6 Sat sumkam min më-eṅ nyā töt-aföhlöng rôtī, im sinat sumkam tökiröng min nö nyinā-aṅ im Mā Tēv.
Kētö tökētu pöri min yī-ö i ngam Mā Tēv sat sumkam löktökūö i tameūyö; im sinat sumkam ngam manūlö; uh yī-ö la-evṙen tö la-en kaitī (töhakövö).
Haköpkö ngam tökiröng sakāmö man ngam tötaföhlöng ròtī. Sat sumkam kūö öm nyā tötaföhlöng ròtī, sā tinöölô meh tö Chu; ip hē töhalēnlöng ip chingëṅt Apip: pò meh kunyī-iyre ṙā-ang Aikup im chingëṅt Apip.
Tafūöl sumkam kūö më-eṅ nyā töt aföhlöng rôtī: ngaich im sinātö sakāmö öp inmūlö im Tēv ngam Mā Tēv meh; uh më-eṅ la-evṙen hē e.
Ngaich yik tarik aṅ Israĕl yik mī-i Yērusalem nö haköpken ngam tökiröng nyinā-aṅ tötaföhlöng rôti nö sat sumkam holtö yöng ṙanāmölōnre; ngaich yik Lēvi tö yik kūönṙô nö ha-öiny ngam Mā Tēv nö kaheuk sakāmö, nö mā-ainyre nö tikökṙôre nö im Mā Tēv.
Ngaich cha-a nö nyā nuk tököiny sāiny aṅkūö ngam panam im huṙöich unôichrit ngam Paska, töt aföhlöng kēk töhanyôṙö sāiny inrē, im töng angū-ö sakāmö.