MANEUTNYI 14:4 - TÖHET LĪPÖRE (Re-edited) Bible (BSI)

⁴ Ngaich Chū-ö min hangëḵngö ellōn Fërō ngaich angā-aṅ min nö tömkörit cha; ngaich Chū-ö min kēḵ ineū-euṅre in Fërō, in yip in ò inrē kumyung nö ṙòkhöre; ngaich akahalōn min yip aṅ Aikup tö Chu Öich Chū-ö Mā Tēv, Ngaich ngatī chā-a.

MANEUTNYI 14:4 Referans Kwoze

RŌMA 9:17

Pò ngam töhet līpöre nö ngö ṙô tö Fërō, Angū-ö ön ngih chööḵnyö chu takô hachohlen meh, pò chu hòṅ hameuktö minhôiṅyöre in meh; hòṅ ngam minënyö Chu inrē nö ahangka nö el kahôyö i në taṙòkhöre panam.

MANEUTNYI 7:5

Ngaich akahahakūö min yip aṅ Aikup tö Chu öich Chū-ö Mā Tēv, yē Chu öich Chū-ö Mā Tēv, yē Chu min hateutnyö këlre i kui Aikup, Öich kēnyö yip kūönre Israĕl nö rā-ang in cha.

MANEUTNYI 7:3

Hangëḵngö ellōn Fërō Chin min, ngaich ṙūölö ṙôken nup minkahngö, pinngangkūö inrē im panam Aikup.

MANEUTNYI 9:16

Kô-en an ri nö angū-ö lökten Chu hòṅ hameukhö mat meh tö minhôiṅyöre, hòṅ ngam Minë-eny Chu inrē nö keuheūtngöre chūök nö vënyu nö ing panam.

MANEUTNYI 7:17

Ngö ṙô an ngam Mā Tēv, Ihih man min akahalōn tö Chu öich Chū-ö Mā Tēv: yĕh meuk, fohkö ngam mak chin min tö ngòh tinkung, ngòh eltī chu ngaich min ngam mak el ngam tahël nö vīngöre min nö mahām.

RŌMA 11:8

Sā kinūichngö e nö ngö, Kē-ĕkūö cha ngam Tēv tö ma-alaha kumlō-ov, mat, sinôtö cha nö meuk, nang, sinôtö cha nö hang, söl ing töngamuh:

ISIKĪ-ĔL 39:13

Ṙòkhöre yip tarik ngam panam min nö lāpngen cha; ngaich angū-ö min nö ameūkö ineū-eu cha ip sakāmö hē chu min hameuktö kanôlò re, ṙô ngam Mā Tēv.

ISIKĪ-ĔL 28:22

Ngö ṙô, Ngö ṙô An ngam Mā Tēv: Yĕh meuk, lā-al meh chin, Ō Sītōn, hameuktö kanôlò re chin min ellōn meh. Ngaich cha-a min nö akahalōn tö chu öich Mā Tēv Yē chu kēken inkaha fālen in ò, hameuktö hanëtöre inrē in ò,

ISIKĪ-ĔL 20:9

Ngaich pöri chū-ö höng sā inlahen ngam minë-eny chu, öich sōḵngen e nö hachōichi nö i kuö pumnāmö tarik i yip chūök cha nö iyöng, yip mameūkö chu mikahtökūö cha töre i kinënyö cha nö ṙā-ang im panam Aikup.

NAHIMIĀ 9:10

Ngaich tī-iv më-eṅ tö minkahngö pinngangkūö inrē öm lā-al Fërō tö yik tarik ò inrē tö yik tarik ngam panam ò inrē nö ṙòkhöre, pò meh akahalōn tö cha nö miyëṙen tö yik yöng ih; ngaich më-eṅ inrē kē minë-enyre, nö sā e ing töngamuh.

MANEUTNYI 18:11

Ngaich chin akahalōn tö ngam Mā Tēv nö tökiröng tö vē tēv nö ṙòkhöre: hôn, i nup tī cha nö hakeūlenre nö lā-al cha.

MANEUTNYI 14:8

Ngaich ngam Mā Tēv nö hangëḵngö ellōn Fërō ök rācha aṅ Aikup, ngaich angā-aṅ nö lūḵ yik kūön Israĕl: pò yik kūön Israĕl nö öt pa-ekūö nö kiröönngöre.

RŌMA 9:18

Hòn aheūkölōn Anga-aṅ ip chūökre nö lōnuvö, ip chūökre inrē nö hòṅ hangë-eng.

