MANEUTNYI 15:16 - TÖHET LĪPÖRE (Re-edited) Bible (BSI)

¹⁶ Fuk kui cha ngaich nganāngö pinhë-eṅkūö inrē; Iṙôkö ngam kël Meh chā-a nöng öt halöinyköre sā ihong; Ō Mā Tēv, hanöngsaha më tarik Meh nö vāngngö, më havah Meh.

MANEUTNYI 15:16 Referans Kwoze

Salmai 74:2

Köpölōn tö vē tarik Meh, vē töhavaha tö Meh misī: vē havah Meh nö miyöngö vē amin Meh, ngam Rung Siyôn inrē.

I. CHÖNGÖ 2:25

I ngih chin sakāmö kētö kui vē tarik tö ngam vanööṙö tö meh ngam pinhë-eṅkūö inrē tö meh, vē taṙòkhöre elkatòh ngam halīöngö, yip tönghamang ineūkö meh min, ngaich kichëyöre min, halöinyöre ellōn nö chök inrē tö pòkūö meh.

1 SAMUĔL 25:37

Ngaich im peuheū, hē ök vāin nö ngaich nö meutnyi nö ṙā-ang in Nēpòl, ök pīhö ò nö vë-eny nang ò tö në, ngaich ök ellōn ò nö kapah nö in ò, vītöre ngaich anga-aṅ nöng sā ihong.

YÔSUĀ 2:9

Ngaich ngö ṙô ök kikānö tö nak tarik, Akahalōn chin tö ngam Mā Tēv nö kētö ngih panam nö in yīö, ngaich ngam pinhë-ekūö ih tö yīö inrē nö fuk kui ih, ngaich ṙòkhöre inrē vē aṅ ngih panam nö yëngö nö i kūö yīö.

2 PĪTÖR 2:1

Chahōklöng pöri yik töminyôinyaṅ, pròfĕt inrē nö i yik tarik, sā yip in yīö min inrē töminyôinyaṅ mahaköphöti, yip mu-ulāitötīre min nö kēhöt inrēvngö nö pumyāihanga, mahngö mahaköphöti ngam mahavaha cha, kētö kuire cha-a tö ngam töveut pinyāingö.

1 PĪTÖR 2:9

Mumātö pöri yi-ö öi tökatöllöngö, mineukṙen aṅ im Mā, töhet tarik, tarik öi amin ngam Tēv, pò yīö hōtu hameuktö lanöökö Ò ngam mahavënyen yīö ṙā-ang el sinngūlö, öi im pinngangkūö hanātö:

TAITÖS 2:14

Ngam kamëḵngöre tö pòkūö hī, nö hòṅ ṙānyen hī Anga-aṅ, nö ṙā-ang i nup tökööl nö ṙòkhöre, ngaich ahetlen hī nö in re öi tarik amin Ò, kalēḵĕlōn i tö löök la-en.

YERIMIĀ 31:11

Pò ngam Mā Tēv nö ngaich nö havaha Yāköp, ṙānyen ò inrē ṙā-ang eltī öp töyahlö kumlēḵ tö ò.

I. CHÖNGÖ 11:25

Öt tarīku min tökô nö sökhak nö i kūö yīö: ngam Tēv yīö an min ṙamātö ngam pinhë-eṅ yīö i kui nup panam töröönka ël tö yīö, sā ṙô ò nö ngaich tö yīö

MANEUTNYI 11:7

Lā in yip kūön Israĕl pöri min öthĕng nòng am kumchalnyö litākre, nö i tarik hēk i töṙeūla inrē: Hòṅ yīö akahalōn tö inrīkngöre tī ngam Tēv tö aṅ Aikup, Israĕl inrē.

INLAHEN 20:28

Aṅtöre yin; aṅtö minë pököre inrē, minë hayöng yīö, i tī ngam Töhet Fanöinylö, nö vīlen yīö mameukken, hòṅ yīö ha-aṅlö ngam Māṅ ngam Tēv, ngam havah Ò nö ṙāi tö mahāmre.

Isayā 51:10

Röh öm me-eṅ misī tönyôlö tī töm mai, töm mak ngam tö-aṙū-uti; vamīten ngam lataṙeū ngam mai nö talöökö yik töṙānyuvö nö chööḵngö kui e?

2 SAMUĔL 7:23

Öp yòh öp töhĕng pumnāmö tarik ing tumlat tösā vē tarik meh, tösā Israĕl, ngam töṙānyu tö ngam Tēv nö tarik ò nö vīlö minë-eny ò inrē, ngaich tī-iv inrē tö tökiröngen tö pò kūö meh pingangkūö inrē tökūö ngam panam meh, nö i kūö vē tarik meh, vē töṙānyu tö meh tö ṙā-ang Aikup, ṙā-ang i pumnāmö yip tarik, ṙā-ang i nup tēv cha inrē?

1 SAMUĔL 2:9

Haköp röön yip in re An tölöök, Ngam tötlöök pöri min nö el singūlö nö sōtu nö ṙô-òv: Pò ngam tarik min nö öt lökten i kumlēḵ nö mihôiṅ.

