MANEUTNYI 13:3 - TÖHET LĪPÖRE (Re-edited) Bible (BSI)

³ Ngaich ngö ṙô Môsös tö yik tarik, Köpölōn tö ngih sakāmö, ngih hēnyö yīö ṙā-ang Aikup, ṙā-ang el ap patī inkövö; pòn lökten i kumlēḵ kël ngam Mā Tēv nö ṙānyen yīö ṙā-ang ip chūökö angū-ö: öt nyā-aṅ min tö-aföhlöng rôtī.

MANEUTNYI 13:3 Referans Kwoze

I. CHÖNGÖ 24:18

Köpölōn pöri më-eṅ tö meh misī hakövö i Aikup ngaich ngam Tēv meh ngam Mā Tēv nö ṙānyen meh ṙā-ang in e: lökten chin tölṙô meh öm ngatī la-en.

I. CHÖNGÖ 5:15

Hòṅ köpölōn më-eṅ inrē tö meh misī kūön alaha ip panam Aikup, ngaich ngam Mā Tēv ngam Tēv meh nö kēnyen meh ṙā-ang in e nö aṅtī töminhôiṅyö kël töteuthaka: lökten ngam Mā Tēv ngam Tēv meh nö hachöngten meh haköpkö ngam anôilö sakāmö.

MANEUTNYI 20:2

Chū-ö chin Mā Tēv, Tēv meh, öich kamënyen meh ṙā-ang panam Aikup, ṙā-ang ap patī inkövö.

I. CHÖNGÖ 16:12

Hòṅ meh köpölōn tö meh misī töhakövö i Aikup: haköpkö e më-eṅ la-evṙen inrē tö në chöngö.

I. CHÖNGÖ 5:6

Chū-ö chin Mā Tēv Meh öich Tēv meh, öich kamënyen meh ṙā-ang ap panam Aikup, ṙā-ang el ap patī inkövö.

I. CHÖNGÖ 15:15

Köpölōn më-eṅ töre misī töhakövö ip panam Aikup ngaich ngam Tēv ngam Mā Tēv meh nö ṙānyen meh: lökten chin tölṙô meh tö e ing sakāmö.

I. CHÖNGÖ 6:12

Ngaich ṙēmen më-eṅ hòṅ meh öt vaichngö tö ngam Mā Tēv, ngam kamënyen meh ṙā-ang ip panam Aikup, ṙā-ang el ap patī inkövö.

I. CHÖNGÖ 16:3

Uh më-eṅ nyā tö-aföhlöng rôtī öm kā an; sat sumkam më-eṅ nyā töt aföhlöng rôtī öm kā an, öp rôtī inkihten; pò meh kurāten köpölōn tö ngam sakāmö hē meh kunyī-inyre ṙā-ang ap panam Aikup i rô-òtö sakāmö meh aṅ.

I. CHÖNGÖ 8:14

Tāilö min ngaich öp ellōn meh, ngaich më-eṅ vaichngö tö ngam Tēv re ngam Mā Tēv, ngam kamënyen meh ṙā-ang ap panam Aikup, ṙā-ang el ap patī inkövö;

MANEUTNYI 13:14

Ngaich mīnö hē öp kūön meh min nö hatönö meh ip hē e, nö ngö ṙô, Suh öng ngih? Ngaich ngö ṙô më-eṅ min tö ò, Kēnyen ih an ngam Mā Tēv misī ṙā-ang Aikup, nö i kumlēḵ këlre, ṙā-ang el öp patī inkövö.

YÔSUĀ 24:17

Pò ngam Tēv hī ngam Mā Tēv, anga-aṅ an kamënyen hī tö yik muvöhngö hī ṙāngö ap panam Aikup, ṙā-ang el ap patī inkövö, anga-aṅ inrē tötī-iv tö nuk tökiröng minkahngö nö i kūö hī aṅten hī inrē el nup talöökö lahök ël hī kiröönngöre, in yip tarik inrē tö chöö-öi elṙôngö tö hī:

I. CHÖNGÖ 13:10

Kulehan më-eṅ tö ihong, hòṅ ò nö kapah; pò ò nö lukkenre nö tūökngen meh nö ṙā-ang el talöökö ngam Tēv ngam Mā Tēv meh, ngam kamënyen meh ṙā-ang ap panam Aikup, ṙā-ang el ap patī inkövö.

I. CHÖNGÖ 24:22

Köpölōn më-eṅ inrē töre misī hakövö ip panam Aikup: lökten chin tölṙô meh öm ngatī la-en.

