MANEUTNYI 15:11 - TÖHET LĪPÖRE (Re-edited) Bible (BSI)

¹¹ Ō Mā Tēv, achīö ap tösā Meh, i vē tēv? Achīö ap tösā Meh, ineū-euv im hanëtö, tö ha-öinyö pinhë-eṅ, tö tī tö pinngangkūö?

MANEUTNYI 15:11 Referans Kwoze

1 RĀCHA 8:23

Nö ngö ṙô, Mā Tēv, Tēv Israĕl, öt Tēvu tösā meh, lātulöng töm halīöngö hēk lātaṙeū töng tumlat; öp mahaköp kinlēḵngô miṙēlōn inrē nö i vē tarik re, vē lamök i kūö meh nö holtö ellōn re:

1 SAMUĔL 2:2

Öt hĕng töhet nö sā ngam Mā Tēv: Pò meh öt hōluvö Öt rēhĕn ihong tö sā ngam Tēv hī.

2 SAMUĔL 7:22

Lökten man tökiröng, Ō Tēv Mā Tēv: pòn öt hĕng tak tösā meh öt rēhĕn nö Tēvu hol meh, sā nuk töhāngö nö ngaich tö në el nang ih.

INMEUKHÖMAT 4:8

Kö tafūölö sanëòk minë töfën nòng tö-aṅ chehechōn, tövinngö nöng matnyöre, lātuhēt inrē. Öt ṙākenre anū-ö tö sakāmö, hatööm inrē nö ngö ṙô, Töhet, töhet, töhet An ngam Mā Tēv, ngam Tökeuheūttöre Chöngö ngam tömisī, tö töngamuh, ngam tö mòkngöre inrē.

Isayā 6:3

Ngaich kö ṙô-òvö cha-a tö höö, nö ngö ṙô, Töhet, töhet, töhet an ngam Mā Tēv yip tömaṙôngö: tööḵlö an ngam panam tökanôlò ò.

I. CHÖNGÖ 3:24

Ō Mā Tēv, möl man rĕhtenre hameukhömat ngòh tarik re tö ṙôköre, ngam tökalēḵ kël meh inrē: öp yòh öp tēv el halīöngö hēk ing panam, nö tökô nö sā la-en meh, tö sā minë mihôinyö la-en meh inrē?

Salmai 86:8

Ō Mā, öt hĕng tak tö sā Meh nö i vē tēv: öt rēhĕn nup töng la-en nö sā nup la-en Meh.

Salmai 77:14

Më-eṅ Mā Tēv, vamī pinngangkūö: mikahtölōn vē tarik Man ngaich tö ngam kumlēḵ re.

INMEUKHÖMAT 15:4

Achiāp töt pa-ekūö, Ō Mā? Achiāp töt mahapōilö ngam minë-eny meh inrē? Tö meh höng me-eṅ töhet, pòn ṙòkhöre min vē pumnāmö tarik nö yih ngaich salām nö ikūö meh; pòn hameuktu nö ngaich nuk lanöökö la-en meh.

Isayā 40:25

Sā tī chīö öm min asīnten chu, öich hōtu ṙongta in ò? ṙô ngam Töhet Töhĕng tak.

I. CHÖNGÖ 33:26

Öt hĕng tösāta nö im Tēv, Ō Yësurun, Mī-i uk ngam halīöngö öm hamòlṙen, ip minā-aṅre öm el minë taṙul.

Salmai 77:19

El mai ap talöökö Meh, nup kanröönö Meh inrē el ngam yöng mak: ngaich nup röön Meh nö öt ankahen.

Isayā 40:18

Sā tī chīö-öi pökah haṙongten ngam Tēv, hēk inrē sā yòh tī öi asīnten ò?

Salmai 35:10

Ṙòkhöre ṙô min në tangëḵ chu nö ngö; Mā Tēv, achīö ap tösā meh, öp ṙamānyö yāich nö ṙā-ang in ò ngam tömötlö kumlēḵ tö ò: hôṅ, ngam yāich tö ngam töhāṅ-ten inrē, nö ṙā-ang in ò ngam kamīlan?