I. CHÖNGÖ 32:9

Pò ngam minchööḵö ngam Mā Tēv nö i yip tarik ò; Yāköp öp amin ò nö kintölö.

I. CHÖNGÖ 32:6

Ngatī öyih havahal im Mā Tēv, Ō tökulō-ov tarik töt akaha inrē? Hö-ö ang nö yöng meh ngam mahavaha meh? Vahīlö ò më-eṅ, haköpi inrē më-eṅ?

MANEUTNYI 23:27

Urēhĕkūö meh Chin min tīntö ngam pinhë-eṅre, pāngö tī min inrē tö yip tarik nö ṙòkhöre yip lööṙö meh, vīten yip lā-al Chin min nö havöötö ukre nö in meh.

Ranehlö 35:5

Kiröön chā-a ngaich: ngaich ikui minë panam ök yöng pinhë-eṅkūö; nuk mahavīlen cha, hö-ö pöri cha-a nö lūḵ yik kikōnyö kūön Yāköp.

MANEUTNYI 15:5

Kahultö kui cha minë mai: Lōngti chā-a nö lā taṙeūḵ sā ihong

MANEUTNYI 15:6

Ō Mā Tēv, tö-ineū-euvö an ngam lā hāmö kël Meh im minhôiṅyö Meh: Ō Mā Tēv, pinyāṅchngö ngam lā-al An ngam lā hāmö kël Meh, nö panyeny.

MANEUTNYI 15:13

I miṙēlōnre Më-eṅ hachōḵ më tarik më ṙahānyö Meh: i kumlēḵre Më-eṅ hachōḵkūö cha i ngam töhet elyöngö Meh.

MANEUTNYI 18:8

Ngaich ang Môsös nö vë-eny nang ök yöng pīhöre tö nuk tī ngam Mā Tēv nö in Fërō in yik aṅ Aikup inrē tö pôkūö Israĕl, ṙòknyöre ṙô tö kanihngen nuk tameunghö kui cha nö el talöökö, tö tī ngam Tēv inrē nö ṙānyen cha.

MANEUTNYI 20:2

Chū-ö chin Mā Tēv, Tēv meh, öich kamënyen meh ṙā-ang panam Aikup, ṙā-ang ap patī inkövö.

MANEUTNYI 23:20

Yĕh meuk, Tīntö ma-aṅhānga Chin hĕng tak urēhĕkūö meh, nö mameukken meh el talöökö meh, kamëten meh inrē ip chūökö öp töhalēnka tö Chu.

I. CHÖNGÖ 2:4

Töl ṙô më tarik më-eṅ ngö ṙô, Hòṅ lök kūöngö panam yip hanöng kisānöre yin yip kūön Isô, yip mi-iyöng Sēir; ngaich min cha-a nö pa-ekūö tö yīö; lökten yin haṙēmngenre:

YÔSUĀ 4:24

Hòṅ vē tarik aṅ ngih tumlat nö akahakūö tö kël ngam Mā Tēv, tö e nö tökalēḵ: hòṅ cha nö örheūheu nö pa-ekūö tö ngam Tēv yīö ngam Mā Tēv.

Salmai 105:38

Ṙāmölōn ngaich Aikup tö chanūhu cha: pò cha nö fuk kui tö pinhe-eṅkūöre tö cha.

Isayā 63:12

Öt tötī-iv tö ngam tökôlò kël ò nö lök lāhāmö Môsös, ök maharēv minë mak nö i kūö cha nö vītö minë-enyre tö tötchanūhuvṙen,

MANEUTNYI 6:7

Kē-ĕ yīö Chin min öi tarik Chu, ngaich Chū-ö min öich Tēv yīö: ngaich akahakūö min yī-ö tö Chu Öich Yāvē, Öich Tēv yīö kamënyen yīö ṙā-ang elkatòh lumngan tī yip aṅ Aikup.

MANEUTNYI 23:22

Yē meh pöri min kô-en hang ṙô ò, la-evṙen inrē tö nup ṙô Chu nö ṙòkhöre; ngaich Chū-ö min kumnyah elmat yip tökunyaha elmat tö meh, lā-al yip lā-al meh inrē.

Salmai 89:14

Kanô-en, inkaha inrē, rööntö ngam kantēra Meh: urēhĕkūö Meh ngam miṙēlōn, kanô-en inrē.

ISIKĪ-ĔL 16:8

Ngaich hē chu chööḵngen meh hēk ngëichken meh inrē, yĕh meuk ngaich me-eṅ sā ṙēti mī-i hanāgenlōn; ngaich chū-ö haṙīöngnyö ngam kinfanre in meh, ngaich kafanngö kūö ngam linchôyö meh: hòṅ kilēḵngôre chū-ö öich hāngen tö meh ngaich kēhötre ip kinlēḵngô in meh, ṙô ngam Mā Tēv, kētöre ngaich me-eṅ öm chū-ö chu.