MANEUTNYI 12:42

Hatööm an angū-ö nö tökiröngen inköpka nö im Mā Tēv, pòn kēnyen cha Anga-aṅ nö ṙā-ang panam Aikup; Hatööm ngam Mā Tēv an angū-ö nö tökiröngö hinöngken tö yip kūön Israĕl nö ṙòkhöre i tumkölchap cha.

I. CHÖNGÖ 13:5

Öp pròfĕt pöri, hēk ap hameūv heūvö, kumpaha min anga-aṅ; pò ò nö ṙôtö inhôngen ngam Tēv meh ngam Mā Tēv, ngam kamënyen meh ṙā-ang ip panam Aikup, ngaich ṙānyen meh ṙā-ang el ap patī inkövö nö hōten meh kānngöre tö ngam talöökö tinöölô meh tö ngam Tēv ngam Mā Tēv meh öm lök in e Ngati tī më-eṅ min kavalngö ngam tötlöök nö ṙā-ang el ṙôngö meh.

I. CHÖNGÖ 4:34

Hēk inrē kalahtenre ang ngam Tēv nö kiröönngöre nö kē pumnāmö tarik nö ṙā-ang i tahëng pumnāmö tarik, nö lökten i inṙööingö, lökten i kinyūngö, lökten i minhôiṅyö kël, lökten i tökiröng pinheṅ-eṅkūö; nö sā nuk tī ngam Mā Tēv ngam Tēv yīö nö i Aikup tö pòkūö yīö nö i kūö minë mat yīö?

MANEUTNYI 23:15

Tökiröng sakāmö tötaföhlöng ròtī Haköpö tö meh: sat sumkam kūö më-eṅ nyā tötaföhlöng ròtī sā chu hachöngten meh, ip hē töhalēnlöng ip Apip chingëṅt; (pò meh hē e kunyī-inyre ṙā-ang Aikup;) un hĕng tak min tömeūkö nö i kūö Chu nöng chanlööpṙen:

MANEUTNYI 20:8

Köpölōn tö ngam sakāmö anôilö, Haköpö e nö töhet.

MANEUTNYI 12:19

Sat nup sakāmö nup patī yīö nö öt aṅhaṅv tö tö-aföhlöng rôtī; pò ap nyamā öp tö-aföhlöng min, rökiṙen angā-aṅ min tarik nö i manūlö Israĕl, pòrô nö tötngöhaka hēk inrē angā-aṅ öp töfötnyu nö im panam.

MANEUTNYI 12:8

Im hatööm chā-a min nö kāḵ ap alaha, harāngö i kūö tameūyö, öp töt aföhlöng ròtī inrē; kā-a e chā-a nö holkūö tö tö angū-uvö rōi chōn.

MANEUTNYI 6:1

Ngaich ngöṙô ngam Mā Tēv tö Môsös, Min man meuk tī chu tö Fërō: Pò ò min nö hökngöröön cha nö aṅtī tö ngam tökalēḵ këlre, ahōnyen cha min angā-aṅ nö ṙā-ang im panam ò, nö aṅtī tö ngam tökalēḵ këlre.

MANEUTNYI 3:20

Kētö neukhö vē tarik chin min nö ikūö yip aṅ Aikup: ngaich yī-ö min öthöng chanlööpṙen, ip hē yīö min kiröönngöre:

MANEUTNYI 12:15

Sat sumkam kūö yī-ö min nyā rôtī töt aföhlöng; ip raneh sakāmö yī-ö kēngö nup tö-aföhlöng rôti nö ṙā-ang el patī yīö: pò öp nyamā tö-aföhlöng rôtī nö löktö kūö ngam raneh sakāmö söl im sinat sumkam, rökiṙen min ap tarik angā-aṅ nö ṙā-ang in Israĕl.

Salmai 105:5

Köpölōn tö nuk tökeuheūten pinngangkūö la-en Ò: nuk aṅ elvāng Ò inrē inkaha fālen.

EFISÖS 1:19

Tö ṙôkö ngam minhôiṅyö Ò nö in hī öi ṙamātö ellōnre, sā tī ngam kumlēḵ ngam minhôiṅyö Ò,

1 KÒRIN 11:24

Keuheūthëṙô anga-aṅ, nö ha-öiny ngam Tēv; ngaich fôkö e, ngaich ngö ṙô, Alaha Chu ön ngih, ngam pòkūö yīö: ngatī tī pöichö inköpkö lōn yīö tö Chu.

1 KÒRIN 5:8

Lökten ta-a töi paratīn, rö-ö nö holtö höteh tö-aföhlöng ròti, öt rēhĕn nö holtö ngam töaföhlöng sunrīkhö, ötlanöökö inrē; holtö ngam töhet pöri tötaföhlöng ròtī, töt innyatkö elmat, kanô-en inrē.