MANEUTNYI 8:10

Ngaich ngö ṙô angā-aṅ, Ip huṙöich. Ngaich ngö ṙô angā-aṅ, Ngatī an yēḵ sā ṙô meh; hòṅ meh akahalōn tö töthĕng tak tösā ngam Mā Tēv, ngam Tēv ih.

Salmai 66:5

Tā-a, ngëichkö vahīṙen ngam Tēv: pinhë-eṅkūö nun në la-en Ò nö i vē kūön tarik.

YERIMIĀ 49:19

Yĕh meuk, sā ap lāyön nö yih ṙā-ang el inchōn i Yôtön nö ip töngëḵ kinlōngö sīṅp, ngö tī chū-ö min harötlen cha nö falngöre nö ṙā-ang in ò; ngaich chū-ö min vīlö yöng ò tö öp katöllö chu. Achīö ṙöng ap tösā chu? Chiāp min mahavëken chu? Chiāp yōm pököre tökô nö sökhak nö i kūö chu?

Isayā 57:15

Tön ngö ṙô An ngam lātulöng ngam tömarô-òl chūök, ngam mī-iyöng im tötchnūhuvṙen, ngam tö minënyu tö ngam Töhet: Iyöng lātulöng chin Töhet chūökö inrē hol ò inrē öp tö haṙivlōn tö tökööl re, töyāichö ellōn inrē, mahā-aṅ ma-alaha öp yāich, ane inrē mahā-aṅ nômö öp töhaṙivlōn tö tökööl re.

Salmai 145:17

Tö chip An ngam Mā Tēv i nup talöökö Ò: tö aheūkölōn nö i nup la-en re.

YERIMIĀ 10:16

Öt ngatī an anga-aṅ ngam minchööḵö Yāköp, pòn anga-aṅ vamī taṙòkhöre, miyöngö ò inrē Israel aṅ ip amin ò; Mā Tēv yip tömaṙôngö ap minë-eny ò.

Salmai 119:120

Kichëyöre ön ngih alaha chu kūö pinheṅ-eṅkūö tö Meh: ngaich chū-ö pa-ekūö tö minë inkah fālen aṅ in Meh.

T. LŪKÖS 12:5

Ve-eny nang yīö pöri Chu-ö, tö ngam pinhe-eṅkūö yīö, pa-ekūö yin tö Ò, ngam tömihôiṅ nö kavalhötnen yīö el chūök ötinkôlò; yĕn pòrô nö keuheūtötī nö fël. Hôṅ, pa-ekūö yin tö Ò, ngö ṙô Chin tö yīö.

Salmai 90:11

Achīö ap tö akahalōn tö kumlēḵ ngam kumnyahlōn meh: ngam lanīnö meh inrē, sā ngam pinhe-eṅ meh?

LA-EN LĒVĪ 19:2

Vë-ekūö yip ṙôngö kūön Israĕl nö ṙòkhöre, ngö ṙô tö cha, Het yin min: pò Chu Chū-ö Tēv yīö töhet öich Mā Tēv.

Isayā 30:11

Kānngöre yin töm talöökö, kānngöre töm kanröönö, viten ngam Töhĕng Töhet in Israĕl nö ṙā-ang re nö i kūö ih.

Salmai 89:18

Pò ngam lanaklö ih nö aṅ im Mā Tēv: ngam töhet aṅ in Israĕl inrē nö Rācha ih.

INMEUKHÖMAT 13:4

Ngaich cha-a nö salām ök tulan, pò ò nö kētö chöngöre nö ik töṙeūla; ane inrē cha-a salām ök töṙeūla, nö ngö ṙô, Achiāp tö sā ngam töṙeūla? Achiāp inrē tö kô nö kiyung nö lā-al ò?

