötö el öp mai lā chūhöt, ròngti inrē tö u tö kū-ötö ël öp mai lā sūng: hē sikehngö sūng inrē min angū-ö.

SAKARIĀ 14:3

Ngaich ngam Mā Tēv min nö kiröönngöre,nö kiyung nö lāḵlö yip pumnāmö tarik, nö sā re anga-aṅ nö kiyung hē el sakāmö kinyūngö.

SAKARIĀ 2:8

Tön ngö ṙô An ngam Mā Tēv yip tömaṙôngö: Unôichrit ngam kanôlò anga-aṅ nö tīngen chu in yip pumnāmö tarik yip kamil inlānen meh: pò ò ngam lamūölken meh nö lūölngöre tī tö ngam tö-isoh elmat ò.

MAIKA 4:11

Maṙôngö yip töngamuh pumnāmö tarik hamūlöre nö lā-al meh, yip tö ngö ṙô, Hökngen ò nö hachōichiyö, hökngen në mat hī inrē nö meuk nup lōn hī öi i kui Sīyôn.

YERIMIĀ 10:6

Ō Mā Tēv, öt hĕng tak tösā meh: kiröng man me-eṅ, kiröng ngam minë-eny meh inrē nö im minhôiṅyö.

Isayā 37:38

Ngaich ngö inlahen angū-ö hē ò nö salām nö el pati Nisròk ök tēv ò, ngaich Atrammelek Sarēsĕr inrē tö yik kūön ò kikōnyö nö fëlngen ò nö aṅtī tö fël: meutngö cha-a ngaich nö ip panam Araret. Hayöng ngaich nö ṙënngen ò ang Ēsarhatön ök kikōnyö kūön ò.

Isayā 37:36

Kiröönngöre ngaich ök ma-ahanga ngam Mā Tēv, ngaich ik elyöngö yik aṅ Asīriā nö fëlngö yik tö taneui köiny hēngòng hëvhöre anāi: ngaich hē yik tarik nö ka-euilökūö nö chōholre tö peuheū, yĕh meuk ṙòkhöre cha-a nöng alaha kupah.

Isayā 37:23

Achiāp miṙēngö meh öt lahēkö el nang meh inrē, lā-al chīö öm inrē öm hapōilö ṙô re môklökūöre inrē öm lātulöng? Öm höng lāklö ngam Töhĕng Töhet in Israel.

Isayā 37:17

Ō Mā Tēv asītö elnang re man, öm hang; Ō Mā Tēv, milaklö mat re, öm ngëicha: hang në ṙô Senakerip në tö söömtu nö minṙēngö ngam tö-aṅ Tēv.

Salmai 68:33

In Ò ngam mi-i uk minë halīöngö, ha-eh misī: yĕh meuk, ṙô-òv an, tö ngam tökalēḵ ṙô.

Salmai 59:13

Keuheūtngen cha im lanīnö meh, keuheūtngen cha nö öt ōtren: mikahtölōn cha tö ngam Tēv nö hayöng nö in Yāköp, söl i manāngen ngih panam.

MANEUTNYI 9:16

Kô-en an ri nö angū-ö lökten Chu hòṅ hameukhö mat meh tö minhôiṅyöre, hòṅ ngam Minë-eny Chu inrē nö keuheūtngöre chūök nö vënyu nö ing panam.

HEPRĀI 12:29

Tön tameūyö an ngam Tēv nö töṙāpngökūö.

MANEUTNYI 14:27

Hateutnyö këlre ngaich Môsös nö i kui ngam mai, havantöre ngaich ngam mai im peuheū nö holtö kumlēḵre; falngöre ngaich yik aṅ Aikup tö e; ngaich ngam Mā Tēv nö fuk ellōn ngam mai tī tö yik aṅ Aikup.

I. CHÖNGÖ 4:24

Pò ngam Mā Tēv ngam Tēv yīö nö tameūiyö töṙāpngökūö, Tēv tökalē-ĕlōn.

MANEUTNYI 5:12

Lökten yik tarik nö kö parātṙen, keuheūt chūökre nö im panam Aikup nö hamūl kaṙālö afō.

NGAM LĪPÖRE YŌP 9:4

Ellōn ò öp mikah ò, tökalēḵ inrē nö i kumlēḵ Chiāpa mahangëköre nö lā-al ò, ngaich kô?