MANEUTNYI 15:1 - TÖHET LĪPÖRE (Re-edited) Bible (BSI)

¹ Tīkökṙôre ngaich Môsös tö yik kūön Israĕl inrē nö i ngam Mā Tēv, tö ngih tinkökö, ṙô-òv inrē nö ngö ṙô. Tikökṙôre chin i ngam Mā Tēv, pòn ineū-euṅv angā-aṅ i minhôiṅyöre: Fuk el mai tī Angā-aṅ tök kōra tök aṅ uk ò inrē.

MANEUTNYI 15:1 Referans Kwoze

INMEUKHÖMAT 15:3

Ngaich tikökṙôre cha-a tö tinkökö Môsös, ök tanölöṙô ngam Tēv, tinkökö ngam pököre inrē, nö ngö ṙô, Tökiröng, ane inrē pinngangkūö nun në vahīṙen Meh, Ō Mā Tēv, Tökeuheūttöre Chöngö; lanöökö, kanô-en inrē, minë talöökö meh, Me-eṅ Rācha vē pumnāmö tarik.

MANEUTNYI 15:21

Sap ṙô cha ngaich Miriöm, Tikökṙôre yin im Mā Tēv, pòn ineū-euv Angā-aṅ im minhôiṅyöre; fuk el mai tī Angā-aṅ tök aṅ uk ò inrē.

Salmai 106:12

Ṙātö ellōnre cha-a ngaich nö i nuk ṙô ò: tiköknyö nöinyö Ò cha-a.

Salmai 107:8

Ha-öiny ngam Mā Tēv öre tarik nö ngaich, tö kūö ngam lanöökö Ò: kūö nuk pinngangkūö la-en Ò inrē nö i vē kūön tarik!

KÒLÒSĪ 2:15

Ṙā-ang nup minā-aṅ, chöngö inrē nö ṙā-ang in re, hangāṅlnyö inmeuktö u Anga-aṅ, mihôiṅ ngaich tö u nö in e.

Salmai 107:15

Ha-öiny ngam Mā Tēv öre tarik nö ngaich, tö kūö ngam lanöökö Ò: kūö nuk pinngangkūö la-en Ò inrē nö i vē kūön tarik!

MANEUTNYI 18:11

Ngaich chin akahalōn tö ngam Mā Tēv nö tökiröng tö vē tēv nö ṙòkhöre: hôn, i nup tī cha nö hakeūlenre nö lā-al cha.

MANEUTNYI 14:27

Hateutnyö këlre ngaich Môsös nö i kui ngam mai, havantöre ngaich ngam mai im peuheū nö holtö kumlēḵre; falngöre ngaich yik aṅ Aikup tö e; ngaich ngam Mā Tēv nö fuk ellōn ngam mai tī tö yik aṅ Aikup.

KINṘEŪKÖ 21:17

Ngaich Israĕl nö tikök ngih tinkökö: Ō mak tö-ūlö, pöklöre man; tikökhökūö e yin:

NAHIMIĀ 9:11

Ngaich më-eṅ inrē harēv ngam mai i kūö cha, lökten cha nö lök ellōn ngam mai el tönyô tumlat; ngaich më-eṅ inrē kavalngö yik lamū-u cha nö el ngam tö-aṙuḵ sā ihong nö el tökalēḵ mak.

NGAM LĪPÖRE YŌP 36:24

Köpölōn hapōilö la-en ò, öp tinkökngö tarik.

Salmai 32:7

Më-eṅ man chūök chu hanyatlöre; laklen chu man min tö kanihngen: havīlen chu man min tö tinkökö ṙinānyi.

Salmai 76:6

I vinëkö re tö Meh, Ō Tēv Yāköp: nup inröl tö nup kōra nö lumpātö nö haṙòh.

Salmai 105:43

Kēnyö yik tarik re Anga-aṅ nö ṙāmölōn: yik katöllö Ò inrē hol tö tinkökṙô re.

INCHŌḴ-OṘÔ 29:6

Tingöpöre ön ngòh tötlöök tarik nö i tanôichngenre, ṙāmölōn pöri ngòh tölöök tarik nö tikökṙôre.

Isayā 42:10

Tikökhökūö ngam Mā Tēv tö tufömngöre tinkökö öp nöinyö ò inrē löktökūö manā-angkūö ngam tumlat; yī-ö chamuh el mai, ṙòkhöre nup aṅ e inrē, minë kun panam, tö yip aṅ u inrē.

YERIMIĀ 51:21

Aṅtīten meh chin liköl kōra nö panyeiny töp mī-i uk ò inrē; aṅtīten meh chin liköl inröl nö panyeiny; töp aṅ e inrē;

HAPAKŪK 3:18

Sön chū-ö min ṙāmölōn im Mā Tēv, ṙāmölōn chin min im Tēv inyööken cha.

MANEUTNYI 14:26

Ngaich ngö ṙô ngam Mā Tēv tö Môsös, Hateutnyö këlre man i kui ngam mai, hòṅ minë mai nö yih nö hēk nö i kui më aṅ Aikup, i kui minë inröl cha, i kui yik aṅ uk kōra cha inrē.

Salmai 76:7

Më-eṅ, höng Më-eṅ Man töpahë-ev: achīö ap tökô nö sökhak nö i kūö Meh, yē Meh Öm līn?

HŌSĪ 2:17

Pò chu min kēngö minë-eny nup Pē-al nö ṙā-ang elvāng ò, ngaich anū-ö min nö öt kakka minë-eny tö cha.