MANEUTNYI 3:20

Kētö neukhö vē tarik chin min nö ikūö yip aṅ Aikup: ngaich yī-ö min öthöng chanlööpṙen, ip hē yīö min kiröönngöre:

MANEUTNYI 9:14

Tön tīntö nup lanëlngö Chin nö el ṙôngö meh, i kui yip tarik alaha meh; hòṅ meh akahalōn tö töthĕng tak tö sā Chu i në taṙòkhöre panam.

MANEUTNYI 18:11

Ngaich chin akahalōn tö ngam Mā Tēv nö tökiröng tö vē tēv nö ṙòkhöre: hôn, i nup tī cha nö hakeūlenre nö lā-al cha.

MANEUTNYI 20:3

Uh man tahëngu Tēv nö hol Chu.

2 KINṘÖTNGÖ 2:5

Tökiröng ap patī öp mahānlö chu, pò ngam Tēv ih nö kiröng tö Tēv nö ṙòkhöre.

2 KINṘÖTNGÖ 6:14

Nö ngö ṙô, Ō Mā Tēv, Tēv Israĕl, öt Tēvu tö sā meh, el halīöngö hēk el tumlat, mahaköp kinlēḵngô ane inrē hameuktö tököp hanāngenlōn nö i vē tarik meh vē lamök i kūö meh nö holtö ellōnre;

Salmai 22:23

Ha-öinyan yin yī-ö töpa-ekūö tö ngam Mā Tēv: hapōilen ò ṙòkhöre yī-ö kūön Yāköp; ṙòkhöre yī-ö kūön Israĕl söklöre in ò öi pa-ekūö.

Salmai 113:5

Achīö ap tö sāta nö im Mā Tēv, ngam Tēv hī: öp tö anūchu nö lātulöng?

Salmai 136:4

In Ò ngam töng hĕngtak nö tī tö yöng pinngangkūö: pò ngam miṙēlōn Ò nö örheūheu nö köp.

MAIKA 7:18

Achīö öp Tēv nö tösā meh, öp ma-aṙē-ĕl tökööl, chamööḵngö tötôchngen fālen yip chööḵṙen yip amin ò? Hö-ö an nö örheūheu nö haköp lanīnö re, pò ò nö tökuchīkölōn nö i miṙēlōn.

MANEUTNYI 8:6

Hateutnyö këlre ngaich Āròn nö i kui nup mak i Aikup, meutlö ngaich nuk tarôṅt, löpngöre ngaich ngam panam i Aikup.

I. CHÖNGÖ 1:30

Ngaich ngam Mā Tēv ngam Tēv yīö nö kiröönngöre nö urēhĕkūö yīö, anga-aṅ an min kumyunglen yīö, sā nuk tī ò i Aikup tö pòkūö yīö nö i kūö minë mat yīö;

I. CHÖNGÖ 4:34

Hēk inrē kalahtenre ang ngam Tēv nö kiröönngöre nö kē pumnāmö tarik nö ṙā-ang i tahëng pumnāmö tarik, nö lökten i inṙööingö, lökten i kinyūngö, lökten i minhôiṅyö kël, lökten i tökiröng pinheṅ-eṅkūö; nö sā nuk tī ngam Mā Tēv ngam Tēv yīö nö i Aikup tö pòkūö yīö nö i kūö minë mat yīö?

1 KINṘÖTNGÖ 16:25

Tön kiröng an ngam Mā Tēv töhòṅ kiröngö nöinyö, Töhòṅ pahë-evö an inrē nö tulöng tö nup tēv.

Salmai 60:2

Kichëyöre ön ngih panam tö tī Meh, tikāchiyö an tö Meh: halinken nup linrākö e; tön kalöka an.

Salmai 77:11

Hòṅ kakkö në la-en ngam Mā Tēv chin: hòṅ chu min köpölōn tö nuk tī Meh pinngangkūö misī.

Salmai 86:10

Pò Meh Öm tikiröng, vamī pinngangkūö inrē: höng hĕng tak Man Tēv.

Isayā 46:9

Köpölōn tö nup misī urĕh: tön chū-ö chin Tēv, öt tahëngu; Tēv chin, öt tahëngu inrē tösā chu;