MANEUTNYI 13:9 - TÖHET LĪPÖRE (Re-edited) Bible (BSI)

⁹ Minkahngö an min angū-ö nö in meh, nö i kël meh, inköpkölōn inrē nö i hôi mat meh, hòṅ ngam Chöngö ngam Tēv nö elvāng meh: pòn holtö kumlēk këlre ngam Mā Tēv nö ṙānyen meh ṙā-ang Aikup.

MANEUTNYI 13:9 Referans Kwoze

I. CHÖNGÖ 6:8

Nyëktö u min më-eṅ inrē nö i kël meh i māl meh ihôi mat meh inrē nö inköpkö lōnmeh.

KINṘEŪKÖ 15:39

Ngaich tanū min angū-ö, hòṅ yīö ngëichkö e, ngaich fēḵĕlre tö nup chöngö ngam Mā Tēv nö ṙòkhöre, ngaich la-evṙen tö u; hòṅ yīö öt tömrit kulōnre minë mat yīö inrē, nö öt tömrit nup töha-eh töchōich tahömken yīö.

MANEUTNYI 13:16

Ngaich angū-ö min nö minkahngö nö i kël meh minkahngö inrē nö i māl meh, i hôi mat meh: pòn i kumlēḵ këlre ngam Mā Tēv nö kēnyen ih ṙā-ang Aikup.

MANEUTNYI 12:14

Inköpkölōn yīö an min ing sakāmö; haköpkö e yī-ö min nö tökiröng nyinā-aṅ i ngam Mā Tēv: haköpkö e yī-ö i tumkölchap yīö nö tökiröng nyinā-aṅ nö örheūheu nö i Chöngö. Sakāmö Ngam Tötaföhlöngö Ròtī

RŌMA 10:8

Sitih pöri ngam ṙô e? Ranghen meh an ngam ṙô, i elvāng meh, i ellōn meh inrē: angū-ö, ngam ṙô mikah ngam inhānga tö ih:

Isayā 59:21

In chu pöri, ngih ön kinlēḵngô chu in cha, Ṙô ngam Mā Tēv: öp töhet fanöinylö chu öp mī-ikui meh, nup ṙô chu inrē töchaphötvö nö elvāng meh tö chu, hö-ö min nö meutnyi nö ṙā-ang elvāng meh, ṙā-ang elvāng yip kūön meh hēk ṙā-ang elvāng yip kūön yip kūön meh, ṙô ngam Mā Tēv, löktökūö ngih hē höng örheūheu.

T. MËTIV 23:5

Ṙòkhöre pöri nup la-en cha, nöng inmeukhömat tarik. Pò cha nö pōitāk tī tö nup tökūichö i vanön kui cha; ṙūönyö tanāich hilāre inrē.

I. CHÖNGÖ 30:14

Röhta pöri ngam ṙô nö in meh, elvāng meh, ellōn meh inrē, pôm hōtu la-evṙen tö e.

MANEUTNYI 13:3

Ngaich ngö ṙô Môsös tö yik tarik, Köpölōn tö ngih sakāmö, ngih hēnyö yīö ṙā-ang Aikup, ṙā-ang el ap patī inkövö; pòn lökten i kumlēḵ kël ngam Mā Tēv nö ṙānyen yīö ṙā-ang ip chūökö angū-ö: öt nyā-aṅ min tö-aföhlöng rôtī.

INMEUKHÖMAT 18:8

Lökten, i tö hĕng sumkam nup min tölëlngökūö invah nö yih nö in ò, kinpaha, miṙivlōn, inyāichö inrē; keuheūtngöre min anga-aṅ nö ṙāpngö tö kūö tameūyö; pò ngam Mā Tēv nö tö kalēḵ, ngam kamhòkken ò.

YŌ-ĔL 2:11

Ṙô-ov ngaich ngam Mā Tēv ö urēhĕkūö yip kumyung; pò ngam elyöngö ò nö tökiröng; pò ò nö tökalēḵ kamëkö kaha ṙô re: pò ngam sakāmö ngam Mā Tēv nö kiröng pinhe-eṅkūö inrē; chiāp tökô nö in e?

YERIMIĀ 22:24

Sā chu tö-aṅ, ṙô ngam Mā Tēv, pòrô Kônayā ök kikōnyö kūön Yēhōyakim, rācha aṅ Yūtā nö kinlong minā-aṅ nö lahāmö chu, sönngenre chū-ö öre öich silötnyen meh.

Isayā 51:9

Aṅhen, Aṅhen, kē kumlēḵ re Ō kël ngam Mā Tēv; aṅhen, sā hē nup sakāmö hötṙeh, nup tumköl chap tömarô-angen. Röh öm me-eṅ misī ramökö Rāhap nö panyeny, tötafūni tī tö ngam tulan?

Isayā 49:16

Yĕh meuk, ka-iphötnen meh chin el kintāl eltī re; örheūheu nun minë kinlōngö meh nö i kūö chu.

Isayā 40:10

Yĕh meuk yih an ngam Mā Tēv min nö sā tökalēḵ, hayöng ap min kël nö ṙënngen ò: Yĕh meuk, in ò ap tī ò raneushö, urēhĕkūö ò inrē ap tī ò inṙënngen.

