MANEUTNYI 13:2 - TÖHET LĪPÖRE (Re-edited) Bible (BSI)

² Ahetlö yip lanòh nö ṙòkhöre nö in Chu, öp lamöpnyökūö chūök kanūönö in yip kūön Israĕl, hĕnghöre i tarik i töṙeūla inrē: Chū-ö Chu yip achā-a, nup anū-ö inrē. Nyinā Aṅ Ngam Töt-aföhlöng Ròtī

MANEUTNYI 13:2 Referans Kwoze

T. LŪKÖS 2:23

Sā kinūichngö e nö im chöngö ngam Mā Tēv, Vē lanòh kikōnyö hōtu nö töhet nö im Tēv.

KINṘEŪKÖ 3:13

Pòn Chū-ö nö ṙòkhöre yip lanòh; ik sakāmö hē Chu fël yik lanòh nö ṙòkhöre i panam Aikup, ahetlen cha Chū-ö nö ṙòkhöre yip lanòh in Israĕl, hĕnghöre tarik, töṙeūla inrē: Chū-ö Chu yip cha-a: Chū-ö Chin Mā Tēv.

I. CHÖNGÖ 15:19

Ṙòkhöre nup lanòh kōiny törööchnyu tö nup sīṅp meh nuā meh inrē nö töhòṅ ahetlöng nö im Tēv meh ngam Mā Tēv: un vītu la-en öp lanòh kōiny nuā, un rēhĕn nö kamööpi sanôi ap lanòh sīṅp.

KINṘEŪKÖ 18:15

Ṙòkhöre nup lamöknyö el chūök kanūönö, nup alaha, kahëtö cha nö i ngam Mā Tēv, hĕng höre tarik töṙeūla inrē, min nö më-eṅ meh: öp lanòh pöri tarik havaha tö meh nö ṙāyu, nup lanòh inrē aṅ i nup töhet töṙeūla havānö tö meh nö ṙāyu.

LA-EN LĒVĪ 27:26

Höng öp lanòh i në töṙeūla, öp tö ngaich nö vītu nö lanòh nö im Mā Tēv, öt tarīku min ma-ahetlen ò; yĕn pòrô ang nö kōiny nuā hēk sīṅp, minë-eny ngam Mā Tēv an anga-aṅ.

MANEUTNYI 4:22

Ngaich ngöṙô min më-eṅ tö Fërō, Ngöṙô an ngam Mā Tēv, Kūön chu an Israĕl, lanòh chu:

HEPRĀI 12:23

Im manūlö ane inrē māṅ ngam lanòh, yip tö kūichi nö el halīöngö, im Tēv ngam kamhòkken taṙòkhöre, i yip ma-alaha yip tarik tövītu nö teungten,

MANEUTNYI 23:19

Kēhĕt nup lanòhlòng chōn man aṅ ngam taṙeūḵ meh nö el patī ngam Tēv meh, ngam Mā Tēv. Uh man sum alaha kūön pököre öm el öp aṅteh öp yöng ò.

MANEUTNYI 13:1

Ngaich ngö ṙô ngam Mā Tēv tö Môsös,

KINṘEŪKÖ 3:12

Yĕh meūkö chu, öich kē vē Lēvī nö ṙā-ang in vē kūön Israĕl ṙënngen yip lanòh nö ṙòkhöre lamöpnyökūö chūök kanūönö nö i yip kūön Israĕl: Chū-ö Chu yin min vē Lēvī:

NAHIMIĀ 10:36

Ane inrē kētu nö el ngam patī ngam Tēv hī, nö in yip kūönṙô yip mameukṙen nö el ngam patī ngam Tēv hī, yip lanòh kūön hī kikōnyö tö nup nuā hī, sā kinūichngö e nö im chöngö, i nup tömūlhaka chehen hī sīṅp inrē nup lanòh;

ISIKĪ-ĔL 16:20

Ngaich me-eṅ inrē kē kūön yip nyīö kikōnyö nyīö kikānö inrē, yip kayôḵnyö meh nö kūön chu, ngaich cha-a vē nö kētū nö in u nö kā-ayö. Töng kūöṅnen öng ngam innyihköre tö meh

ISIKĪ-ĔL 16:21

Tö meh fëlngö yip kūön chu ngaich kēten cha nö tökētu nö in u nö lökten i kūö tameūyö?

MANEUTNYI 22:28

Uh man ötlēkôre tö kamhôṅka, um rēhĕn rūtngövah öp mahayöng vē tarik meh.

NAHIMIĀ 10:37

Kētö nup lanòhlö ṙòng tökaṙôta atra, nup tī hī inrē, ṙòng chōn, vāin, tavī-i, kētu nö i yip kūönṙô, nö el nup tökiröng urôhò ngam patī ngam Tēv hī; kētu inrē nö in yip Lēvi hĕng hata nö i tösöm nup aṅkūö tumlat hī, pòn yip Lēvi min mahamūl töhĕng i tösöm nö i nup elpanam hī i tavat nö ṙòkhöre.