MANEUTNYI 15:2 - TÖHET LĪPÖRE (Re-edited) Bible (BSI)

² Ngam Mā Tēv an kumlēḵ chu tinkökö inrē, vītöre An nö inyööken chu: Angā-aṅ An ngòh Tēv chu, ha-öinyö Ò chin min; Tēv ök muvöhngö chu, hapōilen Ò chin min.

MANEUTNYI 15:2 Referans Kwoze

Isayā 12:2

Yĕh meuk, inyööken chu an ngam Tēv; hayönglenre chin, ngaich öthō min pa-ekūö: kumlēḵ chu an tinkökö chu inrē ngam Mā Tēv Yavē; inyööken chu an inrē nö vītenre.

Salmai 118:14

Ngam Mā Tēv pöri kumlēḵ chu, tinkökö chu inrē: vītöre An inrē nö inyööken chu.

Salmai 18:46

Tö-aṅ an ngam Mā Tēv; tökôlò an yēḵ ngam ihong chu: hapōilöng an yēḵ ngam Tēv inyööken chu.

Salmai 59:17

Ō kumlēḵ chu, löö in Meh öp min nöinyö tiköknyö chu: pò ngam Tēv nö tömaṙô-òl kui tananglö chu, ngam Tēv tö-aṙē-ĕlōn tö chu.

Isayā 25:1

Ō Mā Tēv, me-eṅ man Tēv chu, hapōilen meh chin, ha-öiny ngam mine-eny meh chin min; pò meh ngaich tītö pingangkūö, tö inlēnö ik misī i kanô-en, i tökô-en inrē.

Salmai 140:7

Ō Tēv, Mā, kumlēḵ ngam inyööken chu: ramuptö kui chu hē el kinyūngö.

Salmai 99:9

Hapōilö ngam Mā Tēv yin, ngam Tēv hī, salām öi im töhet rung Ò: tön töhet An ngam Mā Tēv, ngam Tēv hī.

INMEUKHÖMAT 15:3

Ngaich tikökṙôre cha-a tö tinkökö Môsös, ök tanölöṙô ngam Tēv, tinkökö ngam pököre inrē, nö ngö ṙô, Tökiröng, ane inrē pinngangkūö nun në vahīṙen Meh, Ō Mā Tēv, Tökeuheūttöre Chöngö; lanöökö, kanô-en inrē, minë talöökö meh, Me-eṅ Rācha vē pumnāmö tarik.

FILIPĪ 2:11

Hòṅ në taṙòkhöre litāk nö vë-eny tö Yēsū Kristū nö Mā, i kanôlò ngam Tēv Yöng.

Salmai 118:28

Me-eṅ Man Tēv chu, ha-öinyö Meh chin min: Me-eṅ Man Tēv chu, hapōilen Meh chin min.

Salmai 99:5

Hapōilö ngam Tēv hī yin, ngam Mā Tēv; salāman inrē im anūichö Ò! Töhet An!

Salmai 34:3

Yĕh, hol chu hapōilö ngam Mā Tēv: hökngen hī inrē hatāilö ngam minë-eny ò öi holre.

I. CHÖNGÖ 10:21

Anga-aṅ an ineū-euṅ meh, Tēv meh an inrē, nö tötī-iv nö in meh tö në tökiröng pinhë-eṅkūö inrē, nup tö ngaich nö meūkö tö minë mat meh.

MANEUTNYI 3:6

Hēk inrē angā-aṅ nö ngöṙô, Chū-ö Chin Tēv ök yöng meh, Tēv Aprahām, Tēv Isak, Tēv Yāköp inrē. Hanyatngö kūöre ngaich Môsös; pò ò nö hatīönkö ngam Tēv.

2 KÒRIN 5:19

Öi akahalōn, tö ngam Tēv nö in Kristū nö halāmtö ngih panam nö in re, öt havëkö nup tökööl nö in cha; pòn ngaich nö kētö ngam ṙô inlāmö nö in hī.

INLAHEN 4:12

Öt tahëngu chūök inyööken; pòn öt rēhĕn nö tahëng Mine-eny, elkatòh ngam halīöngö, tö kētu nö i tarik öp löklen hī hayöökaṙen.

Salmai 145:1

Tēv chu, hapōilen Meh chin, Ō Rācha: hakôlò ngam mine-eny Meh chin örheūheu.