T. LŪKÖS 22:19

Kētam Anga-aṅ tö ròtī, keuheūthë ṙô Anga-aṅ nö ha-öiny ngam Tēv, fòkhang tö e, ngaich kē-ĕkūö cha, nö ngö ṙô Alaha Chu ön ngih, nö tö kētuvö nö in yīö. Ngati tī pöichö, haköpkölōnre tö Chu.

NAHIMIĀ 9:10

Ngaich tī-iv më-eṅ tö minkahngö pinngangkūö inrē öm lā-al Fërō tö yik tarik ò inrē tö yik tarik ngam panam ò inrē nö ṙòkhöre, pò meh akahalōn tö cha nö miyëṙen tö yik yöng ih; ngaich më-eṅ inrē kē minë-enyre, nö sā e ing töngamuh.

1 KINṘÖTNGÖ 16:12

Köpölōn tö nuk pinngang- kūö la-en ò nuk tökeuheū- ten, Nuk pinngangkūö tī ò, inkaha fālen ṙô ò,

T. MËTIV 10:12

Salām tö yanīhihre yī-ö, yē yīö kuhēthötre el patī.

MANEUTNYI 6:6

Lökten nö ngöṙô tö yip kūön Israĕl, Chū-ö Chin Yāvē, kēnyen yīö chin min ṙā-ang i nup lumngan tī yip aṅ Aikup, kēnyen yīö chin ṙā-ang el inkövö tī cha, aṅtī tö töteuthak kël min Chū-ö ṙānyen yīö, aṅtī tö öp yöng inkaha fālen inrē;

MANEUTNYI 7:4

Hö-ö pöri min Fërō nö hang ṙô meh, ngaich Chū-ö min kētö tīre i kui Aikup, ngaich kēnyö yip tömaṙôngö, yip tarik chu kūön Israĕl, nö ṙā-ang im panam Aikup: aṅtī tö yöng kinṙôka.

MANEUTNYI 12:17

Haköpkö ngam tökiröng nyinā-aṅ tötaföhlöng rôtī; tön angū-ö an sakāmö hē Chu kēnyen yīö öi maṙôngö ṙā-ang Aikup: lökten yin haköpkö ngih sakāmö i tumköl chap yīö nö örheūheu nö Chöngö.

MANEUTNYI 13:9

Minkahngö an min angū-ö nö in meh, nö i kël meh, inköpkölōn inrē nö i hôi mat meh, hòṅ ngam Chöngö ngam Tēv nö elvāng meh: pòn holtö kumlēk këlre ngam Mā Tēv nö ṙānyen meh ṙā-ang Aikup.

I. CHÖNGÖ 7:8

Kūö ngam Mā Tēv pöri nö hāngenlōn tö yīö, kūö ò inrē, nö haköp öp töchūöku kinlēḵngô ò, in yik muvöhngö yīö, angū-ö lökten ngam Mā Tēv nö aṅtī tö minhôiṅyö këlre, nö ṙānyen yīö ṙā-ang el öp patī inkövö, ṙā-ang eltī Fërō ap rācha aṅ Aikup.

1 RĀCHA 8:42

(Pò cha min nö hang ngam tökiröng minënyö meh, ngam tökalēḵ kël meh inrē tö ngam töhateutnyu kël meh;) yē ò min nö yih nö vë-ekūötēv nö kū-ötö ngih patī;

Salmai 114:1

Hē Israĕl nö ṙā-ang Aikup: ngam patī Yāköp nö ṙā-ang i yip tarik tö tohtöre ëlô;

Salmai 136:11

Ngaich kēnyen Israĕl nö ṙā-ang in cha: pò ngam miṙēlōn Ò nö örheūheu nö köp.

Ranehlö 15:16

Ngaich im finënkölchap chā-a min nö hēk nö yih nö ihih: pòn öl nup kanöölö yip aṅ Amôr nö tööḵlö.

MANEUTNYI 6:7

Kē-ĕ yīö Chin min öi tarik Chu, ngaich Chū-ö min öich Tēv yīö: ngaich akahakūö min yī-ö tö Chu Öich Yāvē, Öich Tēv yīö kamënyen yīö ṙā-ang elkatòh lumngan tī yip aṅ Aikup.

MANEUTNYI 12:2

Raneh në chingëṅt ön min ngòh chingëṅt nö in yīö: raneh ön min nö chingëṅt samyeūheu nö in yīö.

MANEUTNYI 12:41

Ngaich ngö inlahen i kinheūṅtö töfënòng lūöi anāi samyeūheu, im sakāmö angū-ö nö teungtö kūö nö ṙòkhöre yik tarik ngam Mā Tēv nö kunyi-inyre nö ṙāngö ngam panam Aikup.

