MANEUTNYI 14:10 - TÖHET LĪPÖRE (Re-edited) Bible (BSI)

¹⁰ Ngaich hē Fërō nö haröhtöre, chônga ngaich yik kūön Israĕl, ngaich meuk yik aṅ Aikup nö unôichrit cha nö kiröönngöre; pōi pinhë-eṅkūö chā-a ngaich. Ngaich hūḵkö ngam Mā Tēv yik kūön Israĕl.

MANEUTNYI 14:10 Referans Kwoze

Salmai 107:6

Ngaich cha-a nö havëkö mine-eny ngam Mā Tēv i kinihngen cha: ngaich Anga-aṅ nö ṙā-nyen cha nö ṙā-ang i nup kanihngen cha.

Salmai 34:17

Hūḵa ngam tölöök, ngaich hang ngam Mā Tēv: ṙānyen cha inrē i nup kanihngen cha nö ṙòkhöre.

NAHIMIĀ 9:9

Ngaich më-eṅ inrē meuk kanihngen yik yöng ih nö i Aikup hang ṙô cha inrē nö havëken meh ip Mai Ētöm,

YÔSUĀ 24:7

Ngaich hē cha nö peunyhökūö ngam Mā Tēv, ngaich anga-aṅ nö vītö singūlö ihôi yīö tö yik aṅ Aikup, ngaich kētu ngam mai nö i kui,ngaich kahultö kui cha; meuk tī chu nun minë mat yīö tö Aikup: ngaich ṙōl sumkam yī-ö iyöng el tönyalnyi:

Salmai 106:44

Hö-ö pöri Anga-aṅ nö mikūöṙen tö kanihngen cha: yē Ò nö hang ṙô cha nö peuiny.

Salmai 53:5

In e cha-a nö pōi pinhëṅ-eṅkūö, i chūök tö rö-ö pinhëṅ-eṅkūö: pò ngam Tēv nö pirāt nup tangëḵ ò, ngam mi-iyöngtöre nö lā-al Meh; ngaich Man sumrōngngökūö cha, pò ngam Tēv nö sō-en cha.

2 KINṘÖTNGÖ 18:31

Ngaich hē yik yöng kūö nuk inröl nö meūkö Yēhōsafāt, ngö ṙô cha-a, Anga-aṅ an rācha aṅ Israĕl. Lökten cha nö havöötökūöre nö lā-al ò; ayôṙa ngaich Yēhōsafāt, holṙen ò ngaich ngam Mā Tēv, Ṙūöhöyö cha-a nö ṙā-ang in ò tö ngam Tēv,

1 YÔHAN 4:18

Öt pinheṅ-eṅvkūö in im hanāngenlōn; pò ngam töteung hanāngenlōn nö ha-ōngö pinheṅ-eṅkūö; pò ngam pinheṅ-eṅkūö nö öt inkôlòvö. Anga-aṅ ngòh tö pa-ekūö tö teungten nö im hanāngenlōn.

YERIMIĀ 22:23

Ō yī-ö aṅ Lëpanön mumtīlöre i nup sītör chōn, yöng inluhu yīö min yĕn yih ap chanökö nö i kui yīö sā chanökö kikānö kamyôḵ!

Isayā 26:16

Mā Tēv, ngëichken meh yin hē el kanihngen, kalē-ĕṙô yin nö vë-ekūötēv yē cha nö ṙònghöichṙen nyahaṅ nö chöken.

Isayā 7:2

Ngaich vënyu angū-ö nö i patī Tāvit, nö ngö ṙô, Hol ellōn re nap nāṅ Sīria tö Ifrēm inrē. Ngaich ök ellōn ò nö halöinyköre, ellōn yik tarik ò inrē, sā chōn elinchōn tö halöinyka tö kuföt.

Salmai 107:28

Ngaich cha-a nö havëkö ngam Mā Tēv, i kanihngen re: ngaich Anga-aṅ nö kēnyen cha, nö ṙā-ang i nup kanihngen cha.

Salmai 107:19

Ngaich cha-a nö havëkö ngam Mā Tēv nö i kanihngen cha: ngaich Anga-aṅ nö ṙānyen cha nö ṙā-ang i nuk kanihngen cha.

Salmai 107:13

I kanihgen re cha-a nö havëkö ngam Mā Tēv: ngaich Anga-aṅ nö hayööken cha i nup kanihngen cha.

MANEUTNYI 15:25

Ngaich vë-ekūö ngam Mā Tēv angā-aṅ; ngaich ngam MāTēv nö hameuktö ök chōn nö in ò, hĕng māṅ, ngaich kavalten ò angā-aṅ nö el nuk mak, vīngöre ngaich nuk mak nö kuchik: in e angā-aṅ ngaich nö vītö Chöngö nö in cha inchöngten inrē, in e inrē angā-aṅ nö kalaha cha.

I. CHÖNGÖ 9:7

Köpölōn, um vaichngö, töre harunnyö lanīnö ngam Tēv meh ngam Mā Tēv nö el tönyalnyi: löktökūö ik sakāmö hē meh kukunyī-inyre ṙāngö ngam panam Aikup, hanöng saha yīö sölta ihih, ma-ahôngen ngam Mā Tēv yin.

Salmai 81:7

Hu-a Me-eṅ hē el kahingen, ngaich ṙānyen meh chū-ö: sapṙô Meh chin el palēt chūök kunṙôkö; kalaha Meh chin i nup mak i Meripah.

MANEUTNYI 13:17

Ngaich ngö inlahen angū-ö, hē Fërō nö ngaich nö hökngen yik tarik nö kiröönngöre, öt lök i panam Filistain ngam Tēv nö hachōḵkūö cha, pòrô chā-a nö havöötö ellōnre, yē cha nö meuk kinyūngö, ngaich havan nö i Aikup.

YÔSUĀ 24:6

Ngaich kēnyö yik muvöhngö yīö chū-ö nö ṙā-ang Aikup: ngaich yī-ö yihtöre ip mai; ngaich yik aṅ Aikup nö lūḵ yik mavöhngö yīö nö hol tö inröl i uk kōra inrē tarik söl im Töngāṅv Mai.