MANEUTNYI 15:3 - TÖHET LĪPÖRE (Re-edited) Bible (BSI)

³ Kumyung An ngam Mā Tēv: Mā Tēv an ngam minë-eny Ò.

MANEUTNYI 15:3 Referans Kwoze

Salmai 24:8

Achīö ang ngam Rācha kanô-lò? Ngam Mā Tēv tökalēḵ tömihôiṅ inrē, ngam Mā Tēv tömihôiṅ nö i kinyūngö!

MANEUTNYI 14:14

Ngam Mā Tēv an min kumyunglen yīö, uh yī-ö min ṙô-òvö inrē.

Isayā 42:8

Chū-ö chin Mā Tēv; angū-ö an minë-eny chu: hö-ö chin min kēngö ngam kanôlòre nö i tahëng, öt rēhĕn ngam nöinyö chu nö i töka-īpö insā tēv.

Salmai 83:18

Hòṅ cha nö akahalōn tö Meh höng Me-eṅ, Öm tö minënyu tö Yāvēh Lamātulöng tö në panam nö ṙòkhöre.

Salmai 45:3

Ō më-eṅ tökalēḵ, nyëktö ngam sanëtre man i takeunre: ngam ineū-euṅ meh, minā-aṅ meh inrē.

MANEUTNYI 3:15

Ngöṙô inrē ngam Tēv tö Môsös, Ngöṙô man tö yip Israĕl, Tīntu chin in yīö tö ngam Mā Tēv, Tēv yik yöng yīö, Tēv Aprahām, Tēv Isāk, Tēv Yāköp inrē: angū-ö an minë-eny chu nö örheūheu, angū-ö an inköpkölōn tö Chu i tumköl chap.

MANEUTNYI 3:13

Ngaich Môsös nö ngöṙô tö ngam Tēv, Yĕh meuk, yē chu min yih i yip kūön Israĕl, ngaich ngöṙô tö cha, Tīntu chin töp Tēv yik yöng yīö; ngaich ngöṙô min chā-a tö chu, Achīö ap minë-eny Ò? Sitih ṙô min chū-ö ngaich tö cha?

Isayā 42:13

Kiröönngöre an min ngam Mā Tēv sā tarik tökalēḵ; sā kumyung an min tarik nö haruhlö tanānyöre: hū-a an min, hôṅ, pōitô an min nö ayôṙa hameuk tö kumlēḵre an min nö in yip lā-alre.

YERIMIĀ 33:2

Ngö ṙô an ngam Mā Tēv ngam vamī tumlat, ngam Mā Tēv mahalēnngen e nö haköpngö e; Mā Tēv ap minë-eny ò:

MANEUTNYI 3:14

Ngaich ngöṙô ngam Tēv tö yip kūön Israĕl. Tīntu chin in yīö tö ‘Chū-ö Chin.’

MANEUTNYI 14:25

Tilaknyö nuk kalröön inröl cha angā-aṅ, pòn hōtu chā-a nö sīkö kinröönngö: lökten yik aṅ Aikup nö ngö ṙô, Tā-a töi falngöre ṙā-ang i kūö Israĕl; tön ngam Mā Tēv an kumyunglen cha nö lā-al aṅ Aikup.