MANEUTNYI 14:8 - TÖHET LĪPÖRE (Re-edited) Bible (BSI)

⁸ Ngaich ngam Mā Tēv nö hangëḵngö ellōn Fërō ök rācha aṅ Aikup, ngaich angā-aṅ nö lūḵ yik kūön Israĕl: pò yik kūön Israĕl nö öt pa-ekūö nö kiröönngöre.

MANEUTNYI 14:8 Referans Kwoze

INLAHEN 13:17

Katöllö yik muvöhngö hī An ngam Tēv vē tarik Israĕl; ngaich hapōilö yik tarik, hē cha nö iyöng ip panam tahëng, Aikup; aṅtī tö minhôiṅyöre Anga-aṅ nö kēḵnyen cha, nö ṙā-ang in e,

KINṘEŪKÖ 33:3

Ṙā-ang Ramĕsēs cha-a nö kiröönngöre ik raneh chingëṅt, im tinneui sīön sakāmö ngam raneh chingëṅt im huṙöich unôichrit öp pāska yik kūön Israĕl nö kunyī-inyre nö holtö kumlēḵre nö i kūö yip aṅ Aikup nö ṙòkhöre.

I. CHÖNGÖ 26:8

Ngaich ngam Mā Tēv nö kēnyen ih ṙā-ang Aikup nö aṅtī tö kumlēḵ kël, aṅtī tö töteuthak kël aṅtī tö tökiröng pinhë-eṅkūö, aṅtī tö minkahngö, aṅtī tö pinngangkūö inrē:

MANEUTNYI 14:4

Ngaich Chū-ö min hangëḵngö ellōn Fërō ngaich angā-aṅ min nö tömkörit cha; ngaich Chū-ö min kēḵ ineū-euṅre in Fërō, in yip in ò inrē kumyung nö ṙòkhöre; ngaich akahalōn min yip aṅ Aikup tö Chu Öich Chū-ö Mā Tēv, Ngaich ngatī chā-a.

MANEUTNYI 13:16

Ngaich angū-ö min nö minkahngö nö i kël meh minkahngö inrē nö i māl meh, i hôi mat meh: pòn i kumlēḵ këlre ngam Mā Tēv nö kēnyen ih ṙā-ang Aikup.

MANEUTNYI 6:1

Ngaich ngöṙô ngam Mā Tēv tö Môsös, Min man meuk tī chu tö Fërō: Pò ò min nö hökngöröön cha nö aṅtī tö ngam tökalēḵ këlre, ahōnyen cha min angā-aṅ nö ṙā-ang im panam ò, nö aṅtī tö ngam tökalēḵ këlre.

Salmai 86:13

Pò ngam miṙēlōn Meh nö kiröng nö in chu; ngaich Me-eṅ inrē ṙānyö ngih nômö chu ṙā-ang el chūök kupah.

I. CHÖNGÖ 32:27

Öt pa-ekūö öre chū-ö tö inkeūlö öp tökunyahaelmat, hòn öt vāchö kūölōn yip lā-al cha, hòṅ cha nö öt ngö ṙô, Hapōi- löng ön ngih kël hī, Rö-ö nun në nö tī ngam Mā Tēv.

MANEUTNYI 13:18

Ngaich pöri ngam Tēv nö hachōḵngö yik tarik nö lök ip talöökö tönyaṅlnyi nö lök ip mai Itöm, Ngaich yik kūön Israĕl nö kiröönngöre īnu tö chehetī kumyung nö ṙāngö ap panam Aikup.

MANEUTNYI 13:9

Minkahngö an min angū-ö nö in meh, nö i kël meh, inköpkölōn inrē nö i hôi mat meh, hòṅ ngam Chöngö ngam Tēv nö elvāng meh: pòn holtö kumlēk këlre ngam Mā Tēv nö ṙānyen meh ṙā-ang Aikup.

MANEUTNYI 4:21

Ngaich ngöṙô ngam Mā Tēv tö Môsös, Yē meh ngaich havan i Aikup, la-evṙen pömchö ikūö Fërō, tö nup minkahngö nuk eltī meh nö ngaich tö tī chu: hangëngö ellōn ò pöri min Chū-ö, ngaich öthalöngngen yip tarik min angā-aṅ.

MANEUTNYI 9:12

Ngaich ngam Mā Tēv nö hangë-eng ellōn Fërō, ngaich öt hang ṙô cha angā-aṅ; sā ṙô ngam Mā Tēv nö in Môsös.

MANEUTNYI 10:27

Hangëngö ellōn Fërō pöri ngam Mā Tēv, ngaich angā-aṅ nö öt halöngngen cha nö kiröönngöre.

MANEUTNYI 14:7

Ngaich angā-aṅ nö kēḵ nuk tö-atöllöng inröl, tafūölòng, ṙòkhöre inrē nuk inröl i Aikup, yöngṙen kumyung inrē in u nö ṙòkhöre.

MANEUTNYI 14:17

Yĕh meuk öm, hangëḵngö ellōn yip aṅ Aikup Chin min Chū-ö, ngaich chā-a min nö tömrit cha: ngaich Chū-ö min kēḵ ineū-euṅre in Fërō, in yip kumyung in ò inrē nö ṙòkhöre, i nup inröl ò yip aṅ uk kōra ò inrē.

MANEUTNYI 15:9

Ngö ṙô ngam lā-al, Lūḵ chin min, kô-òl chin min, michööḵöre chin min tö pôre; Tööḵngen ap min töyal lōn chu nö in cha; hōknyö sanëtre chin min, halëlngen cha min ngih kël chu.

INRĀMÖRE 3:65

Kētö ṙanāhata ellōn cha man min: i kui cha yēḵ ap rinūtngövah aṅ in cha.

LA-EN LĒVĪ 26:13

Chū-ö Chin Tēv meh Öich Mā Tēv, kamënyen meh ṙā-ang ap panam Aikup, pò yīö sōḵtuṙen töhakövö tarik cha; ngaich tī Chu-ö likölngö öp kaneun yīö, ngaich vīten yīö kiröönngöre chiphaka.

YÔSUĀ 11:20

Pòn ngam Mā Tēv mahangëṅngö ellōn cha, nö yihtöre nö lā-al Israĕl i kinyūngö pòn hòṅ ahatngen cha anga-aṅ, hòṅ cha nö öt inṙētuvö, hòṅ ò pöri nö hatngö tī tö cha, sā tinöölô Môsös tö ngam Ma Tēv.

KAMHÔKA 4:7

Ngaich chū-ö min ṙūöten Sisēra nö in meh ip tahël Kis1on, öp yöngkūö yip kumyung aṅ in Yapin, nö holtö nup inröl ò tö yip tömaṙôngö in ò inrē; ngaich kēten ò chū-ö min nö eltī meh.

Salmai 105:43

Kēnyö yik tarik re Anga-aṅ nö ṙāmölōn: yik katöllö Ò inrē hol tö tinkökṙô re.