2 SAMUĔL 22:47

Tö-aṅ An ngam Mā Tēv; tökôlò inrē ngam ihong chu; hapōilöng an yēḵ ngam Tēv ngam Ihong inyööken chu:

MANEUTNYI 14:13

Ngö ṙô ngaich ang Môsös tö yik tarik, Uh yin pa-ekūö, sökhaka ui halöinyköre, meuk ngam inyööken tī ngam Mā Tēv, ngam tī Ò min tö taheui nö chööḵnyen tö yīö; pò më aṅ Aikup më maheuṅk yīö töngamuh, hö-ö yin min meūkö cha hēk.

MANEUTNYI 4:22

Ngaich ngöṙô min më-eṅ tö Fërō, Ngöṙô an ngam Mā Tēv, Kūön chu an Israĕl, lanòh chu:

EFISÖS 2:22

In ò yī-ö inrē vīlöng öi elyöngö ngam Tēv, im Töhet Fanöinylö.

Isayā 49:6

Ngö ṙô anga-aṅ, töhöhövṙen an angū-ö tö meh öm tarik chu mahachohlö miyöngö Yāköp, mahavantö ngam töma-īṅlöng ang Israĕl; kēten meh chin min öm ëāṅvö i yip pumnāmö tarik, hòṅ ngam inyööken aṅ in chu nö sölngö i manā-angkūö ngih tumlat.

Salmai 109:1

Uh Man ṙāngôre, Ō Tēv: tö ha-öinyö tö chu.

Salmai 27:1

Ëāṅvö chu an ngam Mā Tēv, inyôken chu inrē; chiāp min pinhë-eṅkūö chu? Ngam Mā Tēv an kumlēḵ ngih nômö chu; chiāp min pahë-e chu?

MANEUTNYI 40:34

Ngaich ngam taṙul nö hanyattökui ngam rūkui manūlö, ngaich ngam yanëichö ngam Mā Tēv nö hatööḵlö ngam inrūkui.

INMEUKHÖMAT 19:1

Unôichrit në chū-ö hang ök tö sā ṙôktô tömaṙôngö tarik el halīöngö, nö ngö ṙô, Halēluya; Inyööken, kanôlò, minhôiṅyö aṅ im Tēv hī:

FILIPĪ 4:13

Mihôiṅ chin keuheūttöre la-en in Ò ngam mahangëken chu.

T. YÔHAN 5:23

Pòn hōtu taṙòkhöre tarik nö ha-öiny ngam Kūön, sā cha nö ha-öiny ngam Yöng.

T. YÔHAN 4:22

Öt akahakūö yin yī-ö tö ngam vahe-ekūöre. Ve-ekūö ngam mikahkūöre in īhö; pò ngam inyööken nö lamökten yip Yahūti.

T. LŪKÖS 2:30

Tön kôtö mat chin, öich meukkūö ngam inyööken aṅ in Meh;

T. LŪKÖS 1:77

Ve-eny ngam inyööken i yip tarik Ò; inṙē-ĕl nup tökööl cha;

SAKARIĀ 13:9

Ngaich chū-ö min kētö ngam linūöi mi-ëlö nö löknyö kūö tameūyö, ngaich halöök tit u min sā inlöök tit rupīö, ngaich kalahten u min inrē nö sā kinlahten humlum: ngaich cha-a min nö havëkö minënyö chu, ngaich hang ṙô cha chū-ö min: Ngö ṙô chin min, tarik chu yin; ngaich ngö ṙô min cha-a, Tēv chu An ngam Mā Tēv.

YERIMIĀ 32:38

Ngaich cha-a min nö tarik chu, ngaich chū-ö min Tēv cha.

YERIMIĀ 31:33

Ngih pöri kinlēḵngô tövī-i tö chu i patī Israel unôichrit nup sakāmö, ṙô ngam Mā Tēv: Ellōn cha tī chin min chaphöt ngam chöngöre kūchhöt e chin min nö ellōn cha; ngaich chū-ö min Tēv cha, ngaich cha-a min nö tarik chu.

YERIMIĀ 3:23

Kô-en nun mine rung nö inlō-ongkūö, minë rôngö inrē nö chūök vine-eṅkūö insā tēv. Kô-en ap inyööken Israel nö im Mā Tēv ngam Tēv hī.

Isayā 66:1

Ngö ṙô an ngam Mā Tēv: Kantēra chu an ngam halīöngö ranöönö röön chu inrē ngam tumlat; patī yòh öp min patī mahānlö yīö patī chu? Asuh ap chūök chu min heūheure?

Isayā 45:17

Hayöökaṙen pöri min Israĕl tö ngam Mā Tēv nö aṅtī tö ngam tötchanuhuvṙen inyööken: öt sirōngkūö yin min yī-ö öt rēhĕn kalūöchöre elkui söl môkö örheūheu.

