MANEUTNYI 15:21 - TÖHET LĪPÖRE (Re-edited) Bible (BSI)

²¹ Sap ṙô cha ngaich Miriöm, Tikökṙôre yin im Mā Tēv, pòn ineū-euv Angā-aṅ im minhôiṅyöre; fuk el mai tī Angā-aṅ tök aṅ uk ò inrē.

MANEUTNYI 15:21 Referans Kwoze

MANEUTNYI 15:1

Tīkökṙôre ngaich Môsös tö yik kūön Israĕl inrē nö i ngam Mā Tēv, tö ngih tinkökö, ṙô-òv inrē nö ngö ṙô. Tikökṙôre chin i ngam Mā Tēv, pòn ineū-euṅv angā-aṅ i minhôiṅyöre: Fuk el mai tī Angā-aṅ tök kōra tök aṅ uk ò inrē.

INMEUKHÖMAT 15:3

Ngaich tikökṙôre cha-a tö tinkökö Môsös, ök tanölöṙô ngam Tēv, tinkökö ngam pököre inrē, nö ngö ṙô, Tökiröng, ane inrē pinngangkūö nun në vahīṙen Meh, Ō Mā Tēv, Tökeuheūttöre Chöngö; lanöökö, kanô-en inrē, minë talöökö meh, Me-eṅ Rācha vē pumnāmö tarik.

INMEUKHÖMAT 5:9

Ngaich tikökṙôre cha-a tö tufömngöre tinkökö nö ngö ṙô, Tökô Man Me-eṅ kamëḵ ngam līpöre, Öm ṙòngnyö minë inpanngö inrē: pò meh tö fëli, ngaich ṙāitī tö ök mahāmre Öm kö havahtö vē miyöngö, minathö ëlô, tarik, tömaṙôngö tarik inrē, nö im Tēv,

2 KINṘÖTNGÖ 5:13

Ngaich angū-ö nö la-en yip famöö römpĕt tumkökṙôre inrē nö hōtu nö hāngöṙô nö mūlöṙô nö ha-öiny ngam Mā Tēv), ngaich hē ngam tinkökö nö pōiti, nö holre tö römpĕt simpòl inrē tö nup tahëng ranöng, nö ha-öiny ngam Mā Tēv, Pò ò nö tölöök Pòn köp ngam hanāngen ò nö örheūheu. Tööḵlö ngaich ngam patī ngam Mā Tēv tö taṙul,

1 SAMUĔL 18:7

Sap ṙô höö yik kikānö nö tikökṙôre ik minyamre, nö ngö ṙô, Köṅnyu pô an Sôl, ngaich Tāvit nö söm köṅny pô.

KAMHÔKA 5:3

Hangihtöre, Ō yī-ö rācha; kētö elnang re Ō yī-ö kūön rācha; tikökṙô chin min im Mā Tēv; tinköknyö nöönyö ngam Mā Tēv chin min ngam Tēv Israĕl.

INMEUKHÖMAT 14:3

Ngaich tufömngöre ök tinkökö cha, nö tikökṙôre i kūö ngam kantēra, i kūö nup tö fën nòng chehechōn, yip mā inrē. Öt hĕng tak tarik tökô nö haköp ök tinkökö, höng yip tö hēngòng fën anāi fën köṅny, yip töhavaha nö ing panam.

1 SAMUĔL 18:6

Ngaich ik yanīhi cha, hē Tāvit nö havan nö ṙā-ang i finëlngö ök Filistian hē yik kikānö aṅ ël nuk elpanam Israĕl nö kunyī-inyre, tikökṙôre kiṙīöm inrē, nö höngkūö ök rācha Sôl, nö holtö timpröl, holtö ṙanāmölōn, holtö nup ranöng inrē.

2 SAMUĔL 1:20

Un eūka an nö i Kāt, Un ahangka an nö el talöökö Askēlòn; Hòn öt ṙāmölōn yip kikānö kūön Filistain, Hòn öt mihôiṅ yip kikānö kūön töttunyīnyi.

2 SAMUĔL 6:14

Kiṙīöm ngaich Tāvit nö ma-āinyre; kahumlöre inrē tök linen sörplis.

Salmai 76:6

I vinëkö re tö Meh, Ō Tēv Yāköp: nup inröl tö nup kōra nö lumpātö nö haṙòh.

MANEUTNYI 15:4

Fuk el mai tö tī Ò nuk inröl Fërō yik kumyung ò inrē; Yik tökatöllöng yöngṙen kumyung ò lōngti nö el mai Ētöm.