MANEUTNYI 10:27

Hangëngö ellōn Fërō pöri ngam Mā Tēv, ngaich angā-aṅ nö öt halöngngen cha nö kiröönngöre.

MANEUTNYI 14:3

Ngaich ngö ṙô min Fërō tö yip kūön Israĕl, Sānngökūö yin nö im panam, öpngökūö cha an ngam tönyaṅlnyi.

MANEUTNYI 14:5

Ngaich vënyu nang ök rācha aṅ Aikup tö yik tarik nö falngöre: haṙīngöre ellōn ngaich Fërō tö yik tarik ò inrē, nö in yik tarik, ngaich ngö ṙô cha-a, Suh öng ngih inlahen hī, öi hökngen yik aṅ Israĕl nö kiröönngöre nö ṙāngenre nö vī vahīṙen hī?

MANEUTNYI 14:23

Lūḵ ngaich yik aṅ Aikup, ngaich tömrit cha nö el ngam mai, ṙòkhöre nuk kōra Fërō, inröl ò, aṅ uk kōra ò inrē.

MANEUTNYI 14:25

Tilaknyö nuk kalröön inröl cha angā-aṅ, pòn hōtu chā-a nö sīkö kinröönngö: lökten yik aṅ Aikup nö ngö ṙô, Tā-a töi falngöre ṙā-ang i kūö Israĕl; tön ngam Mā Tēv an kumyunglen cha nö lā-al aṅ Aikup.

LA-EN LĒVĪ 10:3

Ngaich Môsös nö ngö ṙô tö Āròn Angū-ö ön ngih ṙô ngam Mā Tēv nö ngö ṙô, Ahetlöng chin min in cha yip maharöhtöre nö in chu, ngaich i kūö yip tarik nö ṙòkhöre öich hapōilöngö min. Ngaich höng öt ṙô-òvö Āròn.

ISIKĪ-ĔL 32:15

Hē chu vītö ngam panam Aikup nö öt aṅhaṅvkūö hē ngam panam inrē nö ahati tö nup aṅkūö re, hē chu fëlngö yip mī-iyöng in e, möl cha-a min nö akahalōn tö chu öich Mā Tēv.

MANEUTNYI 6:7

Kē-ĕ yīö Chin min öi tarik Chu, ngaich Chū-ö min öich Tēv yīö: ngaich akahakūö min yī-ö tö Chu Öich Yāvē, Öich Tēv yīö kamënyen yīö ṙā-ang elkatòh lumngan tī yip aṅ Aikup.

MANEUTNYI 10:2

Hòṅ meh vënyö nang ap kūönre, ap kūön meh inrē, tö nuk tī Chu i kui Aikup, nuk minkahngö Chu inrē tī Chu in cha; hòṅ yīö akahalōn tö Chu Öich Chū-ö Mā Tēv.

MANEUTNYI 12:28

Ngaich kiröönngöre yik kūön Israĕl ngaich ngatī inlahen; sā tinöölô Môsös, Āròn inrē tö ngam Tēv, ngaich ngatī chā-a.

YÔSUĀ 11:20

Pòn ngam Mā Tēv mahangëṅngö ellōn cha, nö yihtöre nö lā-al Israĕl i kinyūngö pòn hòṅ ahatngen cha anga-aṅ, hòṅ cha nö öt inṙētuvö, hòṅ ò pöri nö hatngö tī tö cha, sā tinöölô Môsös tö ngam Ma Tēv.

KAMHÔKA 4:7

Ngaich chū-ö min ṙūöten Sisēra nö in meh ip tahël Kis1on, öp yöngkūö yip kumyung aṅ in Yapin, nö holtö nup inröl ò tö yip tömaṙôngö in ò inrē; ngaich kēten ò chū-ö min nö eltī meh.

ISIKĪ-ĔL 38:16

Yih min yī-ö lā-al yip tarik chu Israel, sā taṙul kahultökui ngam panam. I nup lā-unôich sakāmö chū-ö min kēten meh lāḵlö ngam panam chu, hòṅ vē pumnāmö tarik nö akahakūö tö chu, hē chu lökten in meh, Ō Kōk öich haköp ngö hanëtöre i kūö mat cha.

ISIKĪ-ĔL 38:23

Ngatī chin min hameuktö ṙôköre ha-ëtöre inrē ngaich mikahtö elmat tömaṙôngö pumnāmö tarik töre. Ngaich akahalōn min cha-a tö chu öich Mā Tēv.