Salmai 132:5

Hanööngen chu kôtökūö min tö chūök ngam Mā Tēv: ap inrūkui ngam Tökeuheūttöre Chöngö Tēv Yāköp.

Salmai 68:20

In hī An ngam Tēv, nö Tēv ṙinānyi: aṅ in YĀVĒ, ngam Mā, ngam ṙinānyi ṙā-ang kinpaha.

Salmai 30:1

Ō Mā Tēv, hapōilen meh chin min, pò meh hachohlen chu: ngaich vīten yip lā-al chu nö öt ṙamngövah chu.

Salmai 28:8

Kumlēḵ chu an ngam Mā Tēv: ane an inrē töngëḵ chūök inyööken ngam hacham kui ò.

Salmai 22:10

Löktökūö el chūök kanūönö chin kavaltu in meh: lök tö ellōn yöng chu man öm Tēv chu.

Salmai 22:3

Töhet pöri më-eṅ: Ō më-eṅ, mī-iyöng el chūök töha-öinyö tö Israĕl.

1 RĀCHA 8:27

Ane pöri kô-en ang min ngam Tēv nö hōḵ nö iyöng el tumlat? Yĕh meuk, ngam halīöngö tö ngam lātulöng takô halīöngö inrē nö öt kô-òre nö chūök meh; höichngen ngih patī tö mānlöng tö chu!

1 RĀCHA 8:13

Mānlö patī meh chin ngaich nö elyöngö, chūök meh örheūheu iyöng.

2 SAMUĔL 22:51

Kiröngö tī An nö ṙānyö ngam rācha ò: hameuktö hanāngenre inrē nö im töhachāmö kui tö ò, in Tāvit ip kūön ò inrē nöng örheūheu.

2 SAMUĔL 7:5

Kuṙòh, vë-eny nang ap tarik chu Tāvit, ngö ṙô An ngam Mā Tēv, Mānlö patī chu öm min tö chūök chu iyöng?

Ranehlö 17:7

Haköpngö ngam kinlēḵngôre Chin min ihôi Chu tö meh inrē, töp kūön meh unôichrit meh i tumkölchap cha nö tötchanūhuvṙen kinlēḵngô, Öich Tēv meh, ap kūön meh inrē unôichrit meh.

KÒLÒSĪ 2:9

Pòn in Ò nö ṙòkhöre nup tanööḵlö ngam Tēv nö keuheūtlöre

Ranehlö 49:18

Ō Mā Tēv, hökkö ngam inyööken chin ngaich aṅ in meh.

KAMHÔKA 5:21

Ahëmi cha-a ngaich töm tahël Kisòn, ngam hötṙeh tahël, ngam tahël Kisòn. Ō nômö chu, iṙuhöröön man holtö kumlēḵ.

Salmai 48:14

Tön Tēv hī ön ngòh Tēv nö ong örheūheu: söl kinpaha an min nö mahachōkūö hī.

HAPAKŪK 3:13

Kiröönngöre me-eṅ ngaich i inyööken yip tarik meh, i inyööken ök töhachāmö kui tö meh; nyahavö tī me-eṅ i kui öp aṅ patī tötlöök, hameuklö rööntö machööḵlö nö söllö nö i likeun.

MANEUTNYI 6:7

Kē-ĕ yīö Chin min öi tarik Chu, ngaich Chū-ö min öich Tēv yīö: ngaich akahakūö min yī-ö tö Chu Öich Yāvē, Öich Tēv yīö kamënyen yīö ṙā-ang elkatòh lumngan tī yip aṅ Aikup.

2 SAMUĔL 7:24

Ngaich më-eṅ inrē haköp vē tarik meh Israĕl nö tarik meh nöng örheūheu; ngaich më-eṅ inrē, Mā Tēv, vītenre Tēv cha

2 SAMUĔL 22:3

Ihong chu an ngam Tēv, In ò chin hayönglenre; Lanaklö chu, sinrōl inyööken chu, tömarô-òl kui chūök chamônga, innyatlö chu inrē; Mahayööken chu, hayöölen chu man ngaich i kanihngen.

1 KINṘÖTNGÖ 16:14

Anga-aṅ an Mā Tēv, Tēv hī; i në tumlat nup inkahafālen aṅ in ò.

Salmai 118:21

Ha-öinyö Meh chin min, pò Meh sap ṙô chu: ngaich Öm inyööken chu.