MANEUTNYI 15:10 - TÖHET LĪPÖRE (Re-edited) Bible (BSI)

¹⁰ Fööhang më-eṅ ngaich aṅtī tö ngam kufötre, kahultö kui cha ngaich ngam mai: Lōngti cha-a ngaich sā pirum nö el ngam tökalēḵ mai.

MANEUTNYI 15:10 Referans Kwoze

Isayā 11:15

Ngaich ngam Mā Tēv min nö hatngö tī tö ngam litāk ngam mai Aikup; ngaich anga-aṅ min nö aṅtī tö ngam tönyô kuföt nö aṅtī tö këlre nö harutkö ngam Tahël, ngaich fohngen e min nö sātö talöökö nö kun töhëm mak, ngaich vīten tarik nö lök in e nö nyôṙö röön nö kiröönngöre.

I. CHÖNGÖ 11:4

Tö tī ò inrē tö yik kumyung aṅ Aikup tö nuk kōra cha tö nuk inröl cha inrē; tö tī ò inrē nö tiṙēichlö ngam Töngāṅv Mai hē cha nö lū-u yīö, tö tī ngam Mā Tēv inrē nö halëlngen cha söl i ngih sakāmö;

MANEUTNYI 15:5

Kahultö kui cha minë mai: Lōngti chā-a nö lā taṙeūḵ sā ihong

MANEUTNYI 14:21

Hateutnyö këlre ngaich ang Môsös nö i kui ngam mai; ngaich ngam Mā Tēv nö hōten ngam mai nö havanritre nö aṅtī tö ök töhĕng mitööm tökalēḵ kuföt chuhöt, ngaich vīten ngam mai nö nyôlö ngaich harēvöre minë mai.

T. MËTIV 8:27

Ngaich yik tarik nö pingangkūö; ngaich ngö ṙô. “Tösitih ang ngòh tarik, tö ngam kuföt, ngam mai inrē, nö uroh nö hang chöngö Ò?”

AMŌS 4:13

Yĕh meuk, pò ò ngam mamul-lö minë rôngö, vamīlö ngam kuföt inrē, vamë-eny nang tarik töp ellōn ò, ngam vamīlö sinngul tö peuheū kumröön kui minë lā tulöng chūök ing tumlat: ngam Mā Tēv, Tēv yip tömaṙôngö, an ngam minënyö ò.

YERIMIĀ 10:13

Yē ò nö kaknyö ṙôre payāvlöng ngaich nup mak el halīöngö, vīlö minë vang ṙanāchö anga-aṅ inrē nö tafūnlöng nö ṙā-ang i manā-angkūö ngam tumlat. Vīlö hanyālö anga-aṅ tökūö ngam kumṙah, kēnyö ngam kuföt anga-aṅ inrē nö ṙā-ang el chūök chehen ò.

Salmai 147:18

Söömngö ṙô re Anga-aṅ, ngaich miyëngö u: tölṙô ap kuföt Anga-aṅ nö föötöre, ngaich hëm ngam mak.

Salmai 135:7

Vītö nup hanusngö anga-aṅ nö yônlö löklö manā-angkūö ngam tumlat: vī hanyālö ngam kumrah Anga-aṅ; kētö kuföt Anga-aṅ nö ṙā-ang öp chūök re.

Ranehlö 8:1

Köpölōn ngam Tēv tö Nō-a, ṙòkhöre nup tö-aṅ chehen, ṙòkhöre inrē nuā nuk hol ò nö ël ök chōng: ngaich ngam Tēv nö vī kuföt nö lökngökui ngam tumlat, kūönngöre ngaich minë mak;

INCHŌḴ-OṘÔ 30:4

Chiāp tö ngaich nö yônlö nö el halīöngö ngaich yôntī? Achiāp mahamūl ngam kuföt nö eltī re achiāp mahaṙung minë mak nö el hilā? Achiāp mahaköpngö në manā-angkūö ngam tumlat? Achiāp minë-eny ò, achiāp inrē minë-eny ap kūön ò? Akahakūö man me-eṅ!

YERIMIĀ 46:17

Havëkö minë-eny Fërō, rācha aṅ Aikup, Tömaṙënṙô hamökngö röön ṙētak nö ngaich.

2 SAMUĔL 18:8

Pò ök kinyūngö nö parāti nö ngaich nö i kūö ngam panam: pōihangvah tī tö tarik ngam el inchōn ik sakāmö angū-ö mötlö ṙôken tö yik kūö fël.

NAHIMIĀ 9:11

Ngaich më-eṅ inrē harēv ngam mai i kūö cha, lökten cha nö lök ellōn ngam mai el tönyô tumlat; ngaich më-eṅ inrē kavalngö yik lamū-u cha nö el ngam tö-aṙuḵ sā ihong nö el tökalēḵ mak.