Isayā 27:1

Ip sakāmö angū-ö ngam Mā Tēv nö ip manā-anyre tökiröng töngëḵ inrē sanët nö hachök ngam Ṙēv ngam töveut pēch, ngam Ṙēv pēch tösalūöna; ngaich anga-aṅ min nö kapahatī tö ngam tulan el mai.

INCHŌḴ-OṘÔ 3:21

Kūön chu, haköp tökô-en mikah inkaha inrē; un hökiṙen anū-ö nö kē-ĕngre tö mat meh.

INCHŌḴ-OṘÔ 1:9

Tön tövai nun nö tachöklö kui meh, neūmö likeun meh inrē.

Salmai 89:13

Aṅhaṅv in Man tö kël minhôiṅyö; tö kalēḵ an ngam kël Meh: tulöng inrē ngam lāhāmö Meh.

NAHIMIĀ 1:10

Tarik Meh yin kūön alaha Meh inrē, vē töṙānyu tö ngam tökiröng minhôiṅyö Meh tökalēḵ kël Meh inrē.

I. CHÖNGÖ 6:6

El kuilōn meh nun min në ṙô në hinôtö meh tö chu töngamuh:

Sòlòmön 8:6

Vīten chu sā inpanngö ellōn meh, sā inpanngö i kël meh; tön kalēḵ an ngam hanāngenlōn sā kinpaha, kumnyahlōn sā anūlö tötmilēḵ. Öp pinchôllökūö e pinchôlö tameūyö, tökalēḵ nö töhū.

INCHŌḴ-OṘÔ 7:23

Hanöng saha öp chòk nö tanhötkūö; sā öp chehechōn tameungtöre nö el tinngöp; öt akahalōn anga-aṅ tö e min nö tö ṙāi tö nômö ò.

MANEUTNYI 3:20

Kētö neukhö vē tarik chin min nö ikūö yip aṅ Aikup: ngaich yī-ö min öthöng chanlööpṙen, ip hē yīö min kiröönngöre:

MANEUTNYI 7:4

Hö-ö pöri min Fërō nö hang ṙô meh, ngaich Chū-ö min kētö tīre i kui Aikup, ngaich kēnyö yip tömaṙôngö, yip tarik chu kūön Israĕl, nö ṙā-ang im panam Aikup: aṅtī tö yöng kinṙôka.

MANEUTNYI 13:14

Ngaich mīnö hē öp kūön meh min nö hatönö meh ip hē e, nö ngö ṙô, Suh öng ngih? Ngaich ngö ṙô më-eṅ min tö ò, Kēnyen ih an ngam Mā Tēv misī ṙā-ang Aikup, nö i kumlēḵ këlre, ṙā-ang el öp patī inkövö.

Salmai 136:12

Hol tö kumlēḵ kël re, nö hateutnyö kël re: pò ngam miṙēlōn Ò nö örheūheu nö köp.

Isayā 44:5

Ngaich hĕng tak min öp tö ngö ṙô, Aṅ im Mā Tēv chin chū-ö, ngaich öp tahëng min nö kaheūktöre tö minë-eny Yāköp, ngaich öp tahëng min nö kūich kël re, nö ngö tī, aṅ im Mā Tēv, kaheūköre min inrē anga-aṅ tö minë-eny Israĕl.

MANEUTNYI 12:41

Ngaich ngö inlahen i kinheūṅtö töfënòng lūöi anāi samyeūheu, im sakāmö angū-ö nö teungtö kūö nö ṙòkhöre yik tarik ngam Mā Tēv nö kunyi-inyre nö ṙāngö ngam panam Aikup.

I. CHÖNGÖ 5:15

Hòṅ köpölōn më-eṅ inrē tö meh misī kūön alaha ip panam Aikup, ngaich ngam Mā Tēv ngam Tēv meh nö kēnyen meh ṙā-ang in e nö aṅtī töminhôiṅyö kël töteuthaka: lökten ngam Mā Tēv ngam Tēv meh nö hachöngten meh haköpkö ngam anôilö sakāmö.

I. CHÖNGÖ 6:21

Ngaich ngö ṙô min më-eṅ töp kūönre kikōnyö, töhakövö in īhö misī tö Fërō i Aikup; ngaich holtö kumlēḵ këlre ngam Mā Tēv nö kēnyen ih ṙā-ang Aikup:

KAMHÔKA 2:12

Ṙāngö ngam mā Tev cha-a, ngam Tēv yik muvöhngö cha, ngam kamënyen cha nö ṙā-ang öp panam Aikup, ngaich tömrit nup tahëng tēv, nup tēv yik tarik mahavīlen cha, sōntöre inrē nö in u: ngaich cha-a nö harunnyö lanīnö ngam Mā Tēv.

Salmai 136:11

Ngaich kēnyen Israĕl nö ṙā-ang in cha: pò ngam miṙēlōn Ò nö örheūheu nö köp.

TANĪ-ĔL 9:15

Ō Mā Tēv ih, kamënyö vē tarik meh nö ṙā-ang ip paam Aikup nö aṅtī tö kumlēḵ kël re, ngaich vīlö minë-eny re me-eṅ, sā ngih sakāmö töngamuh, köölöfālen in, kēken ötlanöökö in.