MANEUTNYI 34:18

Haköpkö ngam tökiröng sakāmö man ngam tötaföhlöng ròtī. Sat sumkam kūö öm nyā tötaföhlöng ròtī, sā tinöölô meh tö Chu; ip hē töhalēnlöng ip chingëṅt Apip: pò meh kunyī-iyre ṙā-ang Aikup im chingëṅt Apip.

I. CHÖNGÖ 6:21

Ngaich ngö ṙô min më-eṅ töp kūönre kikōnyö, töhakövö in īhö misī tö Fërō i Aikup; ngaich holtö kumlēḵ këlre ngam Mā Tēv nö kēnyen ih ṙā-ang Aikup:

I. CHÖNGÖ 9:12

Ngaich ngö ṙô ngam Mā Tēv tö chu, chōholre ka-eūyen man yônti ṙā-ang ihih; tön hachōichngöre yip tarik meh yip kahënyö meh nö ṙā-ang Aikup: ka-eūyen yip nö kānngöre tö ngam talöökö ngam tinöölô cha tö chu; vī insā tēv yip tö töhaṙöichö mās.

I. CHÖNGÖ 13:6

Yē ap hanönglöknyö meh kikōnyö, kikōnyö kūön ap yöng meh kikānö, hēk kūön meh kikōnyö, hēk kūön meh kikānö, hēk ap pīhö meh takô, hēk ap hol, ap tösā lōn meh, nö ulāikenre nö haṙöingen meh nö ngö ṙô, Tā-a töi lök la-en tahëng tēv nup öt mikahkūö meh, öt rēhĕn nö mikahkūö yik muvöhngö meh;

I. CHÖNGÖ 13:11

Hòn ṙòkhöre aṅ Israĕl nö hang, pa-ekūö inrē ngaich öt hēk min nö ngatī la-en tö töngatī ötlanöökö tösā ngih nö elṙôngö yīö.

I. CHÖNGÖ 16:1

Haköpkö ngam chingëṅt Apip, haköpkö ngam pāsköl im Tēv meh ngam Mā Tēv; tön im chingëṅt Apip ngam Tēv ngam Mā Tēv meh nö kēnyen meh ṙā-ang Aikup tö hatööm.

I. CHÖNGÖ 26:8

Ngaich ngam Mā Tēv nö kēnyen ih ṙā-ang Aikup nö aṅtī tö kumlēḵ kël, aṅtī tö töteuthak kël aṅtī tö tökiröng pinhë-eṅkūö, aṅtī tö minkahngö, aṅtī tö pinngangkūö inrē:

KAMHÔKA 2:12

Ṙāngö ngam mā Tev cha-a, ngam Tēv yik muvöhngö cha, ngam kamënyen cha nö ṙā-ang öp panam Aikup, ngaich tömrit nup tahëng tēv, nup tēv yik tarik mahavīlen cha, sōntöre inrē nö in u: ngaich cha-a nö harunnyö lanīnö ngam Mā Tēv.

KAMHÔKA 6:8

Ngaich tīntö Pròfĕt ngam Mā Tēv nö in yik kūön Israĕl: ngö ṙô anga-aṅ tö cha, Ngö ṙô an ngam Mā Tēv, ngam Tēv Israĕl, Kē-ĕ meh chin ṙā-ang el ap patī inkövö;

NAHIMIĀ 1:10

Tarik Meh yin kūön alaha Meh inrē, vē töṙānyu tö ngam tökiröng minhôiṅyö Meh tökalēḵ kël Meh inrē.

Salmai 89:14

Kanô-en, inkaha inrē, rööntö ngam kantēra Meh: urēhĕkūö Meh ngam miṙēlōn, kanô-en inrē.

Salmai 136:12

Hol tö kumlēḵ kël re, nö hateutnyö kël re: pò ngam miṙēlōn Ò nö örheūheu nö köp.

YERIMIĀ 34:13

Ngö ṙô An ngam Mā Tēv ngam Tēv Israel; Vī kinlēḵngô chin in yik yöng yīö hē chu kēnyen cha ṙā-ang ap panam Aikup, ṙā-ang ap patī inkövö, öich ngö ṙô.

TANĪ-ĔL 9:15

Ō Mā Tēv ih, kamënyö vē tarik meh nö ṙā-ang ip paam Aikup nö aṅtī tö kumlēḵ kël re, ngaich vīlö minë-eny re me-eṅ, sā ngih sakāmö töngamuh, köölöfālen in, kēken ötlanöökö in.